اقتباس مشاركة  (الماركه)
حبيبتس الاسماك الي ذكرتهم اختي كويتيه حره كلهم حلوين وررروعه العندق حلو قلي وحتى في الفرن شوي حلو والهامور بعد حلو شوي وفيليه وكبسة والشعور او الشعري حلو قلي او فيليه واذا كبيره صينيه في الفرن مع اشوي بصل مذبل وشرائح طماطم وبهار عادي مع ثوم وكرفس او بقدونس ياااااي رووووعه و الميد شوي على صاج والقرقفان بعد والفسكر (بنت النوخذه الي فيها خط اصفر واسود)وفي سمك اسمه الحمام يجي على احمر او وردي ماحبيته والبلطي حلو مشوي في الفرن ومحشي كرفس وثوم وفلفل احمر حااار وملح والصافي احنا امي تسويها نفس السبزي الي على لحم بس على سمك الصافيوتحط كزبره مع اشوي كرفس مو الكرفس الكبار الي اخو البقدونس من الرضاع خخخخخخ والسمك الصويفي زوجي يحبه كثير اهو سمك صافي صغار يقول ذايقه عند عمه وكلا يدور مو لاقي يقول طول الصبع والكنعد او الجنعد (المفروض يحطون الحروف الباقيه عندنا مثل الجنعد نكتبها بالجيم او بالشااو بالكاف)كيفي بتشرط الموهيم حلو قلي بدون بهار بس ملح وبعد حلو مبهر وحلو بروستد ويصلح للصياديه طولت عليكم ادري هذره بس بغيت افيد


هلا بك والله ماقصرتي شكلك خبيره أصليه

وياليتك تفيديني عن الهامور اليعيونه ولسانه متفقعين طالعين برى
أنا كل ماجيت أشتريه وشفت هالمتفخ أخاف وش رايك عادي ولا موتينه بالقوه هههههههههههه
24-01-1429 هـ, 03:56 مساءً
 
@ أم آي @ لا شكر على واجب حبيبتي . .

وبالنسبة لعيون الهامور المنتفخة هذا شكله لا تخافين . . لكن بخوفك ألحين أكثر لو عرفتي أنهم يحدقون له ( أي طريقة أصطيادة ) عن طريق فاااااااااااااار . .
24-01-1429 هـ, 05:23 مساءً
 
(الماركة ). . حبيبتي تشرطي تأمرين أمر بالنسبة للجنعد . . والله لقيتها أحلى (بالكنعد )أنت خيرتينا بين (ج و ش و ك ) وأنا أخترت( ك ) ومشكووورة على التوضيحات الحلوة . .
وجزاك الله خير .
24-01-1429 هـ, 05:37 مساءً
 
الشعري لحمتة ناشفة شوي حلو مقلي وأيضا مرق

(شعري مقلي)

سمك شعري مغسول ومنظف ومنشف من الماء
ضعي بالهاون كل من الثوم المفروم و حبة فلفل أخضر حار و ملح + ملح ليمون + كمون+فلفل أسود يضرب جيد بالهاون ثم يضاف قليل من الخل ويتبل السمك بهذا الخليط ويترك جانبا .

عند القلي :
يخلط بكيس نايلون كل من طحين والملح وكركم وفلفل أحمر بودر على حسب الرغبة . . أرج الكيس جيدا ثم أضع قطع السمك وأيضا أرج الكيس جيدا لغاية تغطية السمك بالخليط ثم أنفضة عن المتبقي من الطحين وأقليه بزيت غزير لغاية الأحمرار ثم أرفعة وأضعه على ورق ماص للزيت . .
24-01-1429 هـ, 06:03 مساءً
 
الزبيدي حلو أما مطبق ( مجبوس) أو خثرة ( مضروبة )وحتى مشوي لذيذ

الصافي حلو محمر أو مطفي على قولة أهل البحرين أو مقلي

الكنعد حلو طريقة الستيكات أو مقلي أو مشوي أو ميدم بالكويتي

الصبور لذييييييييييييييذ بالشواء يابنات بالرغم الشوك ألي فيه وأنا بتصوري وبتصور أهل الكويت ألذ سمكة بالشواء بعد النقرور .

العندق والنويبي والحمام حلو مرق أو نفس ما قالت أختي ماركة صينية بالفرن .

الميد وما أدراك ما الميد مشششششوي فقط

أي وحدة بنات حابة نوع من أنواع أي من السمك المذكور تقولي وأنا أقولها على الطريقة وحياكم الله .
24-01-1429 هـ, 06:18 مساءً
 


الساعة الآن 05:20 .