اهلا ومرحبا فيكم يا احلا بنات في العالم الحبوبات الطيبات الكريمات اللي ما عمرهم بخلو علي في اي طلب اطلبه

بصراحة انا عندي فلوس

وودي استثمرها في ***** مشروع وأهم شي يكون داخل البيت وليس في خارج البيت

بس المشكله اني ما عندي اي فكره في ***** اي مشروع

وابي نصائحكم اللي الله لا يحرمني منها

لا تقلون سوي مشغل نسائي او جيبي خياطة في البيت

معي مؤهل ثانوي ودورة كمبيوتر

فاللي تقدر تساعدني بأفكارها تقولي ولكن مني جزيل الشكر

والله لا يحرمكن من الرزق الواسع دنيا وآخرة آمين يارب

انتظر الرد بفارغ الصبر
هلا فيكي اختي

فيه مشاريع كثيره اولها التجاره والحمد لله انا ماشيه فيها

ومنها انك تستفيدي من الشهاده الي عندك بتصميم مواقع وفتوشوب وغيره

بس اهم شيء انتي تكوني قد كل الصعوبات الي بتمر عليكي

والله معك وبالتوفيق ياغاليه
[b]إذا عندج مهارات خاصة فيج استغليها ..
والمشاااريع وايد

عندج مثلاً : إذا تحبين الطباعة .. ممكن تطبعي أبحاث لبنات الجامعةأو الثانوية وإنتي ف البيت ..
وممكن تعلني من خلال المنتدى أو صاحباتج..

وممكن كمان .. إذا انتي فنانة بالطبخ وعمل البهارات .. ممكن تصنعي خلطة خاصة بالبهارات .. وتجربيها عند هلج وصاحباتج .. وبعدها تحطيها في قنينات بلاستيك بالحجم اللي يطلبونه ربات البيوت ...
وممكن إذا إنتي من حبي عمل خلطات الجبن والزيت والزعتر ..( خليط الأجبان )
ممكن تسويين هالشغلات ف البيت .. وتتفقي مع إحدى الجمعيات التعاونية ..بحيث يكون البيع من خلالهم .. ولهم نسبة ..وممكن من خلال الناس القريبة منج ممكن يسووا دعاية لج اللي يبغي يتصل فيج
.

وممكن تعملي درس خصوصية لطالبات محمو الأمية عند ج ف بيتج خلال الفترة الصباحية .. أو دروس تقوية للأطفال والبنات فترة العصر .. وبشرط تكوني شاطرة ف المواد الدراسية ((تحددي المواد اللي تشوفين نفسج فيها قوية )) .. وممكن تبتدي مع الأطفال من هلج وعيال و بنات الجيران .. وبالبداية بأسعار رمزية محددة .. وخلي اللي حولج يسوون لج دعاية جامدة..
ايش بعد ..
إذا إنتي من محبي الأطفال .. وعاداتكم تسمح ..(( ممكن تسويين حضانة ف بيتج )) للفترة الصباحية .. للأطفال اللي أمهاتهم مدرسات
وتخصصين حجرة لهاالغرض وفيه كافة وسائل الأمن والراحة للطفل ..

هذا اللي يحضرني ف الوقت الحالي ...
وإذا تذكرت شي لي رجعة لموضوعج ....[/
B]
اللهم اغفر لي واغفر للمسلمين والمسلمات
سبحانك الله وبحمدك .. سبحان الله العظيم .. استغفر الله
ممكن تسجلي مندوبة مبيعات لشركة تجميل وعطور

راح يكون معك تكالوجات وتسوقي لها لجارات خواتك صديقاتك

وصدقيني أنتي راح تستفيدي

بالنسبة لشركتي مافيه أي قيود للعمل
\
\
\
\
لو حابة تسجلي بس قولي لي

والله يوفقنا وياك حبيبتي
قولو امين الله يفتح لكم ابواب الزرق ان شاء الله

ويوفقكم في دينكم ودنياكم آمين

ومشكورين على اجتهاداتكم وتفاعلكم معي


الساعة الآن 05:06 .