نصيحتي دخليها و توكلي على الله انا بنتي دخلتها 3 سنوات روضة و الله ما حسيت فيها و لا تعبت معاها و تحسنت بكثير نواحي
اما ابني و لظرف معين ما قدرت ادخله الا تمهيدي مباشرة و عم بعاني معاه لانه ببساطة كل الاطفال اللي معاه دخلو قبله بسنة او سنتين و هو مو قادر يتماشى معاهم و على الاغلب حيعيد السنة << شفتي الفرق
اوؤيد دخولة الروضة قبل التمهيدي عشان يستفيد ويعمل علاقات ولا يقعد بالبيت مع الشغاله الا اذا كانت الام متفرقه له تجلس معاه وتعلمه وبعدها تدخله تمهيدي
الصفحة الأخيرة
مو اول كي جي 1
وقبلها حضانه والا انتوو غير..؟؟ يعني تقصدون بالتمهيدي شنوو هل هي نفسها الحضانه..؟؟
انا بجاوبج عن الحضانه وعذرا ان كنت فاهمتج غلط
عن نفسي كنت اروح للكلية ومدخله بنتي حضانه نموذجيه اجنبيه وكان عمرها سنتين ونص بصرااااحه
فرق فررق
بالبدايه انا وحده دعله ووايد دقيقة يعني اسأل بكل شي وادقق وادخل حتى اللاب عندهم والكلاسات
وعزج الله حتى التويلت ادخله واشووفه واشوف منو يدخل وياهم واطلبهم شخصيا اشوووف هيئاتهم
واحاول المح بطريق ما ايدها ونظافتها الشخصيه لاني دقيقه من هالناحيه
واطلبوا مني اهم ملاحظاتي على بنتي وعلمتهم انها تمتلك شخصيه قياديه قوية وابيهم ينمون هالخصله فيها
وفعلا اكتشفوا انها تمتلك صفاات وايده كنت غافله عنها ونموها بطريق مبتكره وحلوة
حتى اختبار الذكاء سووا لها واكتشفوا ان معدل ذكائها ماشاء الله تبارك الله عليها اعلى من اقرانها وحوولها لكلاس الادفانسد ستيج
ولمن دخلت للكي جي 1 ماتعبتني كاانت مندمجه مع الاطفال وعندها خبره وخلفيه ومابجت مثل ماكانوا الي معاها يسوون<<<قالت قصة حياتها بس ممكن افيدج بخبرتي الاموميه :27:
السلبيات الي كانت تصادفني معاها بالحضانه هي انها كانت تزعجني بقومه الصبح لازم معركه وصيااح ودمووع
وانه اي طفل بيتئه مغايره لبيتئج تنقل لج كل الي يقوله
من مسبات والالفاظ غير لائقه وان كان معاها طفل عدواني ممكن تنقل لج هالسلوكيات للبيت وتعالي عابلي فيها وهذبيها
لكن بصوره عامه الحضانه جدااا فتره مهمه للطفل ممكن تكون له شخصيته بهالفتره وتبلورها لج اكثر من الروضه <<وجهة نظري