السلام عليكم ورحمة الله وبركاته

كيفكم صبايا ان شاء الله بخير وعافية

بصراحة ابغى اطلب منكم طلب وهو اي وحده فيكم تعرف طريقة الرز الايراني

سواء مجربته او سمعت عنه تقولي عليه لان اختي سالتني عنه وقلت لها

ان شاء الله اكتب طلبك في المنتدى واكيد البنات ماراح يقصرون

لاتخيبوا ظني فيكم وانا في انتظاركم


شنو تقصدين بالرز الايراني

اللي فيه الفول الاخضر والشبنت؟

ولا غيره؟

هلا اختي عطر المساء
والله بصراحة انا ما اعرفه بس اختي تبغاه وقلت اسالكم
اذا عندك طريقة للرز الايراني ياليت تكتبيها
ومشكورة على ردك

مادري عزيزتي انا راح اكتب لج طريقة الرز مع الفول الاخضر والشبنت طعمه لذيذ جدا وممكن تاكلينه مع اللحم او الدجاج... او مع الروب



المقادير:

2 كوب رز مغسول ومنقوع في ماء بارد مع قليل من الملح ... ويصفى بعد النقع

كوب فول اخضر مجمده ... تغسل وتزال قشرتها ثم تفلق يعني الحبه تصير ثنتين

شدة شبنت تغسل وتصفى وتفرم

2 وثلث او 3 وربع كوب شوربة دجاج او لحم { الماء المطبوخ فيه اللحم او الدجاج... مع البهارات والملح }

3 ملاعق زيت

بصله متوسطه مفرومه مع 1 فص ثوم {اختياري}

الطريقه :

عند استخدام البصل والثوم يحمي الزيت ويقلب فيه البصل والثوم حتى يلين ... ويصفى الرز ويضاف للبصل حتى تتغلف حبات الرز بطبقه رقيقه من الزيت

يضاف الفول والشبنت ويقلب برفق حتى لا تتكسر حبات الرز

تصب الشوربه ويقلب بتأني لبضع ثواني ... ثم يغطى القدر وتخفف النار...

يفتح القدر وةتفكك حبات الرز برفق بشوكه كبيره ... ثم يقدم مع الروب ... او اللحم ... او الدجاج

وبالعافيه

الله يعطيك الف عافية اختي عطر المساء
ماقصرتي جزاك الله خير وان شاء الله اردها لك



الساعة الآن 07:38 .