طريقة عمل الحسو للنفاس ... والحسو معروف في طعمه اللذيذ وايضا منظف للرحم .... وممكن يشرب اثناء الدوره
وما عليج الا تروحين للحواج وتاخذين هالمقادير.... وبعدها تنظفيها وتحمريها وتطحنينها


كيلو رشاد ... ينظف جيدا

ربع كيلو كمون ... ينظف وبعدها يحمر عالنار لما يصير لونه احمر وبعدها يطحن

ربع كيلو الحبه السوده .... تنظف وتحمر عالنار حتى تظهر رائحته وبعدها يطحن

ربع كيلو كركم ناعم

ربع كيلو زنجبيل ناعم

ربع كيلو فلفل اسود ناعم



ملاحظه: الكمون والحبه السوده على طول من تحمسيها طحنيها لان تتكتل فيها الدهون لما تبرد ... لانها دهنيه اشوي

وطبعا هالمقادير كبيره لانها للنفاس لمدة اربعين يوم



والمقادير اللي بقولها تكفي لشخص واحد وانتي اذا تبين تزيدين بكيفج

3 ملاعق رشاد وينقع بالماء على الاقل مدة 8 ساعات او تنقعينه بالليل والصبح تسوينه
وتنقعينه بقدر صغير والماء يوصل لنصف القدر

3 ملاعق زيت

ربع كوب سكر

1ملعقه زنجبيل ناعم

1ملعقه كمون طبعا حمرناه من قبل وطحناها يعني ناعم

1ملعقه الحبه السوده وهم حمرناها من قبل وطحناها يعني ناعم

1ملعقه كركم

الطريقه:

نحضر قدر صغير وبعدها نضع الزيت حتى يسخن
نضع الزنجبيل وخلي بالج لا يحترق وبعدها الحبه السوده وبعدها الكمون ونخلطها جيدا بالزيت
بعدها نضع عليه الرشاد المنقوع بالماء هو وماءه على خليط البهارات
ونضيف بعدها السكر والكركم
ويقلب جيدا من الحين والاخر حتى يثخن قليلا ويستوي الرشاد

وكيفيته معرفة استواء الرشاد بان تجربيها بين اصابعك تكون لينه



وجربوه وراح يعجبكم طعمه وغير ريييييييييحته اللي تجنن


ملاحظه: انتبهو بنات لازم المقادير تكون مثل ما قلت في تحضيرها محمره ومطحونه وجاهزه


وعليكم بالعافيه


29-06-1424 هـ, 07:57 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
جزاك الله خيرا .. والله افتكرتك تبين الطريقة للوالدة يعنى (والدتك) ....هههه علشان كذا دخلت .معلهش العتب غلى الفهم .
04-07-1424 هـ, 05:45 مساءً
 
سلام ياعطر المساء
ممكن أسألك عن الحسو ما فائدته للنفاس ؟؟؟؟
وما طريقة تناوله يعني بالملعقه أو بالخبز ؟؟؟؟؟
ومشكوره
05-07-1424 هـ, 07:35 صباحاً
 
فائدته للنفاس انه ينظف الرحم .... وتنظف المراه منه بسرعه ... وطبعا مع باقي الادويه اللي تاخذ في وقت النفاس

وممكن انه ياكل مع الخبز او تاخذينه بالملعقه

لان الرز ممنوع بوقت النفاس


قريبة اهلها هههههههههههههههههههههههههههه حصل خير حبوبه بس من جد ضحكتيني هههههههههههههههههه
05-07-1424 هـ, 03:26 مساءً
 
مشكـــــــ ــــــــوره
05-07-1424 هـ, 04:54 مساءً
 


الساعة الآن 03:49 .