اقتباس مشاركة  ((شموخ الرياض))
جزاك الله خير يا ام البراء ,,, بس معقوله يا قمرين تداول سامبا مجاني؟؟؟
وياك يا عيوني
ومثل ما ذكرت في ردي للأخت قمرين
ما أظن انهم يخلونه مجاني للعميل الجديد
يعني سنة اشتراك وسنة مجانة

شاكرة مرورك
اقتباس مشاركة  (جنوبيه)
مشكوره أختي على المساعـــــده ,,,وجزيتي خيرا


سؤالي ...أولا ماهي الأسهم الحلال اللي أقدر أضارب فيها ...يعني مافهمت ايش معنى... شركات جائزه ولكن لديها معاملات مع شركات ربويه ....وغيره

هل هذا يعني حرام ....أنت عارفه ...مانبغى الا الحلال...والله يبعد عنا الحرام ...هل اعمار ..كيان.. الصحراء .بترو رابغ ..من الأحسن اني أتركها .....أنا ماني مرتاحه لكلمة جائزه ....أبغى الحلال...

وأنا لاحظت ان قائمة الشبيلي والعصيمي ...لها عدة أشهر ....هل تتغير ...وكيف ممكن أعرف الشركه النقيه فعلا ..هل عندك مواقع تراجعيها

سؤال اخر ....اذا سويت طلب على عدد من الأسهم بسعر معين ....طبعا راح ينعرض ...طيب ممكن يتنفذ فورا بحيث يشترى بالسعر اللي حددته ..وكيف ممكن أعرف انه تم قبول طلبي ...هل يتأخر .....وهل أعدل كل فتره فيه .......وشكرا
هلا فيك أختي

وسؤالك بالغ الأهمية

بحاول أجاوبه بشكل مبسط

فيه مشايخ يقسمون الشركات إلى مباحة ومحرمة ومنهم الشيخ العصيمي والفوزان

وبعضهم يقسمونها إلى مباحة ومختلطة ومحرمة ومنهم الشبيلي والمنيع

الأسهم المباحة:
أنشطتها في أغراض مباحة، مثل شركة الجوف نشاطها زراعي أو التعمير نشاطها عقاري مباح وغيرها من الشركات

الأسهم المحرمة :
أنشطتها في أغراض محرمة مثل البنوك والتأمين

هذين النوعين اتفقو فيها العلماء بالاجماع

لكن فيه نوع ثالث بعض العلماء يحرمه وبعضهم يجيزه

وهو الأسهم المختلطة:
نشاطها مباح لكنها تأخذ قروض ربوية

فالي يجيزها على اعتبار نشاطها المباح مثل الشبيلي

واللي يحرمها على اساس قروضها الربوية مثل العصيمي

طبعا لكل وجهة نظر وكلهم مجتهدين وانتي تأخذين بالراي الي تميلين له ويرتاح قلبك له

أنا باعطيك تفسير الشبيلي ليش يعتبرها حلال

لأنه ينظر بالاساس لنشاط الشركة ويعتبر ان المساهمين في الشركة تذهب أموالهم لأغراض الشركة ولا دخل لهم بالقروض

أما العصيمي والفوزان فيرون أن في هذا مساعدة لهم وتشجيع ليأخذو قروض ربوية
فإذا امنتع الناس عن المساهمة في الشركة فستظطر لتغيير قروضها من ربوية الى اسلامية

سؤالك ليش تتغير قائمة الاسهم المباحة
لأن كل شركة ممكن تضطر للقروض الربوية فتصبح مختلطة أو محرمة على القول الثاني
واذا انتهى هذا القرض تعود لتكون مباحة
مثل شركة اللجين كانت تصنف على انها مباحة او نقية ثم اقترضت فخرجت من قائمة الاسهم النقية

طبعا عشان نعرف الشركات المباحة وآخر تحديث لها نحصل لها من موقع الشيخين الفاضلين

لأنهم جزاهم الله عنا خير الجزاء يتابعون قوائم الشركات ويطلعون على جميع معاملاتها ومن ثم يوافوننا بأحدث القوائم في مواقعهم

واليك الروابط

رابط الشيخ الدكتور يوسف الشبيلي

http://www.shubily.com/


وموقع الربح الحلال للشيخ العصيمي

http://www.halal2.com/



قائمة الشركات المباحة للشيخ عبد العزيز الفوزان

http://www.islammessage.com/articles...id=160&aid=828


والحين يالغالية عرفتي الشركات المباحة اللي تقدرين تشترين فيها بدون حرج
والشركات المحرمة اللي بتبتعدين عنها بدون شك

باقي بس الشركات المختلطة مثل الشركات اللي سألتي عنها كيان - بترو رابغ - سابك - وغيرها

شوفي لأي القولين تميلين وأي شيخ راح تعتمدين على فتاواه في جميع معاملاتك المالية

يعني ما تقولين انا اتبع قائمة العصيمي
بعدين تشترين شركة مختلطة وتقولين اباحها الشبيلي لا
تحددين موقفك وتقررين على أي قائمة بتمشين
ولا تنسين ان اختلاف العلماء رحمة ولا يعني كون كل واحد يختلف عن الاخر
ان واحد على صواب والثاني مخطئ
كلهم مجتهد وكلهم ما بنى قوله الا على دراسة وعلم وله مبررات واسباب تبرر وجهة نظره

اتمنى أكون وضحت لك وبالنسبة للمواقع
فيه منتدى ممتاز يختص بالأسهم النقية والتوصيات عليها ومتابعتها

اسمه منتديات نقية الاقتصادية وهذا الرابط


http://nqeia.com/vb/forumdisplay.php?f=2

بالنسبة لسؤالك الثاني راح ارد عليك في رد مستقل
هلا اختي البراء2006

مشكوووووووووررر رررررررررررررة اختي والله يجزاك خير بصراحة كنا محتاجين موضوع زي كذا

وانا فتحت حساب بالراجحي بس بس زوجي قال ماتقدرين تتداولين الا بعد اول اكتتاب وبعد ما اكتتبت قال لازم تنتظرين الى ان تنزل الاسهم بالمحفظة عشان اقدر ابيع واشتري

وانتي تقولين فوق ان محفظة الاكتتابات غير محفظة التداول ؟؟!!!!!!!!!!!!!!!!

يعني وش اسوي اللحين انا اقدر ادخل على حسابي عن طريق النت بس كيف افتح محفظة عن طريق النت

بالله جاوبيني انا مستغربة ؟؟!!!!!!!!!!!!!!!

يعني معقولة بس السالفة 3 ايام واقدر بعدها اتداول ؟؟!!! طيب ليش زوجي قال ما ينفع ؟؟!!!

انتظر رد
اقتباس مشاركة  (جنوبيه)
سؤال اخر ....اذا سويت طلب على عدد من الأسهم بسعر معين ....طبعا راح ينعرض ...طيب ممكن يتنفذ فورا بحيث يشترى بالسعر اللي حددته ..وكيف ممكن أعرف انه تم قبول طلبي ...هل يتأخر .....وهل أعدل كل فتره فيه .......وشكرا


باشرح لك طريقة وضع الأمر بالتفصيل عن طريق مثال حتى يوضح الأمر

[img]http://*****************.com/ups/u/6335/11161/286945.png[/img]

في الصورة طلبات وعروض لشركة ينساب

سعر السهم 50,25

وأمامك تفصيل للطلبات والعروض

طيب انتي المفروض تشترين بأي سعر

اذا كنتي مضاربة بتحاولين تاخذينه بسعر العرض عشان ينفذ لك بسرعة

يعني 50,5 وبكذا على طول بينفذ لك

بس هذي الطريقة مو مأمونة والشراء من العرض يتقنه المحترفون

الأفضل تشترين بأقل من سعر السهم وتنتظرين لحد ما ينفذ لك

مثلا تشترين ب50 هنا راح يكون قبلك مثل ما هو واضح في الصورة 21 شخص بيبيعون 32,202 سهم ويكون ترتيبك 22
طبعا راح تنتظرين لما ينفذ لهم كلهم بعدين يجيك الدور

[img]http://*****************.com/ups/u/6335/11161/286946.png[/img]


وممكن تشوفين عرضك أو طلبك في قائمة الطلبات ولعروض المفصلة

[img]http://*****************.com/ups/u/6335/11161/286955.png[/img]

يمكن ما يمديك تشوفين امرك بس المفروض انك تحدثي صفحتك باستمرار
عشان تتاكدين انه باع لك واشترى لك
بالنسبة للراجحي هو يحدث نفسه

وممكن تسكرين الصفحة وترجعين تفتحينها من جديد
عشان تتأكدين انه نفذ الامر او لا

وسؤالك عن كونه ينفذ فورا حسب السعر اللي انتي حاطته
لو حطيتي سعر بعيد عن سعر السهم راح يتأخر
لو حطيتي بسعر السوق أو بسعر العرض راح ينفذ لك فورا

طبعا ما راح يشتري الا بالسعر اللي حددتيه

كيف تعرفين انه تم قبول طلبك

اول ما ترسلين الأمر تنفتح لك نافذة فيها تأكيد لطلبك
بمجرد ضغطك على مربع تأكيد راح تتسكر النافذة وتنفتح نافذه أخرى تقول تم تأكيد قبول طلبك
ويعطيك رقم للأمر
بعدين انتي تفتحين قائمة الأوامر تلقين أمرك موجود

بالنسبة للتعديل تقدرين تعدلين قبل لا ينفذ طبعا
تقدرين تغيرين السعر أو الكمية
تفتحين قائمة الأوامر التي انتي عملتيها اليوم
وبتلاقين الأمر اللي تبين تعدلينه
مكتوب عنده الغاء - تعديل
تضغطين تعديل اذا بتعدلين
أو الغاء اذا غيرتي رايك وشفتي السهم مثلا صار بعيد عن السعر اللي انتي حاطته

سؤالك هل يتأخر وصول الأمر حسب البنك وهل فيه أعطال في الاتصال
بالعادة اذا ما فيه مشاكل واعطال من البنك يستغرق الامر ثواني

أتمنى أكون وضحت لك وهلا بك
اقتباس مشاركة
="ماسة البحر";18008151]هلا اختي البراء2006

مشكوووووووووررر رررررررررررررة اختي والله يجزاك خير بصراحة كنا محتاجين موضوع زي كذا

وانا فتحت حساب بالراجحي بس بس زوجي قال ماتقدرين تتداولين الا بعد اول اكتتاب وبعد ما اكتتبت قال لازم تنتظرين الى ان تنزل الاسهم بالمحفظة عشان اقدر ابيع واشتري

وانتي تقولين فوق ان محفظة الاكتتابات غير محفظة التداول ؟؟!!!!!!!!!!!!!!!!

يعني وش اسوي اللحين انا اقدر ادخل على حسابي عن طريق النت بس كيف افتح محفظة عن طريق النت

بالله جاوبيني انا مستغربة ؟؟!!!!!!!!!!!!!!!

يعني معقولة بس السالفة 3 ايام واقدر بعدها اتداول ؟؟!!! طيب ليش زوجي قال ما ينفع ؟؟!!!

انتظر رد


هلا فيك أختي ماسة

نعم أختي فيه فرق بين محفظة الاكتتاب اللي ما تقدرين تبيعين فيها الا اسهم الاكتتاب
وما تقدرين تشترين فيها اسهم أو تتداولين
بعدين هذي المحفظة مجانية بينما رسوم الراجحي 700 ريال فهل سحبو من حسابك هذا المبلغ

عزيزتي ممكن أنا وياك نتعاون وتتمكني من فتح محفظتك الليلة
لأن هذي ميزة من الراجحي
مو لازم تتعنين للبنك

ادخلي هذا الرابط لبنك الراجحي

http://www.alrajhibank.com.sa/AR/


[img]http://*****************.com/ups/u/6335/11161/286988.png[/img]


المباشر للأفراد هو اللي من خلاله تدخلين على حسابك ومحفظة الاكتتاب
وهذا اللي يقصده زوجك
بس التداول عبر الانتر نت هو اللي من خلاله يمكنك التسجيل

[img]http://*****************.com/ups/u/6335/11161/287004.png[/img]

ودخلي بيانتك وقولي لي وش صار معك
وهذا رقم لأي استفسار لديك

خدمة الدعم الفني: 4600423-1-966+
خدمة هاتف تداول الأسهم: 4603335-1-966+


الساعة الآن 03:14 .