بناات اسمحولي إذا تأخرت عليكم .. وآآآآآسفة ع التأخير ..

وحابة أشكر الخوات الي دعولي .. والحمدلله نجحت ف مهمتي وتوظفت .. وكااان التأخير سبة عمل خطة واستراتيجية عمل للوظيفة عبر الباور بوينت فخذت مني وقت ما كنت أتوقعه ... وان شاااااااااااااااااء الله كل وحده دعتلي ربي يوفقها ويرزقها من نعيمه وطيبااااااااااات رزقه .. وينولكم الي ف باااااااااااااااالكم يااااااااااااااااااااا رب ..
29-04-1429 هـ, 12:55 مساءً
 
بسم الله الرحمن الرحيم
موضوع اكثر
من رائع
انا احب الطبخ
واسوي اشياء كثير

كثير طلبات تجيني وسوي لهم

بس خاطري في مشروع
ماعندي راس المال يسوي المشروع
ومعرف اسوي دراسة مشروع
بس الفكرة تكون
مطعم نسائي
مدري بس اللي عندها فكرة ياليت تفيدني
وياربي يوفقني
29-04-1429 هـ, 06:38 مساءً
 
الرومنسية2007
بنت النور**
ام فهد arena
عبيرالحجاز
Malakhaz
الفراشه المبخوته
Nice_Girl


الله يجزاكم خير .. وأسعدني مروركم الغااااااااااااااوي
ومشروع الكروت حطيته ف الصفحة الي قبل للأخت الي اسألت
.
02-05-1429 هـ, 01:34 صباحاً
 
اقتباس مشاركة  (كبوسه)
الله يعطيك العافيه ويبارك لك بوقتك ومالك وصحتك..ويجزاك خير على اخلاصك وحبك للخير...

اعجبتني كثيررر افكااار..ونورتيني فيهاااا...الله يوفقك.. يارب..

انا حابه اعمل مشروع الطبخ من البيت..لكن حابه اطلعه من بيتي..

يعني مفكرة استأجر بيت في حي رخيص..واجيب طباخه من دولة عربيه وعاملتين اندونيسيات...

وسواق طبعا..وافضله يكون محرم للطباخه(ابنها..اخوها)

طبعا مبدئيا احتاج سيارة توصيل..ممكن مااخذها جديدة اخذها مستخدمه..

يكون النشاط كالاتي..
تأمين فطور مدارس (للمعلمات)
عمل الاكلات العربيه والشعبيه والعالميه..وتقديمها حسب الطلب في سخانات او صواني او حوافظ...
طبعا مع السلطات والمقبلات..عمل المعجنات قبل رمضان وبيعها مفرزة..

يعني تقريبا مهام مختلفه...

وانا واخواتي وعمتي ممكن ندربهم لمدة..وبعدها يكون مجرد اشراف عليهم...

ياليت تساعدوني في ترتيب افكاري للمشروع..وهل تأيدوني فيه..؟؟وكيف اتعامل مع الطباخه نسبه او راتب مقطوع؟؟

واي اضافه انا مرحبه فيهاا...
شوفي يا الغالية ... بما إنه عندج هالنشاط .. ومعاج فريق عمل من خواتج وعماتج .. ليــــــــش ما تستأجرين مكتب صغير في السوق.. ويكون هالمكتب بإدارة أخوج أو زوجج ويستقبل طلبات الولائم الشعبية وغير الشعبية (( البوفيهات)) ..
ويكون عندج ف البيت ملحق كبير فيه مطبخ وتأمنين الأجهزة اللازمة من أفران وفريزرات وصحون العزايم أو الولايم لهاذي الشغلة .. وتكون عندج خادمتين على كفالتج .. والسايق من داخل البلاد (( لأنو بيكون عارف الشوارع والمناطق )) ومهمته فقط توصيل الطلبيات في الوقت الي يحددونه الزباين .. سواء لعرس ... ضيافة .. وليمة عشاء .. أي شي .. وبكذا بيصير عندج زباين ..ومهم إن المطبخ ينتج أكلات ذات نكهة مميزة .. لأن الزباين تحب الشغل الزين .. وبالذات ف الأكل .. الناس تسأل عن اسم المطبخ أو المكتب الي جهز الأكل...

ملاحظة : بالنسبة للولايم ..فأصحاب الولايم بالعادة هم الي يجيبون اللحم للمطبخ أو لباب المكتب .. ومنه يتحول للمطبخ عشاان يجهزونه إذا كان لعزيمة عشا أو غيره...


أرجو إن الصورة تكون واضحة
02-05-1429 هـ, 01:46 صباحاً
 
اقتباس مشاركة  (ghadaforex)
بما اني من ذوي الاحتياجات الخاصه ومافي ولا شي لهم لتسهيل حياتهم اليوميه مثل تمهيد الشوارع وخفض ارتفاع الارصفه .اعتقد هذي فكره لن تنافس بالتوفيق.
بالفعل هاذي مشكلة في بعض الدول العربية ..

لكن بالنسبة لذوي الاحتياجات الخاصة عندنا .. فكل مكان بالدولة ( مدارس/ معاهد/ حدائق/ شوارع/مجمعات تجارية / مصليات/ مواقف السيارات/ الدوائر الحكومية والخاصة ... الخ ) تتوافر لهم أرصفة وممرات لتسهيل حركتهم في أي مكان يقصدونه ..


ومن ناحية الأفكار التي أضعها .. كمثال على مشروع الكروت .. ممكن ذوي الاحتياجات الخاصة يبدعون فيه إذا كانوا يمتلكون قدرات ومواهب ... خاصة الي ما يحبون يطلعون للناس .. ومنعزلين بسبب الإعاقة .. فهذي في نظري الخاص فرصة إنه يكون لهم مشروع خاص وصغير من البيت ويكون بمساعدة وتشجيع من الأب والأم والإخوة
......


وأتمنى لج التوفيق عزيزتي
02-05-1429 هـ, 02:01 صباحاً
 


الساعة الآن 08:23 .