اقتباس مشاركة  (قلب الدلع)
يعطيك الف عافيه ع الموضوعــ,,


وبجاوب لبعض الاسئله...


بصراحه أحسن طبخه..
اااممممممممممم

والله اي شي تسويه زين ..

بس احب التشيز كيك,,,و السلطات إلي تسويها<<<لانها تحط خلطات حلوه عليها كانها خلطات مطاعم الفنادق..

وطبعا الكلات الشعبيه,,,



-=-=-=-=-

لي عوده بإذن الله,,للموضوع,,


يعطيييك العافيه عالمرور نوررتي موضوعي..

وانتظر عودتك ..
اقتباس مشاركة  (الناضره)
أنا بعيده عن أمي والله بكيت بعد ماقريت الموضوع أبيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي أمييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي
معلييش بعد عمري ما كان قصدي اني اقلب المواااجع<<حست بالذنب...
دوحة القرااان..
مرورك الارووع بس لو جاااوبتي كااااان احسن بكثير,.
اقتباس مشاركة
افضل اكله هي الجريش
فيه اكلات والله كثير ماشاء الهل بس يالله انتي طلبتي وحدة
اذا تبغين تزيدين كيفك حبيبتي...

اقتباس مشاركة
خخخخخخخخخخخخخ قلت باسوي حلى عشاء اللي هو حلى العائلة
مكتوب بالمقادير ذرة ملح وانا مااقراها ذرة بشد الراء اقراها ذرة من الخضار وقعد ادور وين الذرة اللي بالملح قمت شريت ذرة وحطيت فيها ملح وهرستها وحطيتها بالحلى
وكملت العملية
من بعدها ابوي قال لي لاعاد تدخلين المطبخ
ههههههههههاااااااااااااااااي
قسم بالله موتينييي ضحححك من عذره ابوووك منعك من دخووول المطبخ...

اقتباس مشاركة
ان شاء الله بكرة باروح لهم ان شاء الله واصورها
انتظررك..

اقتباس مشاركة
موضوعك يجنن
الله لايحرمنا منهم اللهم امين
اميييييين..
ولا يحرمني من طلتك الروووعه..
سلام عليكم حبيبتي .. موضوعك يجنن .. صحيح انا بعيدة عن والدتي الله يطولي بعمرها يارب مثل الاخت ناضرة .. وهي بعد خلت عيوني تدمع على امي فديت روحها ..بس مااقدر انساها ولا اقدراستغني عن وصفاتها الي اشتهيها بين فترة وفترة واتصل عليها وآخذ المكونات .. بس ولاوصفة طلعت بالضبط مثل الي آكله عندها .. اكيد الطبخ نفس ونفسها ماشاءالله عليها .. وخاصة بالعزايم .. ماتخلي قصور ووالدي كان دائما يمدح اكلها ماشاء الله عليها ..

1- أفضل أكله أكلتيها من مطبخ أمك ..

(بصراحة اذكرلكم كذا وحدة لان بصراحة لاتعد ولا تحصى


الكشكاه بالكركم .. اعتقد العراقيات يعرفون ايش اقصد هو مثل القمح او ما ادري ايش والله خخخ الأكلة الثانية الكفتة بالطحينة والبطاطس بالفرن مع الرز والشعيرية اموت عليها .. والشغلة الثالثة التشيز كيك مالها يهببببببل .. طبعا من وعيت على الدنيا وانا اسمعهم يسمون هالحلا كل آند سكت .. هههههه ماادري ليش اعتقد مرة واحد من اخواني كانو صغار وسألو ايش اسم هالحلا فابوي يمزح معاهم قال اسمها كل آند سكت .. ومشت علينا تصدقون بعد ماتزوجت عرفت انها نفس التشيز كيك تقريبا .. حتى اني صورتها لما طبقتها ببيتي وان شا ءالله انزلها بالمنتدى بقسم الحلويات باذن الله )

سامحوني طولت بس انتو فتحتو موضوع مايقدر الواحد يتوقف عن الكتابة فيه هههههههه


2- أكثر أكله تشتاقين إليها من مطبخ أمك ولكن لاتتوفر فيه دائما

الكشكاه بالكركم واللحم مشتاقتلها موووووووووووووت موت .. وطبعا ماتتوفر في اي مكان .. لانها اصلا احنا كنا نجيبها معانا من العراق لما نرجع لدبي .. وكانت تحطها بالفريزر وتستخدمها بين فترة و فترة ..


3- أول تجربه لك في مطبخ أمك
( والله كانت اول تجربية لي بالصف الرابع ابتدائي .. عطونا في المدرسة حصة التربية الاسرية طريقة العجبة بالجبن .. اومليت بالجبن .. وعجبتني .. وعلى طول رجعت طبقتها في البيت وضاقوها وماشاء الله ماقصروا بالثناء والمدح والتشجيع الله يحفظهم لي يارب .. وحتى ابوي لحد الآن يسميها العجة المريمانية على اسمي خخخخ طبعا مشت عليها هالتسمية من بابا الله يطول عمره ويشفيه .. ونقلتها لبيت حماي ابو زوجي يحبها لما نروح على الفطور بالاجازة يطلبها ..حتى اخوان زوجي يطلبوها مني .. طبعا هي ببساطة تسوين عجة عادية تخلطين البيض والملح وشوية فلفل اسود في كاسة صغيرة على جنب ولما يسخن الزيت تعطيها وتغطيها وبعد ماتقلبيها على الوجه الثاني تقسمين جبن السلايس قسمين وتضعينه بالوسط ولما تحسين الاسفل استوى تلفين العجة من جهة اليمين مثلا وتقلبيها على الجبن ومن اليسار تصير مستطيلة فهمتو علي صح .. وبس وتقدميها .. مع كل بيضتين سلايس واحد جبنة يكفي او حسب الرغبة .. ومرات ننوع ونحط جبن وطماط ..وبس )


علاقة الأم في بعض أدوات مطبخها علاقه شبه عشق وهوى
فما هو أكثر الأشياء إلتصاقا بمطبخ أمك ولك فترة طويله وأنت تشاهديها


تعصبني تعصبني لأنها تتعلق بالمثرمة وماتتركها لو ماادري شو يستوي فيها .. لما رحنا عندها زيارة حاولت اني ارميها واشتري وحدة واغريها بوحدة حلوة .. والله مارضت .. تنظفها بالكلور وحالتها حالة وماترميها .. اعتقد هذه الشغلة الوحيدة الي احسها متعلقة فيها .. يمكن الحين اذا سرت عندها بعد سنة من الزيارة الماضية راح اشوف نفس المثرمة



5- صوري لنا بعض هذه الأدوات والأكلات وإن كنت كريمه أيضا صورة لمطبخ أمك ككل
يارييييييييييييييييييت اقدر البي هالطلب كنت راح املي الموضوع بالصور ..

6- ماهو سر تميز أكلات مطبخ أمك ..
( هنا نريد أن نذكر بعض تفاصيل نجاح أي طبخه وسر نكهتها المميزه )
في هذه النقطه بالذات سوف نتوسع في الحديث عنها
فهناك أكلات نفسها تأكليها في مكان تختلف عن ماتأكليه من مطبخ أمك
لذا نود ان نذكر بعض الأمور التي تدخل في الطبخه وتساعد على نجاحها
مثلا :
نوعية البهار , نوعية العجن , إدخال نكهه ما , مدة الطهي , طريقة الطهي , نوعية إختيار الأدوات , إختيار المقادير
وامور أخرى كثيره بتفاصيلها


والله الوالدة عندها التخبيص سر نجاح طبخاتها خخخخخخخخخخخخخخ .. تخلط اشياء عجيبة غريبة .. من خيالها وتطلع تجنن .. تخيلو مرات كنا لما ندخل نساعدها .. نقرر ماناكل الاكل الي تسويه .. لان تخلط معاه كل الاشياء الي مانحبها .. بس مانشعر بطعمه طبعا .. لكن لما نشوفها تحطه نغير راينا ههههههههههههههههه فديت روحها طبعا والله بديت اسوي نفس الشي في بيتي .. خاصة اني اعرف بعض الاشياء المفيدة وماتحبها بنتي اخلطه وتاكله بس بدون ماتشعر بطعمه ..

والله ما ادري شو السر بأكلاتها .. لكنها واهم شي عندها تحب تحب تسوي الاكل من كل قلبها ..و اهم شي عندها انها تسوي شي يعجبنا .. ونقولها تسلم ايدك نريد منه مرة ثانية .. مع صعوبته تسويه بكل نفس ومن كل قلبها ..

بالنسبة للبهارات هي من النوع الي تحب البهار .. بس تحط لكل طبخة البهارات الي تناسبها ..ماتخبص من هالناحية .. ههههه

أذكر انها كانت ترتب البهارات بغرش الزجاج وتكتب عليها وكانت كمية كبيرة من البهارات عندها وكانت تفرح اذا ذكرتها وحدة بعد سفرها بنوع من البهارات الاصلية ... تحب تجمع بهارات .. وكانت ماتشتريها من الجمعية ابدا .. طبعا غير الاشياء البسيطة الفلفل وغيره .. كانت لما ننزل للسوق الايراني بالشارقة تشتري او من الاماكن المتخصصة بالبهارات ..

يمكن كانت تحس ان البهارات الجاهزة نكهتها تروح .. وهذا صحيح من تجربتي .. بالفعل الجاهز نكهته اخف ..

اما عن طريقة الطهي .. واسلوبها بالطبخ .. كانت الوالدة وبحكم عملها الداااااائم والدوام الطويل .. كانت تسوي يوم للحم تشتري اللحم وتطبخا كله وتتعب عليه وتقسمه مع مايه بصواني ولما تجمد تكسرها وتخليها .. كانت عندها مجمدة كبيرة .. ونفس الشي تسوي صواني البيتزا بس تشويها من تحت بس وبدون جبن .. ولما نطلعها نحطها بالفرن او المايكروويف ونبرش الجبن عليها .. وتسوي كميات لحم بعجين صغيرة .. وكبب بأنواعها .. ماكنت تسوي الطبخ بيومه الا نادرا .. كلشي جاهز .. وهذا السر الي يخليها كل مايدخلون ضيوف عندها فجأة تكرمهم آخر كرم كله جاهز بس نسخنه .. ويطلع كأنه جاهز وطبعا الذ لما نسخنه بالفرن بدل المايكروويف.. حتى انها تحمل معاهم بعض المعجنات الي يحبوها ..


بس الغريب بماما انها نادر ماتتذوق الأكل الي تطبخه ولما تذوقه .. ياويلنا يصير مااااااااااااالح مالح لانها تحب المالح .. وكانت دائما تطلب منا احنا الي نذوقه .. هههههه حبيبتي والله


ياويلي والله طولت عليكم .. خخخخخخخخخ ماكنت متوقعة بياخذني الموضوع لهالدرجة .. نسيت نفسي هههههههه سامحوني ماراح اشيك على الاملاء ..عدوها علي الاخطاء

تسلمين على الموضوع وياريت كان عندي صورة المثرمة عشان تعرفون ليش اكرههاااااااااااااااا


سلام
اختكم
ميم ام مارية
سبحان الله عدد خلقه ورضا نفسه وزنة عرشه ومداد كلماته


الساعة الآن 02:17 .