اقتباس مشاركة  (قهوة-سادة)
السلام عليكم و رحمو الله و بركاته
كل الإحترام و المحبة لأعضاء منتدى عالم حواء, و أرجو أن تتقبلو رأيي بكل رحابة صدر. على الرغم من أني لا أعرف أي عضوة في المنتدى معرفة شخصية.
1_ المشاركات برأيك معظمها من ذوات ال16 أو المبتدئات, فلم لا يا عزيزتي, فأنت و أنا نجد أن إنشغال الفتيات من ذوات العمر اليافع بأمور الطبخ أو كل ما هو حلال و لا يخالف الدين, هو أمر أكثر من رائع, كما أنه وسيلة للبعد عن الفراغ أو البطالة أو الإنشغال بما حرمه الله.
وبالنسبة لتخصيص ملف خاص لهن, فهل يجب أن نطلب من كل مشاركة بتقديم طبخة أن ترفقها بصورة لهويتاها الشصية حتى تقوم المشرفات, بحسب العمر, بوضعها بالمكان المناسب؟؟
2_ لماذا المنع من المشاركة حتى لو كانت بطبخة لا تصلح للإستهلاك البشري؟ فالإنترنت للجميع و حق الكلام أو إبداء الرأي لم يمنعه القانون.
إذا لم تعجبك الطبخة فلا تطبقيها و دعي صديقات المشاركة يقمن بكيل المديح و الثناء لها, و على رأي الوالدة فالشمس طالعة و الناس قاشعة ...... و الطباخة المتمرسة و الجيدة تستطيع بمجرد قرائة الطبخة الحكم على جودتها.
3_ الخبرة بالطبخ !!! من منا متأكدة تماما أنها شيف أو طاهية 5 نجوم أو خبيرة؟؟؟؟ ففن الطبخ بحر كبير جدا و هناك الكثير من الأمور التي قد نموت قبل أن نعرفها كلها. و أنا متأكدة أنك عزيزتي قد شاهدتي خلال سفرياتك السياحية مع الأهل مختلف البلدان و تعرفين كم هي متنوعة
مثال آخر : أكل الوالدة بالنسبة لي لا يعلى عليه و الأطيب على الإطلاق, بينما تجده صديقتي عادي و عادي جدا, هذا بالنهاية رأيها الشخصي, و لا حق لي برفض و جهة نظرها.
4_ أنا و الكثير من العضوات معك بما تطالبين بضرورة رفع مستوى المشاركات و المواد المقدمة و الإستمرار بتطوير المنتدى, ولكن بالتأكيد توجد أكثر من طريقة خلاقة و ذكية و أكثر قربا من القلب, فعلى رأي الأخت , نقلا عن حديث الرسول (صلى الله عليه وسلم) الإبتسام بوجه أخيك صدقة.
بالنهاية أتنمى أن لا أكون قد أسئت لأحد بكلامي و أترككم في رعاية الله.
جزاك الله خير
ووفقك لك مايحب ويرضى
07-02-1429 هـ, 05:15 مساءً
 
مع احترامي كلامك فيه الكثير من عدم الصحه ...من ناحيه ان البنات الي ينزلون اطباقهم اعمالهم 16!!!!! فهذا غير صحيح هالعمر تلاقينه في قسم الازياء واكثر البنات حريم ومتزوجات وهذا شي معروف لاي وحده تتصفح منتدى الطبخ من فتره ....

الشي الثاني والاهم صدقيني مافيه مدح وعلى قولك كثرة ردود الا على شي يستاهل ...ومو معناة انه مااعجبك ان هالي ردو فقط يجاملون او ماعندهم تمييز للشي المميز..وعلى فكره الاستشاره شي والمجامله شي اخر ....ولما تحط وحده طبخه اجتهدت فيها وردو عليها سواء مدح او مجامله فهذا (ليس من الاستشاره في شئ)هذي اسمها تجربه وحبت تفيد اخريات بها وتشكر عليها سواء اخطأت او اصابت

الشي الثالث وكلمة حق المنتدى مليان طباخات ومبدعات ويكفيك ان كتب الطبخ الي تطلع الحين ومبيعاتها بالهبل امثال كتاب امل الجهيمي ماهو الا تجميع لطبخات من المنتدى وهذا شي معروف للكل ...


برايفت ..انا عمري مانزلت ولاموضوع بالطبخ ولاحتى سلطه بس كلمة الحق لازم تنقال..
07-02-1429 هـ, 05:19 مساءً
 
اقتباس مشاركة  (Naww-wwafa)
الاخت الفاضله انا ما اتفق معك ابدا
لو فرضنا انك انت الحين بتزلين طبق هنا وبعد التعب والتصوير ما احد عبر الموضوع ولا احد رد عليه ايش راح تكون ردة فعلك
انا اتوقع انك ما عاد راح تدخلين عالم حواء مره ثانيه من الاحباط
والله بنرد على كله الصغير والكبير وعلى جميع الاطباق ومافيها مجامله
الوحده تتعب وتصور وياخذ من وقتها ما ياخذ وفي النهايه مافيه اي كلمة تبرد الخاطر
ليييييييييييييييه
وعلى ايييييييييييييييه
حتى لو للمجامله المره الجايه راح تكون افضل........
انا اتفق مع اختي نووووافة لازم علينا التشجيع للمبتدئات والصغير والكبير لأنه تقدير للتعب اللي تعبته واذا فيه اي تعليق على الطبخة نفسها نقوله
07-02-1429 هـ, 05:42 مساءً
 
اقتباس مشاركة  (حجابي عفافي)
السلام عليكم ورحمة الله وبركاته

هلا اختي ماعليش انا مومعاك في كلامك وسامحيني لان بصراحه اغلب المواضيع والطبخات لاخوات معروفات في عالم حواء
من زمان وفنانات ماشاء الله واصلا كيف نعرف ان صاحبة الطبخه صغيره والا كبيره ووالعلم مايعرف صغير والا كبير كلنا تعلمنا
فيه حريم وكبار ومايعرفون مو بس الصغار بالعكس فيه بنات صغار وفنانات ويضبطون اشياء كثيره في الطبخ ومن ناحية الرد اكيد
بنرد على الاقل شكر لصاحبة الطبخه اللي تعبت فيها وفيكتابتها وتصويرها وهذا اقل شي نسويه ومن ناحية المقادير فراح
يكون واضح من المقادير الطبخه مضبوطه والا لا احس انه يبان فاذا اعجبتنا الطبخه ننسخها وااذا ما اعجبتنا موضروري ننسخها
ولانطبقها لان الاذواق تختلف فانا اول ما اشوف الطبخه ومقاديرها اقرر اجربها او لا اواذا جربتها اكثر شي ارجع لنفس الموضوع
واشكر صاحبتها واحيانا انزل تطبيقي للطبخه وفيه بعض الاخوات ماتضبط الطبخه وتجلس تسب في صاحبتها موضروري يكون
من صاحبتها ا يمكن انا اللي ماضبطتها مثل العجاين فسبق فيه موضوع فيه كلام ماله داعي من كثير من الاخوات وفيه القليل
مدجوا فانا قلت ابجرب واشوف وش القصه ووين الغلط لان المقادير واضح انها حلوه ففعلا نسخت الطبخه وطبقتها وطلعت
خياااال ماتوقعتها كذا فالعيب مو في صاحبة الطبخه لانها ضبطت مع كثير يمكن يكون الغلط من الاخوات اللي طبقوا في
طريقة العجن او زي كذا يعني موبالضروره الغلط من الكاتبه ومن ناحية كثرة الزبده والقشطه والدريم ويب راجعي كتب
الطبخ وشوفي ترى كلها كذا فيها مقادير كبيره لكن احسن شي اذا بتطبقين
اقسمي المقدار بالنصف فتقللين من الطلبات

واخيرا اتمنى انك تتقبلين كلامي بسعة صدر لاني حبيت اوضح وجهة نظري
ياعين عليك كلام صحيح مية مية وانا اتفق معاك فية وانا بنفسي من غير مجاملة جربت الكثير من الطبخات ودعوة لهم دعوة حلوة في ظهر الغيب لان كل الطبخات صراحة اعجبتني والكثير من الاقارب والاصدقاء يتصلون علي ياخذون مقادير الطبخات والفضل بعد الله سبحانه لهذا العالم المتميز وشكر لك لك من ساهمت ولو بالقليل في عالم حواء
وراجعي نفسك عزيزتي في كلامك عن هذا العالم
08-02-1429 هـ, 11:12 صباحاً
 
ياليت لو تقولين لنا وش هي الطبخات اللي ما عجبتك

اعتقد ان الاخت من محبي الاكلات الشعبية لذلك تعيب على الاطباق اللي بالقشطة

الناس اذواق يا اختي

وتقبلي مروري
08-02-1429 هـ, 12:01 مساءً
 


الساعة الآن 10:59 .