هلا حبيبتي
طريقه السيزر
خس امريكي وإذا كنتي تبغين دجاج أشوي صدر وقطعيه شرايح وحطيه عليه بعد ماتخلطين الصوص مع الخس
طريقة الصوص
4 م ك مايونيز
4 م ك زبادي
فلفل اسود
ملح
نص ليمونه

وبعدين تقطعين جبن البارميزان مكعبات صغيره ثم تخلط مع الصوص والخس

ويوضع على الوجه الخبز المكعبات المحمر (يوجد منه جاهز للسلطات في بنده ) والدجاج المشوي


وبالعافيه
وان شاءالله تعجبك
15-02-1429 هـ, 05:30 مساءً
 
حبيبتي انا ذقت سلطه عند اختي قبل يومين وكانت مره حلوه
وهي تقطعين خيار وجزر وخس
وتضيفين حمص وذره وممكن زيتون
ومكرونه مسلوقه
تخلطينهم مع بعض وتحطين عليهم الصوص وهو
( علبه ونصف زبادي+ملعقتين مايونيز+كاتشب) تخلطينهم لما يصير لونهم وردي
تخلطين السلطه مع الصوص زيييييييين
15-02-1429 هـ, 06:03 مساءً
 
السيزر اسهل مايكون
في صوص عند السيفوي من حدائق كالفورنيا اسمه سيزر مكتوب بالانجليزي اشتريه واشتري منهم بعد صوص من ماركة ثانيه بس مو كريمي لا خفيف كانه مويه يعني مكتوب عليه سيزر برضوه واخلطيهم سوا وصبيهم عالسلطه..والله بدون مدح زياده بس اصدقا زوجي يقولون كنها من حقات المطاعم
15-02-1429 هـ, 06:03 مساءً
 
انا اموت في فته الباذنجان وكل من ذاقها انهبل عليها

الطريقه: باذنجان مقلي / بقدونس مفروم/ حمص / ثوم/ اخلطيهم مع بعض وحطي فوقهم الصوص

زبادي / مايونيز/ ليمون / ملح


واخترعي انتي سلطه انا مره جني عزيمه مفاجئه سويت سلطه مره تجنن ومافيها جديد(( خس / بقدونس / خيار / جزر / حمص / ذره / باذنجان مقلي / بعدين صوص زي الصوص الاول مع ثوم / اصب اصوص فوقها بعدين اشري البطاطس الاعواد او اقلي وارشها فوقه )) والله تجنن


وفيه سلطه حركه((( بصل اخضر قطعيه طويل شوي / فاصوليا مقطعه زي البصل ومسلوقه/ فطر مقطع طويل / ذره ))

الصوص :::: كتشب / مايونيز/ ليمون / سكر / ملح

خلي الصوص على جنب والي يبي تحطين له
15-02-1429 هـ, 06:13 مساءً
 
هذي سلطه سهله وروعه
مكرونة الخواتم تسلقينها وتصفينها وتخلينها لين تبرد
تجيبين خس امريكي وتقطعينه شرايح وتحطينه بزبديه مع المكرونه
تجيبين معلبات فاصوليا حمرا وفاصوليا بيضاء وذره حب
تصفينها من مويتها وتحطينها مع السابق
قبل التقديم تجيبين صلصة رانش من قودي وتغرقينها فيها
انااحط العلبه كامله
بعدين تحطينها بصحن التقديم وترشينها بالتوست المحمص

اتمنى تكون عجبتك
15-02-1429 هـ, 06:16 مساءً
 


الساعة الآن 06:00 .