السلام عليكم ورحمة الله وبركاتة


لو سمحتم ياحبيبات قلبي ابي طريقة مضغوط باللحم والدجاج


بس ابية على اصولة تكفون حبيباتي عشان عندنا عزيمة


وخاطري اسوية طبعا انا اول مرة بطبخ بقدر الضغط عشان كذا ابغى الطريقة

والوقت

وشكرا
شوفي حبيبتي
عندي لك طريقه سهله ولذيذه بالمره
والمقادير لدجاجه وحده
جيبي قدر الضغط وحطي فيه ملعقه صغيره ملح وماجي ابيض
وبهارات دجاج وكمون وبهارات عدله اللي هي هيل ودارسين وفلفل اسود
وورق غار
وثلاث ملاعق كبيره معجون طماطم وطماطه كبيره مطحونه
وزيت تقريبا ثلاث ملاعق كبيره
وكاسين مويه مغليه
وشبي عليهم واذا طبخ ضيفي له الدجاج او اللحم وسكري القدر
وبعد مايطلع صوت الهسهسه قصري له وخليه ربع ساعه للدجاج
ونص ساعه للحم
بعد كذا افتحي القدر وكبي الرز وخليه يطبخ لين تبان حبة الرز يعني
يصير فيه شوي مويه حطي له حبحر طازج وغطي القدر وبعد مايطلع الصوت
قصري له مره وخليه بس عشر دقايق وافتحيه
واستمتعي بالمضغوط على اصوله
عليكم بالف صحه وعافيه
اتمنى افدتك
واذا تبين اطباق منوعه شوفي الرابط هذا
http://forum.hawaaworld.com/showthread.php?t=1123919


الف شكر للغاليه { لمسة ابداع }
طريقتي في المضغوط

اول شي احمسي بصل مع ثوم مفروم في شوية زيت حتى يشقر ثم اضيفي البهارات الحب فلفل اسود وقرفه
وورق غار ومسمار وليمون اسود واضيفي الطماط المطحون والصلصه وخليها تتسبك بعدين اضيفي الدجاج او اللحم
المقطع والملح والفلفل والبهارات خاصه بهارات الدجاج من اسناد روعه تعطيه تكهه لذيذه وخليها تتسبك مع الصلصه
والبهارات بعدين حطي المويه وسكري القدر للدجاج عشر دقايق واللحم على حسب الغنم نصف ساعه والحاشي ساعه
الاربع بعدين افتحيه وحطي الرز المغسول قبل ومنقوع بعدين سكري عليه القدر اذا ضغط هدي النار عشر دقايق او ربع ساعه
ويكون ناضج بس اهم شي في قدر الضغط لاتكثرين موية الرز علشان ماينهرس



تسلمون يابنات على الوصفات
الله يسعدكم ويفرح قلوبكم مثل مافرحتوا قلبي
الله يوفقك البنات ما قصرو
[/url]


الساعة الآن 02:35 .