اقتباس مشاركة  (la rosa)
لسان العصفور
مكرونة لسان العصفور بتحمريها فى شوية زيت صغيرين كأنك بتحمرى الشعيرية بس متخليهاش تتحمر قوى يعنى بلاش تاخد لون غامق كتير وانتى بتحمريها تكون الشوربة بتغلى وانتى مخيرة اما شوربة فراخ او ماء وماجى
المهم بمجرد ما تطفى النار على لسان العصفور وهى لسه سخنة جدا على طول حطيها على الشوربة وهى بتغلى ولازم تكون الشوربة بتغلى والنار والعة تحتها
اول ما تحطى لسان العصفور فى الشوربة وطى النار شويه ومتغطيهاش عشان متفورش وسيبيها 7دقايق تستوى المكرونة وبالهنا

تتبيلة محشى الكرنب
رز مصرى- بقدونس- كسبرة خضرا- شبت-نعناع-كرفس- لحم مفروم(اختبارى)- طماطم مضروبة فى الخلاط بس مش كتير- كمون- ملح-فلفل-بهار
الكرنبة بعد ما تفكى ورقها تكونى حاطة حلة كبيرة على النار فيها مية بتغلى وكمون وتغطسى الورق لثوانى وتطلعيه على طول عشان ميتهريش ولما تخلصى الكمية لفيه ورصيه فى الصينية واسقيه شوربة يادون تغطى الكرنب بس تكونى كابساه كويس عشان ميفكش وقت الغليان
سويه وقت سوا الرز العادى وبنفس الطريقة
جزاك الله خير

شكررا على الطريقة شوربة لسان العصفور مش بتضيفوا لها صنوبر؟؟
لان سمعت انه هو بيستعمل فيها؟


الساعة الآن 05:06 .