رووووووووووووووووووووووووعة انتي يادلع ... واياك يارب

وان شالله جاري التجربه
الله يوفقج يا الغالية
اللهم اغفر لي واغفر للمسلمين والمسلمات
سبحانك الله وبحمدك .. سبحان الله العظيم .. استغفر الله
يعني أشوف مافيه أحد ساعدني بخصوص
مشروع كروووت الأفراح
الرسالة الأصلية كتبت بواسطة KF500 »
افكاركم ممتازه وشات ممتع ومفيد الله يعطيك الصحه والعافيه يادلع سنفوره وكل البنات اللي شاركوا بافكار او تعليقات


الله يعافيج ..

ما ابي احكي عن مشروعي لأنه ناجح ولله الحمد والمنه وزبايني مبسوطين مني

اش معنى ...
الي يريحج .. ويكفي مرورج الغااوي فديتج.

لكن عندي جاره امكانياتها محدوده ونفسهاحلو بالطبخ هي مالهابالطويله ولا تبي تطبخ وتبيع

لكن هي تعمل انواع من الدقوس شي هندي وشي ايراني وبالباذنجان واجار بأنواعه وبصراحه لذيذ وهي ودها تسوقه وتكسب من وراه ولا تعرف من وين تبداء

ولقيت هذا الموضوع مناسب لها عشان تستفيد من افكار البنات وطريقه لتسويق منتجاتها وخصوصاً انها نظيفه ودقيقه ويهمها الشكل الخارجي والترتيب

فسؤالي ماهي الخطوات اللازم اتباعها لتكوين مشروع صغير؟


تسوي خطة بحيث تعمل جدول وتقسمه إلى:
-بيان باحتياجات المشروع
- سعر الوحدة الواحدة لكل صنف
-التكلفة الشهرية
- التكلفة السنوية
مثلاُ:


تحدد احتياجات الدقوس أو الأجار أو المخلل أو الأجبان من : ثوم / زيت زيتون / جبن/ خضار ..الخ ، برطمان (زجاج / بلاستيك) ، ورق لاصق أبيض A4 ،قماش قطن ذو مظهر جميل +أستيكة مطاط + شرايط تتعمل زي الفيونكة..الخ من احتياجات
وتدرس أسعار السوق وقيمة هاذي الاحتياجات وتفاوت أسعارها ( يفضل شراءها بالجملة من سوق الخضرة أو الأماكن الي أسعاها تكون منخفضة نوعاً ما كمحلات الكارفور )
وتشوف كم التكلفة المادية للمواد لإنتاج الدقوس والأجار والمخللات .. وكم عدد كمية الانتاج .
ومهم جداً تعرف طريقة تعقيم البرطمانات وحفظ منتجاتها لمدة أطول ع الأقل 6 شهور.


هل يلزمها ترخيص ومحل او يكفي انها تسوق منتجها من خلال البيت؟

ممكن تسويق المنتج من المنزل .. و هناك دول تشترط وجود ترخيص إذا تم بيع المنتج من خلال الجمعيات التعاونية .. وهناك بلدان أخرى لا تشترط ذلك ..
فيمكنها العمل من خلال المنزل ..وتتفق مع بعض الجمعيات التعاونية أو الاستهلاكية لعرضها مقابل نسبه تعطى للجمعية أو تستأجر رف من رفوف الجمعية لعرض منتجها ف قسم المخللات ويكون باتفاق واضح بين الطرفين ..
كذلك : ممكن تتعاون مع المطاعم التي تبيع المأكولات الخليجية والشامية بحيث تعرض خدماتها وتورد كمية للمطعم بالسعر الي ممكن تتفق معا المطعم .. (( لايتم الاكتفاء بمطعم واحد أو جمعية واحدة )) حتى يشتهر المنتج
بالاضافة إلى التسويق المنزلي

مع ملاحظة : أخذ عينات من كل منتج تقوم بتصنيعه ووضعه في العلب البلاستيك أبو غطاء الصغيرة أو المتوسطة وذلك عند عرضها للمنتج في المطاعم والجمعيات ( مهم إن المسؤولين في الجمعية أو المطاعم يذوقوا منتجها .. لأنه يعتبر دعاية جامدة لمنتجها ) .. وفيه مطاعم تحب التميز في النكات المقدمة لزبائنها.




كيف يمكن ان تخرج الشكل الخارجي ليليق بذوق الزباين؟


- ممكن تروح الشركات المسئولة عن توزيع العبوات الزجاجية أو البلاستيكأو شركات الدعاية والاعلان وتعطيهم نموذج أو صورة للبرطمان المراد تصميمه لها أو تجعل الشركة هي من تتكفل بالتصميم والاتصال مع الجهات بطريقتهم الخاصة وما عليها إلا الموافقة على التصميم وتحديد الكمية التي تود شراءها منهم بالجمله - وإذا لم تجد ..تحاول البحث في الجمعيات وتشتريها بالكرتون أو الجملة .. ويكون بأحجام ( صغير / متوسط / كبير / أكبر من )
لأن المستهلكين أنواع ( أسرة صغيرة مكنونة من 2-3 أفراد / أسرة متوسطة من 4- 7 أفراد / أسرة كبيرة من 8-12 فرداً/ المطاعم .
- وضع ملصق للبرطمان يحتوي على تحديد اسم منتج ( ____ للمخللات ) ، مع تحديد مدة الصلاحية ، الهواتف للطلبيات ... ممكن عمله بالبيت أو من خلال مطبعة .
- بالإمكان تزيين االبرطمان من الخارج بقطعة قماش قطن وربطها بشريطه أو أي شيء آخر.


كيف يمكن ان تسوق منتج بهذه المواصفات ؟



عمل عينات مختلفة مجانية في علب بلاستيك صغيره وتسويقها للأفراد والمطاعم والجمعيات مع توزيع كرت يحتوي بياناتها من الاسم والتلفونات .
مثلاً : إذا عندها 5 أنواع من الأجار والدقوس والمخللات ..الخ .. لازم يطلع المسؤلين عن هذي الخمس الي عندها .. ممكن تطلع بتسويق منتجين من أصل ثلاثة ع الأقل ف المطعم الواحد .. وهكذا مع باقي المطاعم ..
ومهم إنهاتستعين بمندوب تسويق تشغله معاها بمكافأة مالية محددة و لمدة أسبوعين لتسويق منتجها لأنه راح يتعامل بأسلوب لبق ويكون قادر على إقناع الأطراف الأخرى لشراء المنتج - وممكن صاحبة المنتج تقوم بالمهمة إذا لم تستطع توفير مندوب تسويق لفترة مؤقته.


بأختصار ياريت تساعدونا بكل الخطوات اللي لازم تتبعها لتكوين مشروع ناجح بأذن الله

هذا رابط ..كيفية إعداد دراسة جدوى وبشكل مبسط ..إن شاء الله يفيدج http://forum.hawaaworld.com/showthre...1157292&page=8


والشكر مقدماً لكل اللي شاركوا في شات تحويل الأحلام الى واقع ناجح
اختي دلع سنفوره الحين مابقى الا اني ادعي لك

بأن يرزقك ربي الفردوس الأعلى من الجنه ويرزقك من حيث لا تحتسبين ويسهل عليك كل امر عصيب يارب العالمين


انتني هونتي على اختي امر كان صعب بالنسبه لها والأن مايبقى الا الخطوه الأولى عسى ربي يوفق الكل


اما بالنسبه لمشروعي والله ما اقصد اني ما افيد احد بس انا مهنتي بختصار كوافير...

اتعامل مع زبايني داخل منازلهم وماعندي محل خاص وهذي مهنه احبها وان شاء الله استمر في طريق النجاح
ارفعه للفائدة العامة

ياريت تكون فيه افكار ومشاريع جديدة
اللهم اصلح لي شأني كله ولا تكلني إلى نفسي طرفة عين








الساعة الآن 08:41 .