Analysis Services
#طريقتي في الصيادية اسويها بالتونة والتمر الهندي#

1- افرمي 4 او 5 بصلات ووكشنيها الين ماتسمر لاتخليها تنحرق وحطي شوي ثوم واعواد قرفة وقرنفل وهيل وخليها مع البصل

2-ذوبي التمر الهندي في موية حارة وصفيه وخدي مويته وكبيها على الكشنة

3-غسلي الرز وارميه على البصل وحطي ماجي وفلفل اسود وكمون وملح وزيدي مويه اذا احتاج

4- افتحي علبة او علبتين تونة حسب عددكم واحطيها على الرز وخليه يطبخ
حيطلع لك لونه بني والطعم خيااااااااااااااااااااااااال
09-03-1429 هـ, 12:48 صباحاً
 
لاتنسي اذا عملتيه اعطيني النتيجة
09-03-1429 هـ, 12:50 صباحاً
 
.
.

اختي انا حجازبة

البصل بعد ما ينحرق

حطيه في خلاط وحطي معه منقوع التمر الهندي

هو اللي يخلي لونه بني غامق

.
.
09-03-1429 هـ, 01:25 صباحاً
 
طريقة الصيادية الينبعاوية

انواع السمك

المفضل عند اهل ينبع و املج

الفارس

الصرع

الشريف

و عند اهل جده

الناجل

و الهامور الكبير


الكشنة :

في منها نوع جاهز يتباع في ينبع

اذا تعرفي احد في ينبع يوصلها لك

طريقتها الكشنه و مقاديرها:

كيس صغير بصل احمر حباته كبيره

ثوم

سمن فارم

طريقة عمل الكشنه:

قطعي البصل تقطيع متوسط مايكون صغير

و لا كبير بعدين اقدحي كمية كبيره من الزيت

في طاوه عميقه و لما يغلي الزيت حطي البصل

و حركيه باستمرار حتى يصير لونه بني غامق

اذا كنتي تبغين الرز يكون لونه بني فاتح

او اتركي البصل حتى يغمق لونه ويصير قريب من الاسود

اذا كنتي تبغي الرز يكون لونه بني غامق

يعتمد لون الرز على درجه تحمير البصل

و كميته

بعد مايتحمر البصل للون اللي تبغيه

صفيه من الزيت و حطي في صحن

مفروش عليه ورق لامتصاص الزيت

اتركيه حتى يبرد بعدين قشري الثوم

راس ثوم بعدين جيبي الهوند ودقي البصل

و الثوم كله و ضيفي معاهم ملعقتين

سمن فارم ودقيهم كلهم مع بعض

صار عندك كميه كبيره من الكشنه

احفظيها في علبه نظيفه في الثلاجه

و استخدميها في اي وقت 0



طريقة الصياديه:

بعد ما تحضرين الكشنه

اختاري نوع السمك اللي تفضلينه

نظفيه و قطعيه قطع كبيره

حطي كميه من الماء في قدر و ارفعيها

على النار و الماء بارد حطي السمك

و اتركيه لحد ما يغلي بدون تقليب

بعد ما يغلي الماء و السمك

حطي الكشنه الكميه اللي تبغينها كثري منها

اذا تبغينه غاامق و حطي بهاراتك

اللي قرفه و خلنجان و شيبه وهيل كله حبات كبيره

و ملعقه صغيره مطحون ناعمه من فلفل اسود و كمون وكزبره

و حطي عليها الملح

اتركيها تطبخ بدون تقليب حوالي ربع ساعه

علشان ما يتفتت السمك

في وقت ما يغلي السمك غسلي الرز و انقعيه

بعد مايستوي السمك خرجيه من المرق و حطيه

في صينيه و غطيه بقصدير علشان مايبرد

صفي الرز من ماء النقع وحطيه في قدر نظيف

و شيلي بمغرفه من مرق السمك و الكشنه

و صبيها على الرز مع استخدام الصفايه

علشان البهارات و الشوك و بقايا البصل ماتنزل في الرز

وتكون المرقه صافيه

لا تضفين كثير من المرق خلي كمية المرق على قد ما يسوي الرز

و كل ماشفتي انه محتاج لمرق زياده ضيفي له

من مرق الكشنه لحد مايستوي

اغرفيه في صحن وحطي عليه السمك

و حطي على الوجه سمن بري 0

اهم ملاحظه لون الصياديه يعتمد على درجه

تحمير البصل 0

مع الصياديه تقدمين

سلطة الحمر و سلطة الطحينة

و سلطة حارة
09-03-1429 هـ, 06:18 صباحاً
 
غروب / الرائحه الزكيه/ممرضه مكافحه/بروئه

جزاكم الله خير الجزاء عاجزه عن شكركن ...

ماأحد قدها مشكوره اضافه التمر الهندي فادتني ياليت طريقتك في الصياديه

وانا سجلت جميع الطرق وابتديت بصياديه ام راكان وكانت 100% من ناحية النكهه لكن اللون كان فاتح

وراح اجرب ايضا الصياديه الصلاليه وصيادية التونه والصياديه الينبعاويه ..وو...ووو....

جزاكن الله خير يااخوات
09-03-1429 هـ, 09:22 صباحاً
 


الساعة الآن 05:32 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏