اليوم يابنات منتدانا الرائع اللي أستفدت منه كثير جايبه تطبيق كبسة الرز الهندي للاخت أم الصقرين و القمر لا وبعد سلطتها
الله يجزاها الف خير و لا يغركم أني عارضه تطبيق ترى أنا طباخه يمشي حالي في فنادق خمس نجوم >>>> لاياشيخه وش ذا التواضع
المهم يلا للمطبخ
الطريقه اولا تقطعين بصل عادي وبصل اخضر وثوم
ثانيا الخلطه السريه للرز الهندي تحطين بالخلاط طماط وشوي صلصه وملعقة ملح ليمون وهنا السر الي يخلي طعمه رهيب وبرضو تحطون حزمة كزبره بالخلاط وتخلطينه لين يختلط زين
ثالثا تقطعين الدجاجه ارباع وتقلونها بدون تبهير واذا قيلتيه حطيه على جنب
رابعا تجهزين قدر وتحطين فيه موي وهيل حب ودراسين ومسمار وزيت وربع ماجي وخليه يغلي على النار
الطريقه
تحطين بالقدر زبده وزيت وتحمسين البصل العادي والاخضر لين يصير اصفر حطي مكعب ماجي
وحطي بهارت عدله وبهارت مطحونه واحمسي وبعدين حطي الدجاج الي قليتيه واحمسي وقصري
النار كل ماحمستي بنار هاديه كل ماكان اطعم وبعدين حطي عليه خلطة الطماط مع الكزبره والملح
الليمون والفلفل القرون واحمسي زين وغطيه شوي
وجبيي رزك واغسليه وكبيه على القدر الي حطيناه يغلي واسلقي الرز نص سلقه فقط واشخليه
وكبيه على الحمسه وحركيه لين يختلط رزك مع الحمسه وقصري نارك واذا نشف جيبي شوي زبده
وحطيها فوق الرز مع موية كادي وفلفل بارد قطعيه طوال وحطيه بالرز
أما السلطه ايضا لاختي أم الصقرين والقمر وبعد أعيد أسمها حفظ لحقها
خلطة الزبادي اخذ علبة زبادي مع فص ثوم وحبة فلفل اخضر وشوي بقدونس ونعناع واحطهم بالخلاط واخلطهم
وأترككم مع الصور وتى عشان تشهون خخخخخخ
ه>ا صحن سفري لخوي
وه> من الرز من قريب
رابط الموضوع الاصلي
http://http://forum.hawaaworld.com/showthread.php?t=1030364
وتحياتي
أختكم قولو سبحان الله