ان شاء الله البنات يفيدونك

قال رسول الله ( صلى الله عليه وسلم )


من تعار من الليل فقال : لا إله إلا الله وحده لا شريك له ،
له الملك وله الحمد وهو على كل شيء قدير ،
وسبحان الله والحمد لله ولا إله إلا الله والله اكبر ولا حول ولا قوة إلا بالله


ثم قال
اللهم اغفر لي أو دعا استجيب له
فإن توضأ ثم صلى قبلت صلاته .


( رواه البخاري )
اقتباس مشاركة  (مخاوية جروحها)
حلى الشعيريه للعشاء يجنن انا سويته 3 مرات تقريبا
تكفين عطيناه

اموت فيه اسمه شعريه
الا بذكر الله تطمئن القلوب
حأكتبلك كم حلى إن شاء الله كل من داقها طلبها مني<<<أبوك يالثقة

حلى اللبنية الكذابة
بسكويت مطحون مع زبدة في صينية

في خلاط العصير نحط (( 2ك حليب بودرة _ ك سكر _ إصبع زبدة _ م ص فانيليا _ ك لبن مراعي السائل ))

بعد ما تحلطيها تصبيه على طبقة البسكويت والزبدة وتدخليها الفرن تقريباً ربع ساعة

لا تحمريها أهم شئ تتماسك الخلطة وتشتد

بعدين لمن تبرد برا دخليها الثلاجة وقطعيها صغار وقدميها

وهنا وعافية



حلى الكريمة <<<يحبو ارجال مدري ليش


نحط في صينية طبق بسكويت مشربة بالحليب

في الخلاط(( 2ك حليب بودرة _ ك سكر _ 2وربع ك ماء _ بيضتين _ فانيلا _ 3م ك دقيق)

بعدين نحطها في قدر على النار ونحرك بالمضرب السلك لين تثقل لا تروحي وتسيبها تنحرق من أسفل

لااازم تكوني جنبها والنار مو عالية وسط

ولمن تثقل نرجها الخلاط ونخلطها تاني ونصبها على طبقة البسكويت ونحط طبقة تانية من البسكويت المشرب

الوجه عبارة عن ظرفين دريم ويب وعلبة قشطة وكاكاو وسكر تخفقيهم تمام وتحطيه

وانا من رأيي تعمليها في كاسات تطلعلك بإذن الله 8بالضبط وشكلها أكشخ وأحلى

بس بدل خلطة الدريم ويب أخلطي علبة القشطة مع 3 أو 4م ك نوتيلا

وحطيها على الوجه ورشي فلك وراح تدعيلي


وهنا وعافية

وحلى الفناجين المقلوبة كشخة

ولو شاطرة في الكيك سوي كيكة من كيكات البنات مرة حلوة

وحلى الشامواه

وكمان جيبي رقاق ميني سويتز وأحشيها جبنة كيري أو مكسرات مجروشة مخلوطة مع هيل وقرفة وشوية سكر وماء زهر

بعد ما تقليها غطسيها في شيرة ورشي فستق مطحون

أصداف السميد مرة حلوة كمان

ولو لازم تمر سويلهم القشد اللي بالسكويت مرررررررررة لزيز


وإن شاء الله ربنا يبيض وجهك قدامهم
http://forum.hawaaworld.com/showthread.php?t=1125682

http://forum.hawaaworld.com/showthre...DA%CC%C7%ED%C8

^
^
^
انا جربت اللي بالرابط كل الاثنين يهبلن ماشاء الله


الساعة الآن 11:51 .