حبيت ندردش مع بعض ونضحك شوي ونستمتع في مطابخنا
طرت علي فكرة إن كل وحدة حصل لها موقف طريف في المطبخ تسدحه لنا هنا ..
وأن أول وحدة بسدح لكم كم موقف صار معي..


مرة من المرات مستانسة بعمري ومسوية ذيك الكيكة والكل كان منتظرها والقهوة متعطلة تستنى
حضرة ( الكيكة هانم ) تشرف ..
المهم خلطت المقادير والنتهيت ودخلتها الفرن على بركة الله ..
انتظر .. وانتظر.. وانتظر.. ماراضية تستوي هالكيكة ؟؟!!
راحت ربع ساعة ,, ثلث ساعة,, نص,,ساعة إلا ربع ماعندها نية الأخت إنها تنتفش..
قمت طلعتها وأنا كلي علامات تعجب من هالكيكة ..
قطعت منها قطعة وعطيت أختي تذوق !!!
وش تتوقعون؟؟


أول ما ذاقت كشرت وقالت : طعم بحر!!!!!
أن انصفق وجهي وقعدت أستوعب وش السالفة ..
وبعد إعادة سريعة للذاكرة اكتشفت إن الملح إلي جابه الوالد يشبه كيس السكر !!
وصارت الكيكة بحرية
واتقهوينا على تمر ويازين طعم التمر عند كيكتي وألف شكر ياربي على النعمة..



والموقف الثاني مرة الوالدة كانت مسوية على العشاء ( مطازيز) أتوقع تعرفونه..
المهم الكل كان جوعان فتحت أمي دريشة المطبخ إلي تطل على الحوش وحطت الصحن إلي فيه المطازيز عليها
عشان يبرد شوي لأنها توها غارفته..
كنت أنا المطفوقة أحوس عند الدريشة وطخيت الصحن ولا شفت له أثر ؟؟؟
تدرون وين راح؟
طاح على التراب في الحوش!!خخخخخخخخ
وتحول العشاء إلى نواشف... غريبة ما سطروني وخلوني مطازيز!!خخخخخخخخخ
بس أنا أبي مصلحتهم عشان ينامون خفافي..........ز
وسلا متكم
وأنتظر تفاعلكم ومواقفكم الطريفة معنا..
خخخخخخخخخخخخخ
مواقفك تحفه
خاصه حق المطازيز
لو انا كان انجن يتحرونه على احر من الجمر واخرته........ مطازيز بنكهت التراب
ههههههههههههههههههههه
الحين ما اتذكر شي اذا تذكرت ابرجع واحط مواقفي
<<<<<من كثرهن ما تذكر
مشكوره على الموضوع يالغلا
هههههههههههه والله مواقف ونااااااسه
هههههههههههههههههههه موقفك روعه
بصراحه انا عندي موقف بس بصراحه يفشل



مره من المرات وانا توني عروسه طلب مني ابو الشباب اني اطبخ له وقال خلاص يكفي دلع بكرا


سو ي غدا ما صار شهر عسل




طبعا صحيت في اليوم التالي وكلي نشاط وحيويه



دخلت المطبخ وسويت الغدا




دق تلفون البيت رحت ورفعت السماعة طلعت امي



جلسنا نسوووووووووووووووووووووووووولف ويازين هالسواليف اللي نستني المطبخ



وانا السولف مع امي الى وشم ريحه غريبه مرررررررررررره قلت لامي يمه خليكي على التلفون شوي وراجعه




رحت للمطبخ والله يابنات ماتصدقون القدر وشلونه



ااسوووووووووووووووووووووووووود مررررررررررررررره



والمطبخ كله دخااااااان


طفيت النار بسرعه وبسرعه حطيت القدر على الماء




رجعت لامي وانا اجر اذيال الهزيمه


طبعها الدموع اربع اربع قالت امي خلاص تعالو تغدو عندنا في البيت وقولي له


امي مسويه عزيمه تبي تغدينا ا ليوم سكرت السماعة



اتصلت على ابو الشباب وقلت له امي راح تغدينا وقلت شوف انت لا تدخل البيت بس دق دقه واطلع




والله كان قصدي ما يشم الريحه



رحت للقدر احاول اغسله ما قدرت على طووووووول اخذت القدر وطياره للزباله في الشارع

على شان اخفي الجريمه

والحمد لله مرت على خيرررررررررررررررررر

في مواقف كثيره بس والله استحيت من هالسالفه احساسي ان اسولف كثييير والطول في السالفه




الساعة الآن 02:47 .