هههههههههههههههههههههههه مواقفكم مره وناسه

انا مره سويت العشاء نواشف وطبعا النواشف لازم معها شاي

ومع حوسة تجهيز العشاء قمت حطيت ابريق الماي الي نسخن فيه المويه على الغاز
من غير ما اولع النار تحته وقعدت احط في ترمس الشاي والسكر واصب عليهم المويه
وعلى بالي انها حاره
وفي ذاك اليوم كان عندنا اخو زوجي واحضر لهم العشاء والشاي الزين
المضحك في الموقف ان اخو زوجي قعد يصب الشاي ومستغرب ليش ماتغير لون الشاي للاحمر
ويصب في الفنجال وينفخ فيه يبغاه يبرد
وماانتبهه الا متاخر ان الشاي بارد
قام اخوي جاب الشاي عندي ويقولي على السالفه واسويلهم شاي ثاني حاااار
وهذا موقفي مع الشاي ودايما تصيرلي
مرة سويت بس مويه وسكر من غير الشاي
والله حاله
499365880285979859
انا برمضان بسوي السحور مقلوبه واروح أحط الزيت على النار لا ومطوله عليها ويدق التلفون وسوالف نسيت نفسي والحمد لله الصاله مقابله المطبخ والا اشوف الدخان كل ماله يزود وقلتها مع السلامه بشوف وش عندي محترق يوم جيت الا الزيت متحول الى نار وانواع الصياح ياربي وش اسوي وسبحان الله ربي الهمني وماصبيت عليه ماء غطيته بغطايه وطفاء يوم جاء ابو الشباب من الاستراحه لريحه والكتمه والزينه مافتحت النوافذ مستانسه على الريحه بصراحه ارتبكت وعجزت افكر ويكمل علي بالهواش بس الحمد لله طلبنا من المطعم وتسحرنا.




موقف ثاني بعد جونا رياجيل زوجي كل شوي رايح جاي وين القهوه عجلي بسرعه وانا ارتبكت ماعرفت اشتغل ماحب احد يسرعني
ويوم خلصت القهوه بس بقى الهيل واحط السكر بداله كنت بحطه ببريق الشاهي اعوذ بالله مدري شسوي واروح اعيديها من جديد والى الحين اخذ عني فكره اني بطيئه واذا بيعزم يعلمني قبل يجونه علشان ماتاخر وانا ماتأخرت عليه لكن حاسني هالموقف ولا قلت له عليه

اذا تذكرت مواقف بقولكم
مواقف روعه
وفكره أروع
مره في رمضان كان عندي فطور رجال بس
المهم من زود الحرص انه كل شي يطلع بالوقت وما اتأخر
وزوجي قال الفطور حطيه مره وحده مع الاذان الزبده جهزت السفره قليت سمبوستي
ولقيماتي وجهزت كل شي وديت الاكل بالمجلس وكانت السفره من اروع ما يكون شوي جا زوجي
من بره كان يجيب قشطه , ويدخل علي بالمطبخ واقوله وين الرجال ليش تاخرو
قال بتعجب ما كنه بدري عالفطور ضحكت قلت اي بدري باقي 3 د ق
الاكل بيبرد وباقي محد جا
قال الساعه الحين 4:30 قلت ايييييييييييش
والاذان الساعه 5:35 انصدمت وتفشلت وانقهرت عالسمبوسه واللقيمات حلاوتها حار واللقيمات بتلين
وارجع اشيل واحطها بالفرن وابدأ التعب من جد ما كني سويت شي
كان اطرف واصعب موقف لي





مواقفكم مررررره حلوه وسعتو صدري الله يوسع صدوركم
انا مره في رمضان صار لي موقف بس مايضحك هههههه جيت من الدوام متأخره وعلى طول للمطبخ اسوي طبق عشان بنفطر عند اهل زوجي وابدأ احوس لي ساعه ما دريت الا لابس ومعصب يقول تأخرنا وانا انواع الحوسه واركض ركض وقال انا طالع بالسياره الحقني ,واشيل الصينه بسرعه واطلع وابي اسكر الباب ما ادري الا!!!!!!!!!!!!!!!!!! الصينيه طاحت بالارض انوووواع القهر وهو وده بس يوم رحت لهم قلتلهم تراي مسويه لكم طبق والله بس طاح
up


الساعة الآن 06:09 .