السلام عليكم ورحمة الله وبركاته كيفكم خواتي بنتي عندها حفلة فطور في المدرسة وانا ابي اسوي لها حاجة خفيفة وحلوة فيا ليت اللي عندها فكرة لا تبخل بها علينا

انا بنتي اسوي لها حلى نوعين او ثلاثه واسوي له ديكورات واسوي لها قهوة او سوي لها شعبيات ونوعي باشكال الصياني
مثلا انا سويت حلى العشيشات وجبت تحفه من ابو ريالين على شكل بيضه وسط عش وحطيتها في الوسط وصفيت الحلي
حولين ها العش الكبير
الكليجا حطيها بسله مبطنه بخام السدو
او اشتري شوكلاته من برى ورصيها بصينيه تكون ارضيتها مرايه وزينيها بالورد الصناعي والشرائط الملولوة
واذا تبين تحطين لها معجنات مع ورق العنب وكبه جيبي صيخ الشوي الخشب وحطي فيه حبه بيتزا وحبه كروسان
وحبه ورق عنب وحبه كبه وصفيها في صينيه مفروشه خس او بقدونس او كزبرة او جزر لك حريه الاختيار بس يكونون
مقصصتهم صغار
او تجيبين اناناسه وتحطين اعود الاسنان فيها تمر وتغرسينه فيها وصبي عليه عسل ورشيه سمسم او صبي عليه طحينه
سائله ورشي عليه شوي بسكوت شاي ناعم واذا ماتبغين اناناس جيبي فلين وسوي شكل النخله يطلع مرة خيال
او سوي حلى الجوزيه وحطيه وسط جوز هند طبيعي قصي حبه جوز الهند نصفين وعبيها من ها الحلى


نفسي اعرف اصور واحط الصور هنا كان اغرقتكم في كل شي اسويه بس ***** الله راح اتعلم واوريكم
جزاك الله خير زهور القمر ماحبيت اطلع ومااقول كلمه حلوه بس جد افكارك حلوه
الله يعينك صراحة ماعندي افكار
عندي فكرة
كيس بطاطاكرسبي اواصابع زي ماتحبي جاهز اقليه واعملي اقماع من الورق المقوى وحطي بها البطاطا وفوقها الكاتشب والمايونيز مثل اللي يبعون البطاطا في المراكز التجارية وصفيها بسبت او سلة كبيرة وتفنني بديكورها صدقيني رهيبة ويحبها الاطفال


الساعة الآن 12:57 .