السلام عليكم
اخواتي انا سبق وسألت عن ترتيب السوائل والدقيق في العجانة والاخوات ماقصروا قالولي احط السوائل بالاول بعدين شوي شوي الطحين و سويتها كذا مرة وضبطت

المهم الحين اليوم تورطت سويت احدى المقادير بس للأسف قبل لا اخلص كمية الدقيق شيكت على العجينة و اشوفها قاسية! و تذكرت وحدة من الاخوات قالت ماينفع احط السوائل بعدين ماراح يضبط ... المهم ماسمعت كلامها و رحت اضفت شوية ماء و شغلت العجانة بس بالفعل ماضبط معي ابد

الحين ابي افهم يعني لو طلعت قاسية العجينة كيف اتصرف وهي بالعجانة؟ خلاص ماينفع؟ مافي أمل انها تتصلح؟
ياليت تفيدوني

و سؤال آخر ،، انا هاذي ثاني مرة تستويلي لما استخدم السوائل يكون فيها حليب بدل ماء .. هي مقادير العجينة كذا ... مدري صدفة؟ لاني كذا مرة اسوي معجنات مقادير السوائل ماء بس تضبط و على حظي لما يكون شي ثاني غير الماء ما تضبط ... فهل هاذي صدفة ؟ واللا انتم كمان ملاحظين هالشي انه الماء احسن السوائل للعجين؟

و لكم جزيل الشكر
21-02-1429 هـ, 06:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اذا كانت العجينه قاسيه أضيفي لها الماء--
أو حليب سائل000

وسؤالك الثاني حتى أنا احيانا أحط الحليب بدل الماء أو الماء بدل الحليب أو انسى المقادير والحمدلله تضبط--

000
21-02-1429 هـ, 07:23 مساءً
 
تسلمي ياختي على مرورك
يعني قصدك تضبط لو بالعجانة اضفت الماء متأخر؟
لان لو يدويا عادي اضيف الماء بالنهاية
بس بالعجانة اشوفها ماضبطت
21-02-1429 هـ, 10:07 مساءً
 
أتركيها تتخمر ساعة وبعدين أعجنيها بيدك وتكون في يدك زيت ورجعيها تتخمر ساعة كمان
هذي طريقة الوالدة الله يحفظها
21-02-1429 هـ, 10:27 مساءً
 
أنا اليوم عجنت بالعجانة وأضفت لها ماء وضبطت ولله الحمد ،،،،،،

بس أنا أفضل أعجنها شوي بيدي بعد ما أخرجها من العجانة ،، أحسها تلين وتتضبط لمن أعجنها بيدي...
21-02-1429 هـ, 11:28 مساءً
 


الساعة الآن 10:35 .