تفضلي طريقه الاخت باشاميل جزاها الله كل خير

معتمده عندي ..لانها عجبت زوجي وعيالي ....

نسخت لك الطريقه لان الرابط ما يشتغل اعتقد لانه بالارشيف .

http://archive.hawaaworld.com/showthread.php?t=384243

طريقتي في عمل الستيك " مصورة ":اللحمه تصير طريه مهما كان سمكها</STRONG>

الستيك اللي بكتبه لكم صج صج روعه

أنا معتمده هالطريقه من زمان و مهما كان عرض شريحة الستيك تصير طريه بهالطريقه .. حتى ما تحتاجون لتقطيع الستيك لسكين لانها تتنتف بالشوكه .

و صدقوني عمري ما سويته بمكان الا وطلبوا الطريقه مني . يعني اللي ما يضبط الستيك معاها صدقوني خل تجرب طريقتي و بتدعي لي ان شاء الله

و للأمانه .. الطريقه أخذتها من كتيب طابعته وحده كويتية أسمها أم مشاري العبيد . و للأسف ما ينباع بالسوق اعتقد انها باعت منه كمية لماعرفها من قبل اربع سنوات .

طولتها عليكم

نبتدي بالمقادير : ( وسامحوني على رداءة الصور لأني مالقيت كاميرتي إلا بعد ما خلصت )

- 2 ملعقة كبيرة خل + 2 ملعقة كبيرة ليمون
- كيلو لحم " تقريبا"
- 1 ملعقة صغيرة ملح
- نصف قالب زبدة
- بصلتين مقطعتين جوانح
- علبة مشروم شرائح " أنا أفضل أن أضيف بعض المشروم الطازج "
- 3 فصوص ثوم مقطعة
- ملعقة كبيرة فلفل أسود مطحون

الصلصلة :
- ربع قالب زبدة
- 2 ملعقة كبيرة طحين أبيض
- كوب ماء
- 4 ملاعق كبيرة صلصة الصويا " العادية مو الحلوة الثقيلة "
- مكعب ماجي دجاج أو خضار
- 4 ملاعق كبيرة كريما حمراء
- 2 ملعقة كبيرة زعتر الأوريغانو

الطريقة :
- يغسل اللحم . ثم تدلك قطع الستيك " و لا تنقع " بالخل و الليمون .. يعني بالتربيت بأطراف الأصابع . و تترك ساعة تقريبا حتى تصبح طرية .
- تدهن كل قطعة بالفلفل الأسود و الملح
- يوضع ربع قالب زبدة في مقلاة على النار . ثم نشوح اللحم حتى يتغير لونه فقط .
- تصف قطع اللحم في ماعون بايركس
-في نفس المقلاة و بدون غسلها نضيف القليل من الزبدة .. ثم نحمر البصل و بعدها قطع الثوم و أخيرا المشروم
نخلطهم زين زين بعدين نحطهم على اللحم اللي في البايركس
- نعمل الصلصة .. في نفس المقلاة نذيب مزيدا من الزبدة ثم نضيف الطحين و نقلب زين ثم نضيف الماء و نقلب لما تصير الصلصة ثقيلة تقريبا مثل الباشاميل
- نضيف صلصة الصويا و نخلط ثم نضيف الكريما و مكعب ماجي
- و أخيرا نضيف الاوريغانو و نخلط جيدا
- نترك الخليط على النار قليلا ثم نصبه على اللحم و خليط البصل في البايركس
و نغطي الماعون بورق القصدير و ندخله الفرن بحرارة 180 ْ تقريبا . و لمدة تتراوح من ساعتين إلى 3 ساعات
لا تستغربون الوقت .. ما راح يحترق اللحم و لا راح ينشف الخليط . و الثلاث ساعات استخدموها طبعا لقطع الستيك السمكية .
و اذا استخدمتوا مقادير الصلصلة بالضبط ترا الكمية عدله . لكن اللي تحب تخفف من سماكة و ثخن الصلصلة تزيد ماي و اللي تبي تثقلها تزيد طحين .

وهذا الرابط لصلصه الستيك للاخت باشاميل ...

http://forum.hawaaworld.com/showthread.php?t=432229


وهذا الرابط لطريقه الاخت البحرينيه جزاها الله خير

للامانه ما جربتها ...

http://forum.hawaaworld.com/showthre...33#post4630233
04-03-1429 هـ, 11:29 مساءً
 
اقتباس مشاركة  (سوويت جنى)
انا اسويه في صاج (طاوه) على النار ويطلع خطير

اذا عجبتك طريقتي خذيها وجربيها

حطي اللتبيلة على اللحم ( مقدار شريحتين ستيك)
ا ملعقة بهارات مشكلة + عصير ليمونتين صغار + ملعقة خل + ثوم +صوص الباربيكيو (ممكن ماتضيفيها ) +ملعقتين كبار صوص الصويا
+ ملعقة معجون طماطم + 1 ملعقة دبس رمان او عصير عنب+ 3ملاعق كبار زيت + ملح وسكر + عصير نصف برتقالة

اهم شئ يقعد في التتبيلة فترة عشان يطرى اللحم

وصدقيني بتسمعي مدح كثييير على هذي التتبلية
اتذكريني وادعيلي بالخير

الطريقة:
جيبي صاج وحطي فيه شوية زيت وحطي اللحمة وخليها دقايق واقلبيها على الجهة الثانية

وكل ماحسيتي انها نشفت ادهنيها بالتتبيلة عشان تلين وماتجيكي ناشفة واذا استوت سوي اهم خطوة وهي:

خرجي اللحمة على صحن وغطيها بالقصدير عشان تتشرب عصارتها وتطلعع طريه

وفي الطاوة اللي شويتي فيها اللحم حطي قطعة زبدة بحجم 50 جم + بصل الين يذبل شوي+ كريمة سائلة + ماجي وشوية مويه وملح
واذا حبيتي فطر خليها تتسبك وخذي منها بالملعقة وصبيه على قطعة الستيك

وقدميها مع الخضار المسلوقة وبس

اتمنى فهمتي علي

واي سؤال انا حاضرة


مشكورة ياقلبى طريقتك روووووعه بجربها ياعسل .
05-03-1429 هـ, 12:35 صباحاً
 
طريقتين حلوين ماشاء الله

تسلمواا
05-03-1429 هـ, 03:59 صباحاً
 
زهرة النوير الف مليووووووووووووون شكرا ويعطيك الف عافية
والله يابنات تعبتكم معايا
05-03-1429 هـ, 11:49 صباحاً
 
خبرينا شصار معاك؟؟
05-03-1429 هـ, 10:23 مساءً
 


الساعة الآن 04:22 .