عزيزاتي تكفون ابغى طريقة عمل الدقوس بالتفصيل , يابنات ذقته عند جارتي خطييييييييييييييييييييير تقول انه شاريته من وحدة (اشك ماتبي تعلمني النذلة ) لكن هين اجيب طريقته اجيبها , يالله عاد ساعدوني وخلوني اقهرهههههههههها زي ماقهرتني هههههههه (دعابة لاتصدقون )
اوف توني اشوف موضوع عن الدقوس ولا كان ماحطيت موضوعي
بعطيك طريقة الدقوس الكويتى على طريقتنا اولا احمسي بصل مفروم ناعم في الزيت وحطي فلفل اعلوب فلفل هندي حار وقلبيه وتكوني حاطه في خلاطة الطماط طماط وثوم وخلطيها اكويسه وصبها على البصل والفلفل وحطي نص كاس ماي وحطي لومي اسود كامله مع رشة ملح وفلفل اسود بس مو تحطين بهارات وبعدها حطي صلصة طماط كثري وتركيها على نار هاديه اقل من ربع ساعه وتقدم مع المجبوس او الموش او جميع اطباق الرز
مشكورة علي الطريقة
خذي طريقة الدقوس هذا سهله ولذيذه خاصه مع الكبسات

اخلطي في الخلاط طماط وفلفل احمر حااار تشيلين بذوره وثوم وخليه ينخلط زين بعدين حطيه في قدر على النار يطبخ
وحطي عليه رشة ملح وخليه يطبخ حتى يثقل بعدين قبل ماترفعينه من على النار حطي عليه شوي خل ولو كان سايل
ماثقل حطي ملعقه صغيره نشا في فنجال مويه وصبيها عليه وبيثقل بعدين اتركيه حتى يبرد وحطيه في علبه قزاز
وصبي عليه زيت زيتون علشان مايتغير ولايخرب واحفظيه في الثلاجه وكل ما احتجتي طلعي منه على قد حاجتك
ان شاء الله تجربينه ويعجبك والكميه على حسب تقريبا 3 حبات طماط و 6 فصوص ثوم صغيره و 6 حبات فلفل احمر حار





الساعة الآن 02:04 .