السلام عليكم يا بنات
كيف حالكم

انا لي سنين كل يوم اعمل المكرونه السباجتي بطريقة شكل ولا مره ضبطت معي زي ما يبغاها زوجي

يقول يبغاها مسلوقه عادي وصوص الطماطم على جنب

اسلقها وتطلع ناشفة مره مع اني احط الزيت اثناء السلق والطماطم احطه في الخلاط وبعدين يغلي على النار مع صلصه بس تطلع سايله وخفيفة

و المفروض ان الصوص يكون ثقيل وتخين شوي

مين تعرف الطريقه الله يجزاها خير تدلني عليها


ونخدمكم في الافراح
وعليكم السلام ورحمة الله وبركاته

اختي اسلقي المكرونه بماء وملح وزيت وماجي ابيض(اجينو )
وبعد السلق تكونين حامسه بصل مع بهارات واخلطيها مع المكرونه

الصوص

احمسي بصل وثوم وبهارات وماجي ابيض واطحني طماطم الافضل يكون لون احمر ومع الحمسه اخلطيه



اطحنيه مره ثانيه وقدميه مع المكرونه

واتمنى ان تكون هي المطلوبه

الحجة قائمة حتى قيام الساعة
من أرادت العفاف تقرأ سورة النور يوجد بها
خطاب رباني يطلب منا تطبيقه حفظاً على أعراضنا.


أختي المسلمة
حافظي على حيائك وحشمتك لإنها سبب من أسباب
دخول الجنة .
حيائك بستر جسدك بالباس الساتر.
حجابك غطاء وجهك عن الرجال وعدم إبداء زينتك
من خلال النقاب .



الله يعطيك العافيه وتسلم الايادي

امممم بجربها وان شاءالله تضبط معاي

شكرا حبيبتي على الرد

جزاك الله خير
اختي .. هو يبي صلصة السباغيتي .. تكون موجوده معلبة بالسوبرماركت .. او تشترينها من كنور او ماجي اسمها صلصة السباغيتي ..
بس اتبعي التعليمات و صلحيها .. انا استخدم هالصلصة مع المسقعة و المكرونة و كل شي يبغاله بولونيز .. اللي هو اللحم مع الطماطم ..
و تقدرين برضو تعملين قبل كشنة بصل و لحم مفروم و بعدها تصبين الصلصة و تكملين الموية عليها و بتطلع زي مايحبها زوجك
بالنسبة لي اموت فيها ولا يفضى منها مطبخي... جربي ظرف واحد و شوفي .. اذا يعجبك ..
و ادعيلي .. ربي يتمم علي حملي ..


شوفي حبيبتي السلق زي ماقالت الغاليه mhs6793 بس الصلصه اسويها غير لذيذه مره
قطعي بصل وثوم قطع وسط واحمسيهم ين يشقرون بعدين تصرين مقطعه فلفل رومي اخضر وطماطم وفلفل حار (اذا تبغين) واضيفيهم للبصل والثوم واحمسيهم مع البصل والثوم الى يذوب الطماطم وحطيهم في الخلاط شوي لايصير سايل بس تروح القطع الكيبره وبعدين رجعيه ثانيه للقدر واضيفي له قطع الدجاج او اللحم تكون مسلوقه بالمويه والملح
واضيفي للكشنه بهرات وملح وكمون مطحون وصلصه الصويا وصلصه الطماط وذره قرفه مطحونه فلفل اسود مطحون وقطعي بقدونس صغار مره واضيفيها
طعمها يجنن وريحتها بالحالها تشبع(من باب المبالغه) وصدقيني بتعجب زوجك ..........
وبالهنا والعافيه


الساعة الآن 11:11 .