شوفوا المصيبه اللي صايره بالمستشفى العسكري !!!!

لهذه الدرجة وصلت الجريمه والبعد عن الله
توني جايه من العسكري ابزور قريبه لي والساعه 7 المغرب وانا داخله مع زوجي الا الناس متجمهرين عند الاصنصيرات وزعل وكلام وناس تهاوش حقين الأمن !!!!! وحنا ماشين بنطلع الا حق الأمن وقفنا واعتذر بادب لزوجي اسفين اخوي ممنوع الطلوع واوقفت الزياره الأن وتخيلوا واضح الامر فيه شي قلت لزوجي خلنا نوقف نشوف وش السالفه الا واحد جاء ويهاوش ويقول (انا طالع طالع بنتي فوق وشلون اروح واخليها ومعصب وحقين الامن يهدونه سأله واحد وش السالفه قال :

طفل مخطوف !!!!!!!!!!!!!!!من المستشفى وسكروا كل البوابات ياربي وين وصلنا

المهم قال رجلي خلينا نطلع حرام نضيق على الأمن هم مساكين يقومون بواجبهم وحنا طالعين وقفونا اللي عند البوابه واخذوا سله القهوه حقتي وفتشوها وسألهم زوجي وش السالفه وفعلا قالوا طفل مخطوف انا عرفت انه رضيع يوم فتشوا سلة القهوه
وشفت عائله سودانين طالعين ومعهم رضيع ملفوف وقفوهم ومنعوهم من الخروج اكيد بيتأكدون من الطفل

ادعوا يابنات انهم يلقونه ياربي والله افكر بأمه الله يثبتها وحسبي الله على كل مجرم
واللي عندها خبر تبشرنا الله يوفقكم