مرحبا واهلا وسهلا بحبايبي بنات حواء ..
كيفكم ؟؟؟ ان شا الله بخير
الله يعافيكم ويوفقكم ويجزاكم خير ابي طريقة كيكة التمر وطريقة الصوص اللي يجي فوقها .... بس تكون مجربه لان ماودي اسويها وما تضبط <<<<<<<<< طراره وتتشرط
يالله همتكم ...


لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
للرفع.............لاني بعد ابي الطريقه حقت منال العالم بحلقتها قبل امس ...كانت جناااااااان شكلها......

يارب ...افرج لي همي...وطول بعمر امي وابوي...
للرفع نفس الطلب
توني اليوم مسويتها

المقادير:

4 اكواب طحين ( الكوب اللي نشرب فيه الكبتشينو او شاي الحليب)
2 ملعقه صغيره بيكنغ بودر
1 ملعقه صغيره بيكربونات الصودا
6 بيضات 1
كوب سكر
1كوب زيت
6 اكواب تمر وكل ماكثرتي طلع احلى
جوز ( عين الجمل)


مقادير التوفو:

كاس سكر
3 علب قشطه معلبه

الطريقه:

يخفق البيض مع السكر لمده خمس دقائق ثم يضاف اليه الطحين والبيكنغ بودر والبيكربونات والزيت

يذوب التمر مع ماء ساخن ويضاف للخلطه السابقه

اضيفي المكسرات واخلطي بالملعقه

ودخليها في الفرن عند حرارة 180 وخليها نصف ساعه

طريقة التوفو:

يذوب السكر على نار هادئه

اضيفي ملعق صغيره من القشطه وحركي ثم اضيفي الباقي بالتدريج عشان مايتكتل وخليه شوي على النار عشان يغلظ وبتزيد عندج كمية التوفو خليها على جنب حق اللي يبي يحط زياده

صبي التوفو فوق الكيكه عقب ماتقلبينها طبعا ورشي عليها من الجوز المطحون وحبات الجوز

وبالعافيه
هاذي طريقتي ونشاء الله مضبوطه 100%

كيكه التمر

المقادير:
2 كوب طحين الكويت
1 كوب تمر
ا كوب حليب او ماء ( حسب الرغبه )
ثلاث ارباع كوب سكر
1 كوب زيت
3 بيضات + فانيلا
1 ملعقه كبيرة بكنج بودر
1 ملعقه صغيرة هيل مطحون
نصف ملعقه صغيرة زعفران
الطريقه :
1- يحمى الفرن قبل البدء بخلط الكعكه
2 يخلط التمر و الحليب اوالماء و الهيل و الزعفران بخلاط الكأس جيدا
3-يخلط البيض السكر و الزيت ثم يضاف عليها التمر
4-يضاف الى الخليط الطحين و البكنج بودر
5- يخبز في الفرن حتى النضج

التوفي بالدبس :
علبه قشطه
نصف كاس دبس التمر
1 ملعفه صغيرة نسكافه
الطريقه : تخلط المقادير مع بعض على نار هادئه الى ان تتجانس
يصب التوفي على الكيكه وتزين بالجوز

ملاحضه :
يستعمل الكاس او كوب الحليب في المقادير


الساعة الآن 07:41 .