.
.
.
بالنسبة لي افضل شي حصلته بالغربة وماكنت بحصلة بالوطن الا بعد سنواااااااااات هو البيت الاستقلال بالمنزل لأني كنت عايشة عند حمولتي وشرشفي على راسي من الصبح الى الليل وان جلست بغرفتي قالوا وش فيها متروشنة ولا اقدر البس ولا اتعطر البيت مليان شباب داخل وطالع ومافيه اي خصوصية..
بالغربة سكنت ببيت مستقل انام واصحى على راحتي البس واكشخ على راحتي اطبخ اللي يعجبني واعتني بولدي بعيد عن توجيهات كل لحظة ودقيقة .. وغير كذ مرتااااااااحة من العزايم والمجاملات ولبس الاقنعة على قولةsaltskar عايشة على طبيعتي .. وبالنسبة للتقارب الزوجي انا ما فهمت زوجي كويس الا يوم تغربت لأن بالرياض ما اشوفه الا بنهاية الليل يطلع من وضيفة الى وضيفة عشان يلحق على مصاريفنا اللحين نفسيته مرتاحة مع ان ضغط الدراسة يعكر المزاج لكن يبقى لنا بعض الاوقات الطيبة ولا قد شفت زوجي بهالمزاج الصافي بالرياض..ما شاء الله الله يديمه من مزاج..
ايضا من الاشياء اللي استفدت منها بالغربة هي الدراسة .. لأن الوحدة متفرغة ومزاجها فاضي لهالشغلة لو كنت بالرياض كان طارت علي السنين وانا اسوف لنفسي كل ترم اقول الترم الجاي ادخل لي معهد لغة .. وبعدين ما ادري عن نفسي الا مرت السنين وانا مكانك سر..
لكن كل شي له سيئات ما فيه كمال بهالدنيا شوقي لأمي غااااااااااااااااالبني واهلي كلما كلمتهم تخنقني العبرة واكره الغربة على بعدي عن اهلي..

موضوع جميل ..تسلمين ياحافية القدمين <<على فكرة احس نكك له قصة ياليت تتحفينا لو كانت كذلك..!!

انا تزوجت وجلست اقل من شهر وسافرت مع زوجي لبريطانيا

اول شهر بغيت اموووووووووووووووووووووووووووو ووووووووت

تعبت وبغيت انجن

وحسيت انه بيجيني حالة نفسية

بعدين بديت اتاقلم مع الوضع

وبصراحة قربت من زوجي وزوجي قرب مني كثيييييييير

بس والله اتمنى ارجع لللسعودية

فقدت اهلي واهل زوجي

فقدت الجمعات

مو مشكلة ان نكون بعيدين في مدينة ثانية

لكن نكون في السعودية

الله يعجل برجوعنا

قسم بالله مافيه زي بلدك

واهلك

ومهما قلتي

ترى الغربة صعبة

دعواتكم لي

الغربة لها منافعها ومسؤاها
بس يمكن منافعها كثرة
لكن مهما حصل يبقى الحنين لاهل والجمعات

بلادي وان جارت عليه عزيزة ...........واهل وان ضنوا عليه كرام

الغربة افضل بكثييييييير ماشاء الله :)

اللهم الشوق للغالية أمي وإلا الباقي يهووون .....

يسلمووووو

بالنسبه لي العيش بالوطن افضل مليون مرره من الغربه الحمدلله حتى بديرتي مااحد يتدخل بحياتي الزوجيه.

يكفيك من الغربه اقاربك يتزوجون ويحملون ويولدون ويموتون وانتي ماشفتيهم (بالنسبه لي انزل مره وحده بالسنه للسعوديه بأجازة الصيف فقط)

هنا الدنيا اغلى على الاقل بالسعوديه كل شي متوفر لنا عايشين كأنننا ملوك هنا الاشياء الاساسيه فقط ويا الله يكفي .



حتى هنا لازم قبل ماتنزلين زياره لبلدك تاخذين هدايا لأهلك واهل زوجك وبعض البنات لازم ياخذون حتى لاقاربهم

اشين شعور انك تحسين انك غريبه في بلد مو بلدك.

الله يردنا لبلادنا سالمين ويطوي غربتنا على خير.