السلام عليكم وش اخباركم يابنات انا في حيره اخو زوجي (حماي) جاي بعد اسبوع من السعوديه والصراحه محتاره وش اجهز له من مقبلات وحلويات مع الشاي والقهوه الله يعافيكم ساعدوني ؟
06-07-1424 هـ, 03:31 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عزيزتي سهم الهوى

تفضلي هالانواع من الحلى وان شاء الله يعجبك ويكون مقاديره متوفره عندكم

البسبوســــــــــــــــــــــــــــــه :

تراها طريقه سهله وبدون شيره

امقاديــــــــــــــــــر:
1كوب زيت نباتي
2كوب من السكر
2كوب من جوز الهند
3بيضات
3ملاعق ضغيره باكنج بودر
1 علبه سميد
3علب قشطه
فانيليا

الطريقه :
اخلط جميع المقادير مع بعضها
شفتي صينيه القوالب اضع فيها ورق القوالب واصب فيه الخليط بس لين نص كل قالب ما اترسه
ثم اضعه في الفرن من تحت ثم فوق
وهكذا لين الكميه تخلص

التمريــــــــــــــــــــــــه:

اطبقه الاولى
بسكوت مطحون 2 علبه
نصف قالب زبده
اسيح الزبده واحط عليه البسكوت ثم افرشه في صينيه فرن واسوي سطحه بالملعقه

الطبقه الثانيه
في الخلاط علبه نستله حليب مركز و2علبه قشطه و2بيض وملعقه نسكافيه وكوب تمر عجوه واخلطه جيدا

واخيرا
اسكبه على البسكوت وادخله الفرن لين يحمر السطح ثم احطه في الثلاجه لين يبرد ثم اقطعه مربعات واحطه في اكياس الزينه


المطلقه 3*3

المقادير
3علبه قشطه
3 اكياس دريم ويب
3 ملاعق طعام حليب بودر
3اكواب ماء من نفس مقدار علبه القشطه
الطريقه

تخلط جميع المقادير في الخلاط ثم توضع في قدر على النارهادي حتى تظهر فقاقيع من الاطراف
في بيالات التقديم يوضع عسل الكريم كراميل ويسكب عليه الخليط ويوضع في الثلاجه حتى يتماسك
ثم يقلب وقت التقديم

مكعبات الشوكولاته :

المقادير
1 ونصف علبه بسكوت شاي مطحون
1علبه حليب مركز
ثلث قالب زبده
شوكولاته سائحه

الطريقه
تسيح الزبده على النار ويضاف اليها الحليب المركز ويحرك جيدا
يضاف البسكوت المطحون ويرفع من على النار
يخلط جيدا ثم يصب في بايركس ويسوى السطح جيدا
يصب عليه الشوكولاته السائحه
ثم يدخل الثلاجه لمده نصف ساعه ثم تقطع مربعات وتوضع في اكياس الزينه

تقدم مع القهوه العربيه


اتمنى ان تجربي الاصناف وتقولي لي شوه رايك
لا تنسين بنتظر منك رد

وبالعافيه
06-07-1424 هـ, 03:07 مساءً
 
مشكوره حبيبتي ماقصرتي وين الباقين
07-07-1424 هـ, 12:49 صباحاً
 
عزيزتي سهم الهوى



وهذي بعد طريقه وايد سهله وحلوه مع القهوه

انا سويتها من يومين وتجننوا عليها

المقادير

12 حبه كافي مارس الكبير
واحد اصبع زبده

كورن فليكس 6 اكواب

الطريقه

اسيح الكافي مع الزبده في (حمام مائي )

بعد ما يذوب اخلطه عدل ثم اصبه على الكورن فليكس واخلطه بسرعه لين يتماسك وبعدين اكوره كور واحطه في اكياس للزينه

وبالعاااااااافيه

11-07-1424 هـ, 09:58 مساءً
 
المزروعية حبيت الطريقة لكن اي نوع من الكورن فليكس تستخدمين 00000:24: :24:
15-07-1424 هـ, 03:37 صباحاً
 


الساعة الآن 04:36 .