السلام عليكم...
يااخواتي السنعات اللي يطلع الرز من تحت يديهم شئ وشويات<<<<<اخلصي بلا بثارة
بنات والله تعبت نفسيتي تعب ذريع جدا جدا جدا

الرز مو راضي يضبط معاي ابد يصير طعمه يروع ويفشل مررررة

تخيلوا حتى وصفات البنات هنا بالمنتدى اللي ماشاء الله تفتح النفس وطباخات من ام عزيزان لعزيزة وغيرهم ماتركت وصفة رز تمدحونها الا سويتها
والله تطلع تفشل
كل شئ اسويه من المقادير لاخر شئ بالوصفه بس ماتضبط
والله استحيت من زوجي وولدي

اتخيلوا اخذت طريقة الرز الغوزي بالدجاج نسيت لمين والله وماشاء الله هي حاطة تطبيقها يفتح النفس
سويت نفس الوصفه

ولما نكبته ريحته شينة الله يكرم النعمه

وزوجي طبعا مايستحي على طول يقول لاعاد تسوين هالوصفه (يحسب نفسه يساعدني بصراحته وهو يجرحني يقول: انتي ماتهتوين تطبخين عشان كذا رزك مايزين)
وولدي يقول ماما الدجاج حلو
وانا دمعت عيني من الضيقه
بنات سنعوني بالرز
انا كل شئ طباخه فيه من السلطات والصواني والمعجنات والحلويات الا الرز بيني وبينه ثار الظاهر
تكفون ساعدوني
08-03-1429 هـ, 08:01 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي
لا تحطمين
نوع الرز له دور كبير في الطبخ

اي نوع رزك وان شاء الله نفيدك

الله يفرج كربتك وكربة اهلك والمسلمين اجمعين اللهم آمين
08-03-1429 هـ, 08:20 مساءً
 
حبيبتي جربي ارز الوليمه حلو

وبهارات الللي تحطينها على ارز لها دور كبير في نكهة الطبخ وريحته

انتي قوليلي من الالف الى الياء كيف تسوين وان شاء نفيدك
08-03-1429 هـ, 08:25 مساءً
 
رز الوليمه انصحك فيه

وبعدين لو تطبخينه في ضغط يطلع جننان
08-03-1429 هـ, 08:28 مساءً
 
رز الشعلان وابوكاس اسهل شي فالطبخ
الريحة يمكن انك ماتشيلين الزفرة
انقعي الرز
استخدمي البهارات الحب
كثري البصل
القدر غلط يكون صغير
الطماطم لكل كاسة رز حبة بس
المرق لاتزيدين مويه

وانا طريقتي مريحة اللحم اسويه في الكاتم
وبعدين اصفي المرق على الرز فقدر ثاني املحه وارص اللحم وعلى نار صغيرة
واهم شي انك ماتطفين النا قبل ماتشوفين البخار يطلع من القدر )) التسكيرة
وخليه خمس دقايق او عشر وبعدين اغرفي
08-03-1429 هـ, 08:30 مساءً
 


الساعة الآن 01:04 .