السلام عليكم ورحمة الله وبركاته



ياريت كل من اجرت عملية الربط تتفضل وتشارك وتقولنا ليش احتاجت ربط


وتقولنا بالتفصيل عن العمليه هل هي متعبه وايش الاشياء اللي عملوها لها من دخلت المستشفى لين خرجت وكم يوم جلست في المشفى قبل العمليه وبعدها

ولما خرجت ايش طلبو منها تعمله


وكيف كانت حياتها في البيت تطبخ وتغسل ولا مريخه للاخر


واللي عندها اطفال كيف كانت حياتها معاهم

وخرجاتها تخرج عادي وتنبسط مع الناس والا بس نايمه في بيتها

واذا فيه شي ماسالت عنه اتمنى تضيفوه انتم

ادري كلي اساله بس والله الموضوع هذا متعبني ومأثر على نفسيتي في بيتي ومع اطفالي

لان قالولي اذا حملتي لاااااااااااااازم عمليه ربط لان تجيني ولاده مبكره وانا الان افكر في نونو ان شاء الله

واتمنى ماتبخلون على

سبحان الله , الحمد لله , الله اكبر.سبحان الله ، الحمد لله ، الله اكبر
ماعندي فكرة ان شا الله البنات يفيدونك
والله يرزقك الحمل ويسهلك
اللهم صلّ وسلم على نبينا محمد وعلى آله وصحبه
هلا وغلا حبيبتي


انا سويت عملية الربط بالاسبوع العشرين


لان سبق ان اجهضت ثلاث مرات


وحامل بتوأم

فقررو لي الربط

طبعا عملية الربط متعبه جدا لكن الله يعظم الاجر

دخلت المستشفى الساعه 6 الصباح والساعه ثمان جاني الدكتور و9 دخلت غرفة العمليات طبعا بنج كامل وصحيت على الساعه 1 الظهر ونزيف بسيط اول يوم من العمليه

و48 ساعه على المغذي وبدون اكل واليوم الثالث طلعت من المستشفى

وجلست عند اهلي بعد عملية الربط طبعا كان اول حمل لي ولا عندي اطفال


تحسين بالم وثقل ونغز من تحت وراح تتعبين اول مره تروحين الحمام


ممنوعه من الحركه ومن الدرج ومن الطلعه والدخله

وصعبه تجلسين على الارض افضل شي الكرسي

وبس نايمه على السرير اشوف التلفزيون او اقرا او ادخل النت



وباليوم اللي عاندت فيه وقررت اطلع رحله مع اهلي

جتني ولاده مبكره بالشهر السابع وولدت بعمليه قيصريه

طبعا مقدر ومكتوب



لكن شوفي اللي قابلتهم مسوين ربط بالشهر الثالث اشوفهم يمارسون حياتهم بشكل طبيعي لكن بدون مجهود صعب


الله يرزقك ماتتمنين وان شاء الله تكون عمليه سهله عليك

وتقر عيونك بشوفة النونو الجديد ان شاء الله
ماعندي فكره


ربي ييسر أمرك
السلام عليكم
انا يا اختي لازم اربط لما احمل او اجهض لاني عنق الرحم عندي قصير العملية بسيطة بنج كامل وربع ساعة في الم بعد العملية بس محتمل وانا الان حامل في الشهر الخامس وربطت من شهر اتحرك عادي وانظف وامسح بس طبعا من غير بذل مجهود قوي وهذه مش اول مره اربط لان هذا البطن الثالث .
توكلي على الله ولا تخافي من العملية ومارسي حياتك بعدها عادي بس بانتباه


الساعة الآن 03:20 .