Analysis Services
ابي دراسة لمشروع محل زي سيتي مكس يعني ملابس اكسسورات ادوات منزلية تحت سقف واحد ياليت احد يفيدني
04-03-1429 هـ, 04:55 مساءً
 
اقتباس مشاركة  (aroma - ymani)
دلع سنفورة
ماشاء الله عليك تجنني بافكارك الرهيبة بس حبيت اقلك انا عاملة مشروع فساتين السهرة بس بطريقة مختلفة شوفي يا عسل
انا اخذ فساتين السهرة او الزفاف او الشبكة او او او الخ المهم وباعرضها عندي في البيت وابيعها بالسعر الي تحدده صاحبته وليه نسبة من البيعة 20% بس وطبعا باسعار حلوة يعني 200 - 300 - 400 واكثر شي 500 ريال
طبعا زباين بالهبل جابولي فساتينهم بس البيع شوية ضعيف بس اتوقع يرجع يزيد مع موسم الاجازة تصدقي كنت ناوية ابطل المشروع بس لما قريت كلامك اتشجعت اكمل واذا كونت راس مال ناوية استورد فساتين سهرات جديدة وابيعها باسعار حلوة ما تزيد عن 1200
ايش رايك
الله يسعدك يارب ويوفقك على فكرة انت من وين من الشرقية والا من الكويت لهجتك خطيرررررررررررررررررة ما شاء الله
aroma - ymani

فكرتج وااااايد حلوة ... بس تدرين الاقبال مرات يكون قليل بسبب طبيعة المجتمع الي نعيش فيه ..
يبغيلج تعملين دعاية جامدة ..واستغلي بعض الأماكن مثل المدارس أو الجامعات إذا مسويين معارض بيع وشراء .. بحيث تتوسعين ويصير لج زباين أكثر .. ووزعي بطاقات باسمج وأرقامج مع تحديد نشاطج في البطاقة من ناحية بيع وشراء الملابس .. وشوفي اشلون بيمشي الوضع معاج...

فيه شغلة ثانية .. ممكن تشوفين الفساتين من المصانع في سوريا والاكسسوارات.. أسعارهم تحفة بصراحة ...
الشي الي نشتريه ف الخليج ب 1500 ريال قيمته ف سوريا ما تتعدى ال400-600 ريال للفستان الواحد ويكون فخم جداً
هذا بالنسبة لفساتين السهرة .. أما الزفاف ما عندي أسعار خلفية عنها بسوريا.

بالنسبة لي آنا من الدوحـــــــة

ومشكورة حياتي ع المرور الحلو منج .. ومشاركتج الفاعلة
04-03-1429 هـ, 04:56 مساءً
 
واااو اعجبتني فكرة الكروت ... مازلنا نستنى معلومات اكثر عنها .. وشكر لجميع الاخوات الي اثرو هذا الموضوع الرائع .
04-03-1429 هـ, 05:35 مساءً
 
اقتباس مشاركة  (نعوووووومه)
عدت من جديد
بصراحة موضوع اكثر من رائع شكرا لك اخت دلع سنفورة

انا عندي فكرة لمشروع بس مني عارفة من وين ابدأ بالضبط

مشروعي هو تزيين صياني التقديم وتغليف هدايا.. ممكن مستقبلا اعداد هدايا المواليد والمناسبات المختلفة..
بس مدري كيف ابدأ وكيف ممكن اسوق لمشروعي..
خاصة اني في منطقة بدائية شوي وماعندهم محلات منافسة ابدا.. يعني مشروع جديد للمنطقة..

طبعا انا بشتغل من البيت ...فكرت اني ابيع الصياني على محلات الحلويات..بس خفت يسرقون افكاري العمالة ويقلدوني..
وفكرت استأجر ركن في محل او مشغل واعرض شغلي بس بياكلني الاجار وانا في بداية شغلي ومدري عن ربحي في البداية وهل بيمشي الشغل او لا؟؟
وفي نفس الوقت ماودي احد يعرفني يعني ماودي اتعامل بشكل مباشر مع الزباين
وش رايك اختي دلع سنفورة وش اقتراحاتك ؟؟؟
لي عودة إن شاء الله .. لكن أتمنى تعاون الخوات الي لهم مجال مقارب لفكرتج أو مشروعج

اقتباس مشاركة  (فتووووون_22)
انا ودي فتح بوتيك يبيع شنط
شنط انا اصممها
بس ماعندي اي خلفيه عن الخامات من وين اجيبها والماكاين الي تسويها

قيد الدراسة بإذن الله


اقتباس مشاركة  (** أخيراً **)
بعد إذن الاخت دلع سنفوره .... الاخت لؤلؤة الاكل ما اتوقع تلقين تصريح او رخصه لمحل شامل جميع الي قلتي عنه ! بس انا عندي اقتراح ممكن انك تسوين المحلين الي عندكم مشغل خياطه( طبعا علشان تطلعين تصريح) وتخلين جزء كبير منه لعرض جميع اعمالك وخدماتك وتصممين ازياء والخياطه تخيطها وتعرضينها بس خليها سبشل يعني التصميم الواحد لاتخيطين منه الافستان واحد علشان الزبونه تضمن التميز .. أو انك تفتحين واحد من المحلات محل اواني انتي تصممينها يعني الصواني والفناجيل والشغلات هذي وتحطين عامل يبيعها(طبعا انتي تسوين كميه وتعرضينها في المحل) والمحل الثاني يكون تغليف هدايا وتوزيعات مواليد وايضا عيديات في مواسم الاعياد طبعا الهدايا انتي تصممين العلب الي بتنحط فيها الهديه مثلا طقم ذهب خاتم ساعه عطر وما على العامل الا انه يحط الهديه في العلبه الجاهزه عنده ويغلفها بسلوفان !! اتمنى اني افدتك ..
وجودج .. وردودج ..تثري موضوعي .. (( جزاج الله كل خير ))
دمتي بود
04-03-1429 هـ, 05:36 مساءً
 
اقتباس مشاركة  (قرية التوت)
صراحه موضوووعكم روووعه بالنسبة لي انا احب العب بالديكور حق البيت, المكتب ,المطبخ .......زاي شئ ممكن اقلبة لو بخامات بسيطه ومبتكرة يعني ممكن احنا نشوفها عادية مثلا رف عادي من ايكيا خشب انا ممكن احولة بحركات اي شئ فية ابداع ومتناسق مع المكان حتى عندي لمسات وحركات ابداعية بشغلات المواليد ممكن اسوي ركن كااااااااااااااااااامل متناسق ..من الى ..


شي حلو بصراااااحة

بس احس لو بفتح مشروع بيكون صعب جداااا لان فيها دخول لبيوت الناس وعادتنا وتقاليدنا ماتسمح لنا بكذا

موشرط فديتج .. ممكن تسويين نماذج وتعملين تنسيق لهدايا الأطفال وإنتي ف البيت .. وتتفقين مع أحد المحلات المعنية بتجهيز هدايا المواليد.. ويكون الربح بالنسبة... أو ممكن تخلين وحده من صاحباتج الي ما يكون عندهم مانع من تسويق بضاعتج .. وتعطينها نسبة ع البيع ..يعني تعاملج ما راح يكون مباشر مع الزباين ..بتكون صاحبتج

غير اني احس ان الديكورات وحركات البيت او المواليد تهم فئة بسيطه من الناس لانه موكل الناس يحبون الشغلات هذي ويحسونها ثاااانوية ومالها داعي ..

فايش رايكم حبايبي وش افضل حاجه ممكن اسويها وتدخل علي مبلغ حلووو ..

الشي الي عندج مهارة فيه ..ابتدي فيه ..



برايفت
لؤلؤالاكل بصراحه خطيررررررررررة فكرة الكروت بس تتوقعين احد يشتريها ومن يبي يبيعها لي الا اذا ابرسل مندوبات للمدارس تبيع على الطالبات والا احطها في المقصف حق المدرسة ههههههه بجد عجبتني الفكرة

جاري التنفيذ ...
أسعدني مرورج الغااااااااااااااوي... وإن شاء الله موفقة
04-03-1429 هـ, 05:57 مساءً
 


الساعة الآن 07:16 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏