Analysis Services
تسلمون كلكم والله
كني داخله حرب انا اعرف الطريقه لكن المشكله تنظيف الراس
والاشياء الثانيه والكرشه مااعرف انضفهم

والف مليون شكر لك ناني ربي يسلم يدك
10-03-1429 هـ, 12:59 صباحاً
 
الله يقويك ويعينك
10-03-1429 هـ, 01:15 صباحاً
 
الله يعينك

وان شاء الله شغلك يبيض وجهك قدام زوجك و قدام اهله

بس اختي حبيت اذكرك

لا تنسين تتحصنين بالورد و الاذكار اخاف تصكك عين وانا اختك
10-03-1429 هـ, 01:21 صباحاً
 
الله يستر عليك وينصر ك ويعينك
10-03-1429 هـ, 01:26 صباحاً
 
اقتباس مشاركة  (nany2)
حبيبتي الله يعطيك العافيه ويساعدك ويكون في عونك
ترى طبخ الذبيحه مررررررة ممتع انتي بس هونيها
انا سويتها لما كنا في البر والحمد لله ظبطت معاي
اول شي اغسلس الذبايح زين ما زين وبعدين تكونين محظرة القدر الكبير وتحطين فيه الماي إلين يغلي وبعدها حطي الذبايح فيه وبعد الطبخ بنص او ثلث ساعه ضيفي له الملح ولو يكون الملح الخشن يكون افضل
والبهارات تحطين شي بسيط عشان ما يعطيك لون الرز غامق يعني بس للنكهة
وحطي الهيل والمسمار والقرفه اذا تحبين بعد ورق الغار وشوي بصل وطماط قطعيه كبار شوي
وخليها تطبخ طبعا اللحمه على حسب حجمها تاخذ الوقت في الطبخ يعني اذذا كانت الذبيحة صغيرة انتبهي لاتكثرين الطبخ عليها عشان ما تتقطع عليك
وبعد ما تستوي اللحمه شيليها اذا حابه تحمرينها حطيها في صينية الفرن وتكونين محضرة التتبيله اللي تحبينها وتمسحين الذبيحة فيها وتدخلينها للفرن
او انك تكونين محضرة قدر ثاني وتشيلين الذبيحة وتحطينها فيه اذا ما تبغينها متحمرة
وبعدين تصفين المرق اللي طبختي فيه الذبيحة ولازم تزيدين عليه شوي ملح عشان يطلع الطعم افضل واذا حابه اضيفي الفلفل البارد بعد يعطي طعم راااائع
انا احط الفلفل مع الرز عشان مايفقد نكهته
وبعدها اضيفي الرز والمرق طبعا اكيد بتعرفين مقداره يعني على حسب نوعية الرز اللي بتحطينه
واضيفي زيت اذا حسيتي ان المرق ما فيها زيت ولما يبدأ ينشف قصري على النار
وحليه يستوي على راحته
تكونين محظرة الكشنه اللي تحبين تزيني فيها الوجه عاد انتي وشطارتك وفنك
ياليت اكون قدرت اساعدك بشي بسيط لكن والله لما تخلصين وبعد ما تفرغين الوجبه في الصحون تحسين بمتعه حتى لو كنتي مجهده وتعبانه وتحسين بإنتصار ويكفي انك بتسوين الشي هذا لأجل خاطر ابو الشباب الله يخليه لك وانتبهي ترفضين او تقولين له ما اقدر اسويها حتى لو لقيتي تحبيط من اهله او اهلك خلك واثقه وربي بيعينك
الله يعطيك العافيه وموفقه يارب
تحياتي
الاخت ماقصرت في الشرح
واهم شي تزيلي الدهن الزايد قبل ماتحطي الرز في موية اللحمه
10-03-1429 هـ, 01:34 صباحاً
 


الساعة الآن 09:54 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏