الكوكتيل السعودي:

سويت الكوكتيل بثلاث طرق مختلفة ، و طبعا كل الطرق أخذتها من المنتدى و هي:

الطريقة الاولى:

( تحطين في جيك (( ابريق للعصير))عصير تفاح (( راوخ او اي نوع ))
علبة سفن اب علبه بيره ساده أو تفاح شرائح برتقال وتفاح اصفر او اخضر (( مقطع دوائر))
عودين قرنفل وحبتين هيل حزمة نعناع لتغطي فوهة الابريق (( نعناع بالعروق ))
ويترك لينقع في البراد نصف ساعه او حتى وقت التقديم امممم وما راح يشبعون منه ضيوفك )


الطريقة الثانية:

( تصبين بالجيك 1بربيكان توت(احلى طعم التوت) اعصير تفاح (راوخ)
والباقي سفن اب وبعدين تقطعين حلقات (برتقال-تفاح)وتحطيها بالجيكوتجيبي رزمه نعناع وتقطعين السيقان اللي تحت اللي مافيها نعناع وتحطي النعناع في الجيك.)


الطريقة الثالثة:

( تقطعي تفاح و برتقال شرائح ثم تحطيها في الجيك ، و قبضة نعناع ، ثم تصبي عليها نصف الجيك عصير تفاح رواخ ، و النصف الباقي سفن اب )


و انا سويتهم من العصر الى وقت التقديم الساعة 9و نصف ، و كانت الطريقة الثالثة أطعم ثم الثانية ثم الاولي كان فيها شوية مرارة...

و بالعافية...



هذا هو حجابي غصبا عن الجميع





اللهم أحفظ عيالي و أجعلهم باريين مصليين ،، آمين
بالنسبة للجريش كانت مسويته أخت زوجي الله يعافيها..

أما سلطة الملفوف و الجزر فأصرت زوجة أخو زوجي أنها تساعدني و تسويها فقلت لها الطريقة و سوتها الله يعافيها ...

سلطة الملفوف الجزر:

تبشرين الجزر
تقطعين الملفوف شرائح طولية
تخلطينهم مع بعض و بعدين تحطين عليهم ملعقتين مايونيز و علبة حليب سائل و ملح و شوية ليمون و شوية فلفل أسود..و تخلطينهم زين ،،و تتركينهم في الخلطة على الاقل ساعة أو الى وقت التقديم ،، تصفين الجزر و الملفوف في صحن التقديم ثم تصبين عليه شوية من الصوص حقهم...

و بالعافية سهلة مرة بس لذيذة جدا..



هذا هو حجابي غصبا عن الجميع





اللهم أحفظ عيالي و أجعلهم باريين مصليين ،، آمين
أعواد الشيش طاووق:

سويتها بصدور الدجاج ، قطعتها مكعبات متوسطة و بعدين حطيت عليها التتبيلة التالية:

صويا صوص
كاتشب
كمون
فلفل أسود
خل
ليمون
ملح
كزبرة مطحونة
بهارات


و خلطتها زين و بعدين حطيتها في كيس و دخلتها الفريزر ، لاني سويتها قبل بأسبوع ، ولما جاء يوم العزومة طلعتها الصباح ، لما جاء الظهر حطيتها في أعواد الشوى الخشبية...
و بعدين جبت صينية قصدير و صفيت فيها شرائح بصل و ثوم و فلفل رومي ثم صفيتها فيها، و صبيت صوصها عليها ،، و غطيتها زين بقصدير و دخلتها الفرن من تحت ، و لما أستوت شلت القصدير و حمرتها من فوق ،، يمممممممممممممم م مرة لذيذة و كانت طرية و حسبوها من المطعم...

أنا سويت 30 عود و صفيتها في صينيتين...

لا تفوتكم مرة لذيذة ، و الافضل تسووا زيي تتبلوه قبل بمدة و تحطوها في أكياس اللحم و على الفريزر أعتقد هذا اللي خلها طرية و لذيذة...



هذا هو حجابي غصبا عن الجميع





اللهم أحفظ عيالي و أجعلهم باريين مصليين ،، آمين
و انتهت الاطباق

هذي هي عزومتي و هذي أطباقها ..

اتمنى تجربوها و تعجبكم

و بالعافية

و شاكرة لكل من ردت أو دخلت في موضوعي ، و تسلمون يارب..



هذا هو حجابي غصبا عن الجميع





اللهم أحفظ عيالي و أجعلهم باريين مصليين ،، آمين
تسلم ايديك


الساعة الآن 12:41 .