شكراً لك مرة ثانية اختي mhs6793 بس صدقيني في شيء ناقص في الطبخة والحريم الباقين ما هتموا يسألونها في شي ثاني عصريين مواكبين العصر
اظاهر انا الى مازلت دقه قديمه
25-02-1429 هـ, 08:04 مساءً
 
انا اسويه وبعطيكي طريقتي وانا اسويه نادرا بس لما بنتي تطلبني وماعندي احد يوديني اشتريه وبيني وبيينك اتقرف من اي مكان

اخر مره اشتريته من الصالحيه ماعجبني والجميد حق المنسف مايصلح للصغار

طولتها وهي قصيره

طريقتي

اخذ لبن مثلا 3لتر وااحطه بقدر على النار بس قرب يغلي وتحسين قبل الغليان انه اجتمع فوق زي الكتله طفي النار لاتخلينه يطبخ ابدا ولايفور بس يسخن

بعدها انا عندي غترة بيضاء حقت زوجي مخليتها لهالشغله وتكون مغسله ومنظفه ومغليه بمي ساخن ومنشفه من قبل تاخذينها وهي جافه وتحطينها بقدر واسع شوي وتسمين وطبعا اللبن بارد الحين نوعا ما تصبينه بالغترة بعدها ترفعين الغترة من القدر الحين جمعيها على بعض مضبوط واربطيها حطيها بقدر يكون بقاع القدر صحن مقلوب منشان ماتكون الغترة على قاع القدر ويجيها اللي بينزل من الغترة الحين صارت مرتفعه جيبي شيء ثقيل وحطيه فوق الغترة اضغطيها يعني لو بنجر ثقيل مو مشكله اهم شيء انها تنضغط
اتركيها لبكره

الى ماتنشف فكيها الحين اذا تبينها مالحه ملحيها وكوريها بالشكل اللي تبين اذا تبينها مالحه انشريها بالصحن ولاتكورينها انتظري عليها شوي وهذا من تجربه الى انك تحسين ان الماء فيها قرب ينتهي وبدت تجف عندها حطي سكر مو الخشن ولاالناعم واخلطيه بيدك بعد ماتلبسين القلفز وشكليها واضغطيها بيدك واتركيها تنشف بمكان فيه تهويه انا احطها تحت المكيف بغرفه الكوي او تحبين تاكلينها لينه خليها بالثلاجه وغطيها

وبالعافيه

وتراني اسوي من هالطريقه اللبنه بعد واكورها واحط عليها زيت زيتون واحطها بعلبه الجبنه المراعي او اي نوع وحطيها بالثلاجه واللي يحبها مفلفله يضيف لها فلفل احمر مطحون

وبالعوااااااااااافي

واللي تضبط معها الطريقه ابي منها دعوة بصلاح النيه والذريه ان الله يسخر لي زوجي ويرحم والديني يارب
25-02-1429 هـ, 08:21 مساءً
 
االإقط : من اللبن الطبيعي يكون مروب ولايصب عليه ماء ويخض وتستخرج منه الزبدة بعد خضه ثم يوضع على نار متوسطة إلى أن يثقل ثم تكون النار هادئة مع التحريك بين فترة وأخرى حتى لا يتغير لونه ويحترق إلى أن يجف ثم يشكل

1) إذا كان الحليب حليب بقر فلا يعقم قبل الترويب
2) إذا كان حليب ماعز يوضع ثلثا الكمية لبن وثلثها حليب
3) إذا كان حليب ضأن أي غنم يعقم ويروب ويطبخ

وشكراً
25-02-1429 هـ, 08:36 مساءً
 
ياهلا بريما 2009 ولله ما قصرتي ابد وهذي دعوة من القلب حتى وانا مابعد صلحته الله يخليلك ذريتك ويجعلهم من عباده الصالحين
ومن البارين بك ويرزقك من واسع فضله


يا مرحبا بالسفنجة وشوكة يسعدني مرورك واضافتك بس اقول وين الملعقه ههههههههههه ترى امزح معك
25-02-1429 هـ, 09:48 مساءً
 
الحمد لله
هالحين انام وانا مطمئنه انك لقيتي الطريقه الصحيحه ههههههههههههههه


ضاق صدري (كلش ولا البقل)

هههههههههههههههههههههههههههه


اذا صلحتيه صوريه ونزليه حتى نطبقه وندعي لكن
25-02-1429 هـ, 10:00 مساءً
 


الساعة الآن 01:18 .