- - - - - -

[img]http://www.*****.com/smail/1/up/19400000.gif[/img]



السلام عليكم و رحمه الله و بركاته



اولا و قبل كل شي تقولن ماشاء الله و تبارك الله



حبيت اعرض لكم ضيافه صديقة اختي

لها زمان ما جتنا عمر و الله و حبت اختي توجبها بضيافه من البيت لان صاحبتها من عشيقات شغل البيت

و اتكلفت لها

المهم

راح احكي لكم طريقة التقديم

اول شي

دخلت صديقة اخت المجلس و كنا ماخذين مواقعنا (( تقول حرب )) و ننتظر بشغف هذي الزائرة و يا حلاتهاو الله

سلمت و جلست <<<<<< لا ياشيخه

طبعا حطينا صحون زجاج فاضيه طبعا مقسمه لثلاث اقسام قسم منها حطيت مناديل مطبقتها بشكل جمالي و القسم الثاني حطيت شوكه و القسم الثالث خليته فاضي عشان تحط كاس العصير

يعني ضيافتنا الاولى عصير و جاتوه صراحه جاهز كيك ايس بارد مع العصير فازعه ابه حرمة اخوي الذوق




طبعا انا ما استنيت اختي تكمل صب الكاسات <<<<<<<<< مدهره تبيكم تشوفون


و يا شين الحريم يحبن يسولفن و العصير يتركنه بعدين يكملنه و انا عويناتي تناقز استنى تخلص عشان اكمل الضيافه خخخخخخخخخخ <<<<<<<< اشوى ان البنت موجايه لي و الا حستها هههههه


طبعا بعد العصير القهوة

رجعت وزعت صحون زجاج مقسمه ثلاث اقسام قسم شوكه و ملاعق صغيره مره بعلمكم بعدين و القسمين الثانيه فاضيه عشان تختار المره وش تبي تحلي مع القهوة

اول شي اختي صبت القهوة




تعرفن الحريم هالايام نوعين قهوة ساده و الثانيه نانخه و بهار و مدري وشو

هي اختي صبت اول فنجال و انا اطمر و اباشر باول جوله من التمر



ثم بعد كذا درت بالحلى و كان عبارة عن اصناف متعددة

فاصل و نواصل





طبعا واضح من الصورة و اللحين بفصل لكم

حلى الشتلات <<< اللحين عرفتن ليه حاطه ملاعق صغار قدن قدن عشان حلى الشتلات





و ابشرن بالطريقه رغم انها معروفه لكن راح انزله بعدين




افصل لكن من تحت لفوق اول صف توفيه من عمايل اديه و الصف اللي فوقه بسبوسة الطازج بحليب البوني فازعه ابه حرمة اخوي الثانيه الذوق بعد و الصف اللي فوقه كيك الشكولاته اللي صوصهامنها و فيها و حطيت فوقها جوز هند يا حبي لها و الصفين اللي فوقهم على طول كيك نارجين هش و طعم مرررررره

صورة اقرب




و اتقهوا الحريم و البنات و فلنها صواليف و تقليب في ذكريات الماضي العتيد المحمل في طياته بغبار الازمنه الصبيه


و بعد القهوة يا حبيباتي




يتبع الرجاء عدم الرد
نجي للشاي




يا حبيباتي الشاهي ما فيه انواع و الا اطب في بطون الحريم منعنع يستاهل عضوات المنتدى الحلوين

مع الشاهي ايضا وزع صحون زجاج <<<< ما عندك غيرها تشيلين وتحطين فيها الله المستعان

قسم حطيت فيه مكسرات و قسمين تركتهم فاضيه عشان الحريم يقزقزن في قسم و قسم يختارن المعجنات اللي تروق لهن

بس السموحه يا بنت ما صورت المكسرات <<<<<<<< ما يحتاج كفايه الصورة اللي فوق ما خليتي هههههههه





طبعا كلها عمايل اديه نبدا من اليمين لليسار صح نسيت الصورة من تحت لفوق هههههههههه

من تحت مني اقماع محشيه بلبنه و تونه و جزر و سكرتها بزيتونه

و فوق على طول مني بيتزاء

و فوقها مني فطائر الدجاج الشهيه

و فوقها على طول مني فطائر تونه ببخلطتي السريه و هذي حرمه اخوي ما صدقت انها عمل بيت تقول مشتريتها <<<<<<< افااااااااااا زعلتني هههههههههههه

صورة اقرب





عادي سولفن و قزقزن و دق رجال المره و تبي تطلع

عاد عوايد العرب







اتمنى من كل قلبي اني وفقت في عرضي و اتمنى انه يعجبكم بكل ما تحمله الكلمه



[img]http://www.*****.com/smail/1/up/19400000.gif[/img]

- - - - - -

------------------------------------------------------------
.:: عـــــــ(*_^)ـــــيون ::.
ماشاءلله انت ذوق واختك ذوق
المره الجايه انا عنكم
من جد تميزالله يعطيكم العاقيه
مشاء الله

فله والله ياحظها ضيفتكم اقول ودي ازوركم من :اي ديره انتي


يارب احفظ أمي وأزل همها وحقق مرادها وأرزقها السعاده الدائمه وراحة البال
وعليكم السلام ورحمة الله وبركاته
ماشاء الله تبارك الله
والله انك ذوق ماشاء الله عليك
ضيافتك مميزة ماشاء الله
الله يعطيك العافية يارب ..


الساعة الآن 04:00 .