ياليت تورينا طبخاتك قبل ماتعيبي على الناس؟؟
.

,


هلا أختي..

حياتي هذي وجهة نظرج وأكيد نحترمها..

وأتمنى تحترمين بعد وجهة نظرنا..

الغالية اذا انتي ورقتج بيضا احنا أوراقنا مليانة والحمدلله..

التقييم نريده من عضوات المنتدى الأصليات اللي خيرهم له.. وليس من الدخيلات عليه اللي ترمي الكلمة وتطلع!!!!!

وأغلب البنات هنيه ماشالله ساروا طباخات ماهرات والفضل لله ثم للمنتدى اللي رحب فيهم وكبرهم وطورهم بالطبخ حتى كتب الطبخ ماصار لها قيمة ألحين..



اقتباس مشاركة  (مفحطه بناقة)
لكني والله ثم والله
في كل مرة اصدم نعم اصدم ..فاغلب الوصفات هي من فتيات لا يتجاوزن ال 16 سنة ..
او لمبتدئات جدا في الطبخ .. بل ان اخواتي في هذا العمر يخجلن ان يقدمن مثل هذة الاطباق ..



ليش يخجلن؟ واحنا نرحب بأي طبق سواء بدائي والا محترف...

لأنه عالمنا ماشالله زاخر بكل الأعمار.. وليس للمحترفين فقط..

الغلا ممكن تعطينا أمثلة على هالوصفات.. وكيف عرفتي أعمارهم؟

لاتقولين الدليل صعب عشان لايتحسسن البنات.. لأنه اذا يتج الجرأة وتكلمتي على أطباق عالم حواء.. أكيد بتكون عندج الجرأة وبتحطين الراوبط!!

وثاني شي من قالج انه بسن 16 البنت بعدها طفلة؟ خلاص بهالعمر البنت ممكن تكون أم وعلى هذا ممكن تكون متعلمة الطبخ من أمها..

أنا شخصيا أعرف بنات يطبخن أحسن منا وعمرهم صغير بعدهم يادوب بالثانوية..



انا اشكر لواضعات الوصفات حبهن للخير واعلم مقدار ما عانوة من تصوير واعادة للطبخات قبل تقديمها ولا اعتب عليهن ..بل عتبي على كثر الردود على الوصفات البدائية ..فاغلب عبارات الردود هي(( وااااااااااو --- تسلم ايدينك -- رهيييييييييييييييييبة -- روووووووووعة )) والاخت لاعبة بالنعمة وحايسة فيها حوس ما تنوكل من كثر القشطه والزبده والدريم وب والاجبان اما الدجاج والخضار جايبة فيهم العيد الله يكرم النعمة . واتحدى لو جربوها ما في وحدة تسال ايش نوع هذا او ما ضبطت معي او تقول انها جربتها ..فقط ردود لجبر الخاطر وزيادة عدد المشاركات مما جعل بعض الوصفات الفاشلة تاخذ اكبر من حجمها.. وهذا اللي ما نبغاه منتدى للمجاملات ..


الغلا طيب محد يغصب حد عالرد.. والبنت حطت الوصفة أكيد تنتظر ردود عليها والا محد بينزل شي!! والابتسامة فيوجه أخيك صدقة.. وهالشي يعتبر تشجيع لها عالأقل أحسن من غيرها اللي ماعندها الثقة بنفسها وبطبخاتها..

والمجاملات ليش؟ محد يعرف الثاني عشان يجامل.. احنا نرد عالبنت حتى تحس انه وصفتها وموضوعها وتعبها ماراحوا هدر..

والمجاملة الحلوة أساسا اللي تبني الثقة مطلوبة بعكس المجاملة اللي تهدم..

واحنا نمشي عالأولى.. لأنه نتطلع للخوات اللي بعدهم وجداد عالطبخ انهم يبنون الثقة بنفسهم ويجربون مرة ومرتين وثلاث لحد مايوصلون للوصفة اللي ترضيهم..

تدرين اني جربت طبق لأخت غالية شيف ماشالله عليها والكل يعرفها هنيه الله يذكرها بالخير.. والوصفة فشلت عندي للأسف ونجحت عند غيري!! ومن أيام جربت طبق لأخت جديدة بالمنتدى والوصفة بسيطة ونجحت عندي وماشالله طلعت روعة..

يعني مايخصه وحدة تعرف ووحدة ماتعرف تطبخ..

اللي يعجبج يمكن مايعجب غيرج والعكس..

اذا مارضينا بالبنات اللي توهم أكيد ماراح نرضى بالكبار.. لأنه كلنا في دنيا التجارب.. ومحد ينولد كامل!!!

والصغار لازم يتعلمن واذا مالقوا هالشي منمنتدانا وين بيلقونه؟؟



انا اطلب من اخواتي عدم وضع اي رد قبل التجربة وعدم المجامله المبالغ فيها فالمستشار مؤتمن ..



الغلا تخيلي باليوم أكثر من خمسين موضوع جديد بالأقسام كلها.. معقولة نترك القسم كله بدون ردود على الوصفات لحد ما نجربهم كلهم؟؟ كلام غير منطقي أبدا!!!!!



طبعا لا ننسى جهود الاخوات صاحبات الاطباق المتميزة التي وان كانت قليلة لكنها
اثبتت نفسها بلا مجاملات
.

المشكلة ان الورقة الى الان بيضاء وننتظر امتلائها في القريب ./


الغالية ممكن تحطيلنا الطبخات اللي انتي متعوده عليها؟؟
همسة..

لولا الأذواق لبارات السلع..

والمنتدى مايبني الا على أعضاءة.. صح والا لا؟؟


تحياتي وحياج الله أختي..


,

.
اقتباس مشاركة  (مفحطه بناقة)

إذا يلزمنا قسم خاص لهم يضعون فيه تجاربهم ويتبادلون الثناء بينهم ,,
والاعتراف بالحق فضيلة
ماقول غير الله يرحم حال ازواجهم واهلهم ..
الغلا شكلج مب متابعة جيدة للقسم؟؟

الأطباق المجربة من عالم حواء

الأطباق الساخنة المجربة من عالم حواء

ملف الحلويات المجربة
واضح يامفحطه بناقه انك غير متابعه جيده للقسم ...

الصراحه من غير مبالغه اقسام الطبخ في عالم حواء تغني عن عشرات الكتب ..والعضوات هنا معظمهم طباخات ماهرات ..

وبعضهم على مستوى رفيع مثل دردشة مطابخ ماشاء الله عليها ,,,هذا غير كوكبه رائعه من المبدعات ..

والكريمه والقشطه في الاكل مالها دخل بالعمر ,, وهي دخلت لمطبخنا العربي من الانفتاح على المطابخ العالميه ,,وكمية الكريمه في الطبخ يحددها الذوق وليس العمر ...

والطبخ مهاره ونفس ورغبه ,,,فيه حريم كبار ومايعرفون يطبخون ,,, وفيه بنات صغار ورجال وشباب طبخهم ولا اروع ..

وعضوات اقسام الطبخ للامانه من انشط العضوات وحريصات على التصوير لمراحل ومقادير الطبخات ,,,ويقدمون اكلات متنوعه من المطبخ العربي والصيني والهندي والايطالي ووووووو

مافيه ابداع بصراحه بعد كذا ,,,الله يعطيهم العافيه ويبارك بجهودهم ...
مع احترامي لك انا اختلف معك جدا

اولا الاكل و الطبخ مسألة اذوااااااااق

يعني ممكن انتي الطبخة اللي ما تحبيها انا احبها او غيري يحبها

و لو انه الاكل اللي بتحكي عنه مو طيب كان صاحبة الوصفة ما غلبت حالها و حطته بالمنتدى

الا ازا كانت متأكدة عالاقل بالنسبة الها انه طعمه زاكي و بستحق تنشره عشان غيرها يستفيد

و ما في شي لو شجعنا بعض و ردينا على مواضيع بعض

بالعكس انا شايفة انه الموضوع طبيعي

بس انتي مكبرة المسألة و معطيتها اكبر من حجمها

و لو الوحدة منا ما عجبتها الوصفة و ما عجبتها المقادير و لا طريقة الطبخ خلص لا تنقلها ولا تطبقها

لئنه الاكل و الطبخ نفس لا اكثر و لا اقل

اتمنى انك تتقبلي رأيي

و دمتي بود

حبيباتي طلبتكم الدعاء لوالدي بالرحمة و المغفرة..و أن يجعل الله قبره روضة من رياض الجنة.. و يعفو عنه و يغفر له ذنوبه


الساعة الآن 10:46 .