السلام عليكم
اخواتي عندي استفسار
انا شريت عجانة فيها 3 معدات
وحدة للبيض والسوائل ،، ووحدة للبسكوت و الاشياء الثانية اللي تجي سمااكتها وسط وغيره ووحدة للعجين doughhook
المهم انا ابغي اسوي عجينة بيتزا وعندي اكثر من طريقة خااااطري اسويها بس
بعض الطرق مو محددين كمية الماء يعني اول شي اخلط المقادير الجافة وبعدين اضيف الماء شوي شوي
وبعض الطرق العكس احط السوائل وبعدين شوي شوي اضيف المقادير الجافة (الطحين)
الحين ابي اسأل بالعجانة شو النظام اللي المفروض اتبعه اني اضيف السائل أول وبعدين شوي شوي اضيف الدقيق؟ واللا العكس؟ واللا كلهم مثل بعض ما يفرق
انا اسأل خايفة مايصير اعكس لأن كل مضرب له وظيفة خاصة تعتمد على درجة سمك الخليط و خايفة اخبص الدنيا و أخرب العجانة ماصدقت شريتها
ياليت تفيدوني لان ودي اسوي اكثر من طريقة و كل طريقة ترتيبها غير عن الثانية

خلصنا من السؤال الأول
السؤال الثاني لو ابغي اعمل طريقة عجين مالها مقادير معينة يعني مثل عجينة المرقوق مجرد ماء و ملح و طحين ،، عادة اسويها بإيدي و ازيد الماء او الدقيق ليما تضبط،،
بس كيف الوضع بالعجانة؟ اسوي نفس الشي؟ يعني مثلا اضيف ماء و شوي شوي اضيف دقيق واللا اعكس احط الدقيق وشوي شوي اضيف الماء؟؟ افيدوني لاني والله محتارة

ان شاء الله تكونون فهمتوني بس
واللي ترد علي ماراح انسى جميلها ناوية استخدمها و أبيض وجهي فيها الله يخليكم

سبحن الله وبحمده سبحن الله العظيم
للرفع
انا افضل احط السوائل بعدين شوي شوي احط الدقيق الين تتماسك العجينة وهي
تدور على سرعة بطيئة بعدين ازيد السرعة

واذا على عجينة المرقوق عادي حطي المويا والملح وخلية يدور بعدين زيدي الدقيق
على دفعات الين تتماسك

انتي وش نوع عجانتك كينود
شوفي عزيزتي أفضل شي ا نك تحطي السوايل وبعدين الدقيق بالتدريج
لأنك اذا حطيتي الدقيق قبل ماراح يختلط صح مع السوايل الباقيه اذاعجانتك كينوود
لكن غيرها ما عندي فكره
مون والحرة
تسلميون على ردودكم يارب تتحقق امانيكم يالغلا
هاذا اللي كنت ابغي اعرفه يعني ابدأ بالسوائل وبعدين المقادير الجافة خلاص اطبقها ممم بعد بكره موعدي الأول مع عجانتي الله يستر ان شاء الله تضبط بس
وألفففففففففف شكر لكم صدق انكم راعيات فزعة جزاكم الله خييييييييييييير
سبحن الله وبحمده سبحن الله العظيم


الساعة الآن 08:24 .