مسمنة الجريش

حتى انا ودي اعرفها
او ع الاقل ابغى محلات اتبيعها

وانا ابغا اعرف عشان ايش مسمنة الجريش هذي ماهو استخدمها


والف شكر

المسمنة هي بهارات توضع على وجه الجريش مع البصل المحموس بسمن او زبد وانا انصحك ما تاخذينها من اي عطار او الحريم اللي بالسوق يعني مهم مضمونين فيه حريم يسونها شغل صح بالقصيم ريحتها تفاوح

عباره عن 1 كيلو جريش يغسل جيدا ويصفى ثم يوضع في قدر على النار ويضاف له 2/1 5 ك ماء + 5ملاعق دبس تمر + 2م ك قرفه

ناعمه + نص م ليمون اسود ناعم + 4 م ك كمون حب + 1م ك كزبره حب + نص م ك كركم وتقلب على النار حتى تشرب كمية السائل

بعد كذا تترك تبرد وتهدأ حرارتها قليلا ثم يفرش قطع من الشاش (( اي قماش شاش )) على صحون كبيره وتفرد بها الكميه وتترك لتجف

تماما مع التقليب حتى لا تتعفن ..

وبعد ان تجف يضاف لها حسب الرغبه (( المقدار المناسب من البهارات التاليه حسب رغبتك في اي منها ))فنجان سكر + كمون ناعم +

ليمون اسود + كزبره + كركم + قرفه وتخلط معا ثم تطحن ناعمة وتحفظ في الفريزر ..

تبغين تعرفين طريقة التصليح والا تبغين تعرفين من وين تشترينها .؟؟؟

الطريقه حب لقيمي مع تمر يطبخ مده طويله على النار لحد ما تاخذين حبة القمح وتكسرينها وتلقين لونها من داخل مثل من برا ..يعني تكتسب لون التمر ,, ومع الطبخ تحطين شوي حلبه ويمكن فلفل اسود ...ويمكن فيه اضافات ثانيه لان الوالده الله يحفظها تسويها لكن مدري كيف بالضبط ,,

وبعدين تشرينها على صحون كبيره بالظلال لين تجف تمام وبعدين تطحنينها مع ليمون اسود ..

ونوع التمر المستخدم مايكون سكري يعني يكون من الانواع البارده يمكن شقرا ...

ولاتتعبين نفسك وتسوينها لان يبيلها حرمه عندها معرفه وخبره ..خصوصا انها مهي شي اساسي يعني الجريش يمشي بدونها ..