السلام عليكم ..
بنات بيجنا بكرة ولد عم زوجي يتغدا عندنا .. وأول مرة يتغدى او يتعشى عندنا ..
وش اسوي غدا .. فكرت اسوي صينية توست بالدجاج..تصلح؟؟ وجنبها حلى وشئ ثاني
تكفون يا بنات اعطوني مشورتكم .. ابغا اصناف مقترحة .. موب تعطوني روابط ..محتاااارة
انا جاني عم زوجي قبل كم يوم
صلحت كبسة لحم وجريش وورق عنب جاهز ومحشي كوسه ولفاف تورتيلا وسلطة سيزر وسلطة قوس الرحمن
وبعد الغدا جبت فاكهه مع حلى عشاء سويت كريم كرميل بالفرن مع تراميسو
وبس


دموع الفراق يا قلبي عليك شكله ضيوفك قلال
شوفي حبيبتي احس صينية التوست تنفع على العشا وشي سريع
اما واحد اول مره يدخل بيتك ويذوقك طبخك صعبة خصوصا انه قريب واكيد بيعلق عند اهله

انا اقترح عليك تسوين شوربة مثل شوربة الدجاج بالذرة - وفتوش
والطبق الرئيسي : صيادية سمك مع رز - كبسة لحم - مضغوط ...اهم شي يكون رز لأن السعوديين اذا مااكلو رز ما يملا عينهم
وسوي خضار سوتيه
وحلا خفيف مثل الحلا اللي بكيك ديمة

ولا تنسين تسوين نصف الاشياء اليوم مثل الحلا وسلق اللحم او الدجاج والباقي بكره على رواق
ياحبيبتي اول شي على حسب عمره اذا كبير صلحي كبسه رز ولحم او دجاج وصلحي قرصان او جريش وسلطه وحلى

واذا شباب صلحي صياني صينيه رز ومكرونه وسلطه وصينيه توست وحلى

وصحه وعافيه
لا اله الا الله وحده لا شريك له له الملك وله الحمد وهو على كل شي قدير
لا اله الا انت سبحانك اني كنت من الظالمين
سبحان الله والحمد لله ولا اله الا الله والله اكبر
اهم شي الذبيحه .. دامه اول مره يدخل بيتكم .. والباقي جهزي العلب القصدير مثل اللي في المطاعم ووزعي الاكل فيه و عطوها سواويق حارتكم .. او عطوه جمعيه ..
المهم نجي للمقبلات .. حطي نوعين سلطه .. مثلا سلطة الجرجير ..اغلب الرجال يحبونها .. وممكن سلطة الكرنب مع الجزر .. او سلطه عاديه او فتوش .. وحطي ورق عنب وحمص .. وشوية مقالي مثل السموسه وسبرنغ رول وكبه .. والاطباق الرئيسيه ممكن محاشي ومكرونه بالبشاميل و نوعين طبق شعبي ممكن جريش ومرقوق او قرصان .. والحلا نوعين .. ممكن كريمة فرن وبلوبري تشيز كيك .. وطبعا لاتنسين الفاكهة ...
على فكره كل الاطباق اللي حطيتها تنفع للرجال .. لاني لاحظت اني اذا تفننت في عزايم زوجي .. الاشياء الغريبه ماتنذاق .. الرجال يحبون التقليدي ..
والله يسهل عليك


الساعة الآن 06:50 .