انا اعرفة اختي ودايم اسويه وهو سهل مرة سوي ماقلت وشوفو النتيجة وتعالي قولي ايش صار
لبنــــــــــــ ـــات الشـــــــــــر قيه )) ام مصعـــب للحجـــامهـ ,,, التفـــاصيــل على الخــاص
شوفي انا طريقتي احمس بصل مع ملح وزيت واذا ذاب احط علية الدجاج المقطع ارباع واحط معاه زنجبيل طازج وثوم واخليه خمس دقايق واصب علية ماء حتىيتغطى الدجاج وأضيف ليمون اصفر (نص ليمونه ) واحط بهارات عدله (هيل ورق غار ودارسن ) واذا بدا يطبخ احط علية طماطة وسط مقطعه ارباع واخلية يطبخ لحد ما يستوي الدجاج بعيدين اشيل الدجاج واحطه بصنية التحمير
نجي لزر البشاور اغسلية بما وملح وبعدين نقعية بمرقة الدجاج تقريبا ثلث ساعه بعدين شبي علية واذا كانت المرقة شوية زيدي موية وملح (طيب كيف تعرفين مقياس الماء؟ انا اقولك )
وقفي الملعقة حقت الأكل في الوسط اذا ثابته لازم تضفين ماي واذا طاحت على طول تكون الموية كويسه بس انتبهي لا تكثرين الماي عشان يطلع نثري
بعدين زيدي النار شوي عشان يطلع الرز واذا شرب الماء قصري علية وتكونين مجهزه حمسة بصل وليمون اسود وتحطينها بالوسط وترشين على الأطراف زيت عشان ما يتلبد
وقصري علية وقصديرة ثلث ساعة لاه جاهز
ترى تعبت لحد ما ظبته بس خلي عندك عزيمة انا خليت كلمت عمي في راسي (كان يقول اللي ما تطبخ رز بشاور ما تعرف تطبخ ) وصادق لان موب كل يضبطة زي المزة والعنبر
قسم بالله حريم كبار اعرفهم والله مايعرفون له
طريقة للرز النثري

أرز مغسول بحركة خفيفة باليد بدون تكسير الحبة ومرشوش عليه الملح و (بدون ماء للنقع )قبل الطبخ بنصف ساعة وأنا أستخدم نوع رز ( كنتري أكس أل ) حبة طويلة ورائحة جميلة وطعم لذيذ . . .

علشان الرز ينثر ويصبح كل حبة لوحدها ( أشخله ) أي أسلقه أما بمروق اللحم أو الدجاج أو ماء وملح والقليل من الزيت وأذا تحبين تضيفن النكهات مثل الدارسين الحب أو الهيل الحب أو المسمار ( القرنفل)أو الغار على حسب الرغبة .

وهذه الطريقة ( طريقة سلق الرز) صحية وأخف لنزول نشويات الرز .

وبعد السلق ارجعه للجدر مرة ثانية وأخليه على نار هادئة مع أضافة على حسب الرغبة القليل من الزبدة أو السمنة أو الزيت على وجه الرز لينثر أكثر .

وجربيها ماراح تندمين ولا تنسيني من صالح دعاؤك . . الله يوفقج .
أرجوا من كل وحدة ساهمت بموضوعها ولو بكلمة أن تدعوا لي ولأولادي بالحفظ ولا أريد غير ذلك .. من لا يشكر الناس لا يشكر الله ..
يابعد قلبي كلكم أحرجتوني بكركم
يارب ترزق كل من ردت علي اللي تتمناه عاجلا غير آجل ياكريم يامنان وتوفقهم بحياتهم الدنيويه والأخروية
بصراحة ماأدري كيف أشكركم بس هذا اللي قدرت عليه ياجعلكم بالجنة ياااااارب وأنا معكم ووالديني ووالديكم وأهلي وأهلكم ياااااارب .
بعد ثلاثة أيام بلا قراءة .... يصبح الكلام بلا نكهة ....
نفس طريقة الاخوات بس احب اظيف ملاحظه انك اذا شفتي المويه حقت الرز المرق يبي ينشف قبل يستوي اكتمي القدر بغطا محكم مايطلع البخار منه وقصري عليه واذا شفتي المرق كثير وراح يتلبك ومافيه امكانيه تشيلين المرق على قد المغثه يعني شيلي الغطا وخليه مكشوف لحد ماينشف


الساعة الآن 03:38 .