ام البراء ما قصرتي .. بغيت اسالك الله يرضى عليك في اي مرحله من اليوم نقدر نقول ن عدد الصفقات في سهمنا قليله ؟ اقصد متى اقدر احكم ان عدد الصفقات قليل وبالتالي السهم ممكن تكون حركته مش مناسبه للمضاربه ؟
الساعه 12 الظهر يبان والا متى ؟

تسلمين ..
لو عندك تحليل عن الجزيره لا تبخلي علينا ياغاليه ..
تسلمين ..
والله يالغالية حسب خيرتي البسيطة
أنك تدرسين سلوك السهم كذا يوم وأهم شي تراقبينه هو العرض والطلب
وتحديدا كميات العرض والطلب
وحاولي تلاحظين اذا كان فيه أحد يشيل من العرض
معناه إن السهم فيه حركة وتجميع
ولو شفتي أن أحد يرش السهم معناته قاعد يصرف
ولا يغرك كثير لو شفتي طلبات كبيرة
بمعنى لو لقيتي طلب كبير مثلا 100,000 سهم
بسعر أقل من سعر السهم
هنا فيه ناس على طول ينخدعون ويحطون طلباتهم فوق طلبه
ويكون هو حاطه ليوهمهم ان فيه رغبة في السهم

وأحيانا يصير العكس تلقين المضارب حاط عروض كبيرة يبي يوهم الناس ان فيه تصريف كبير على السهم
فيخافون ويبيعون بسعر ارخص منه عشان ينفذ لهم لأن لو حطو بنفس سعره ما يمديهم يبيعون بينزل السهم
وفي المقابل يكون حاط طلبات ويشتري منهم بينما كميته الكبيرة ما نقص منها شي
وبكذا يكون جمع كمية كبيرة بسعر أقل

الخلاصة انك تلاحظين سلوك المضارب وتحاولين تعرفين
وين الحواجز السعرية اللي يتحرك منها

ويوم عن يوم تلقينك فهمتي حركته أكثر
عموما هم يغيرون سلوكياتهم ويتنقلون بين الاسهم

بمعنى انه شركة معينة مثلا مستحيل تكون دائما مضاربة
فيه ايام يكون السهم رائع للمضاربة
وأيام ينام السهم وتقل حركته
وأيام تنشط حركته
والموقع الأجنبي الي حطته الأخت ممتاز جدا عشان تعرفين حركة السهم
من خلال تفسير الشموع اليابانية
وانا يوميا اطلع عليه
يعني ما يكفي انك تعرفين انه تجميع أو تصريف وخلاص
لا لازم تعرفين قبل ما يبدأ التجميع وهذي فترة انتظار
بعدها فترة شراء عند الدعم وبعدها بيع عند المقاومة
ثم فترة تذبذب بعدها ينطلق السهم ويخترق مقاومته
ثم يتم البيع أو التصريف
كل هذي الاشارات يعطيكياه الموقع
ولو حابه شرح أكثر انا حاضرة
وهذي صورة للموقع مع ترجمة اشارات الشموع اليابانية

[img]http://*****************.com/ups/u/6335/11161/286663.png[/img]

بالنسبة للسيولة مؤشر ممتاز لمعرفة جاهزية السهم للانطلاق
وممكن تعرفين هالشيء من مقارنتك للسيولة في آخر 6 أيام تداول
تلاقينه في موقع تداول الرسمي تدخلين على شركة معينة
لنفرض بنك الجزيرة بتلاقين من ضمن الخيارات فوق آخر 6 أيام تداول
تضغطينه يعطيك أرقام لسعر الاغلاق وأعلى سعر وأقل سعر ويعطيك كمية التداول
قارني بين كمية التداول واعرفي سهمك عادة يتداول بين كم وكم
وقارني مع كمية اليوم
مو شرط بالساعة
أحيانا تلاحظين التداول كبير مع افتتاح السوق وأحيانا العكس
طبعا تشوفين كمية التداول من مباشر

في نقطة مهمة
لو قارنتي بين كمية تداول السهم آخر 6 ايام أو شهر
راح تلقين السعر بعد ماينزل يقل تداوله
هذا مؤشر يشجع انك تدخلين فيه من جديد
يكون كذا انتهي من النزول
تشترين وتنتظرين وبتلاحظين في اليوم الثاني ارتفعت كمية التداول
بس السعر ما تحرك أو يمكن نزل ربع أو نص
ويمر كم يوم ثبات أو تحرك بسيط للأعلى
بعدين تزيد كمية التداول ويرتفع السهم
هنا الواحد يبيع مو يشتري
الخلاصة قلة الكمية = ان السهم انتهى من النزول ولا عاد فيه رغبة في البيع
ارتفاع الكمية = أن السهم ارتفع بقوة بحيث لا توجد رغبة للشراء

بس أهم ملاحظة إنك ما تقدرين تمخمخين على السهم بهالطريقة الا إذا كان السوق مستقر
أما في حالة الهبوط القوي او الارتفاع القوي ما أحد يقدر يحدد اتجاهات السهم
والله يوفقك ويفتحها بوجهك
للرفع ...
ام البراء جزاك الله خير نصائح قيمه ومفيدة لي ...


الساعة الآن 06:08 .