السلام عليكم

صباح اخير ياحلوات

اليوم جايبتلكم خبر مره حلوه

شفتو السوق النسائي اللي في البديعه رحت وسيرت عليه

لقيت فيه نادي رياضي وصالون تجميل ومحلات تجاريه ومطاعم

ومشاء الله كل الدور التحتي تاجر ماعدا الصالون

اما الدور الفوقي

تاجر الكوفي شوب وبعض المحلات

الحلو في الموضوع كله ان اسعار الاجار مره رخيصه

الاكشاك سعره بالشهر ثمان ميه

والمحلات بالف وميتين

والمطاعم بالفين طبعا بالشهر

والصالون والنادي بالفين وخمسميه

وسلامتكم

مع تغطيه اعلانيه اخرى

بالتوفيق للجميع
23-02-1429 هـ, 11:05 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1

حبيبتي السوق هذا وين بالضبط وش اسمه لأني ساكنة في شمال الرياض وما أفهم في غربه
فالله يعافيك ممكن توضحين أكثر
23-02-1429 هـ, 06:21 مساءً
 
انا من سكان البديعه

بس مااعرفه ممكن تقولين وين بالضبط
23-02-1429 هـ, 07:00 مساءً
 
ايش اسمه؟ انا اعرف واحد اسمه الروزنه بس ماادري وين بالضبط..
23-02-1429 هـ, 09:15 مساءً
 
هذا السوق في طريق المدينه جنب ستي ماكس قبال البنك البريطاني

لا رحتو طريق المدينه بتلقون لوحه كبيره مكتوب عليها السوق النسائي ورقم المسؤل عن التاجير عندي رقمه اذا تبونه

وهو تبع عبداللطيف جميل لمساعدة الشباب علشان كذا اسعاره رخيصه

والمبنى جديد وحلو

وعساه يمديكم انا رحت قبل يومين اشوفه ومشاءالله الدور التحتي كله تاجر
24-02-1429 هـ, 06:19 صباحاً
 


الساعة الآن 11:29 .