اقتباس مشاركة
المشاركة الأصلية كتبت بواسطة جارة القمر.
الله يا المسافره على الاكلات الحلوة انا من زمان كان نفسي اشكرك على الاكلات

الراقيه اللي تسويها انا عملت كثير من اكلاتك وطلعت روعه......... وبصراحه دايما تبيض

وجهي عند زوجي وعند كل اللي يذوقها ......... تسلمين يا شيخه الله يحرم يدينك على النار



آآآآآآآآمين يارب العالمين ولج مثل هالدعاء ان شالله.. مكشورة حبيبتي جارة القمر عالرد اللي يبرد القلب الصراحة.. وبألف هني وعافية عليكم يارب.. وصحتيييييييين..


اقتباس مشاركة
المشاركة الأصلية كتبت بواسطة شهووودة
حبيبتي المسافرة
صار لنا مدة ماشفنا شي من ابداعاتج الغالية
يالله ترانا ننظر بفارغ الصبر


مشكورة الغالية عالمرور الحلو.. وأشكرج عالسؤال الأحلى.. والله شو أقولج لاهية بالبيت ويا اليهال وناسية المطبخ.. وين ووين اذا سويت شي.. الله يعينا ان شالله على طاعته وعلى الدنيا كلها.. ياختي يتني عين ههههههههههههههه من كثر اللي سويته قبل.. وان شالله أرجع بس متى مادري.. وتحياتي لج..


اقتباس مشاركة
المشاركة الأصلية كتبت بواسطة meme7777
يعطيج الله الف عافية.....


الله يعافيج الغالية ومشكورة عالمرور..


اقتباس مشاركة
المشاركة الأصلية كتبت بواسطة رياضيات
مشكوووووووووورة يالمسافرة على المنيو اللي يطير العقل

جربت البطاطس المحمر ع لى الفرن وطلع لذيذ..

وجربت السمبوسة وطلعت هششة ولذيذة...

والله أدعيلك دايماً على الأكلات الطيبة والله يرزقك الخيررررررر في الدنيا والأخرة


بالعافية عليج الغالية وألف شكر لج عالمرور وعلى الدعاء الحلو مثلج.. وكلج ذووووووق حبيبتي..


اقتباس مشاركة
المشاركة الأصلية كتبت بواسطة تـونـه
تسلم ايديج يا عسل
ما أعرف كيف أشكرج على هذا المنيو الراائع....الله يحفظج ويسعدج مثل ما أسعدتينا بهالمنيو الرهيب...ويحقق كل اللي في بالج ولا يحرمنا منج ومن وصفاتج اللذيذة
حبيت أسألج عن الوصفات اللي بجربهم إن شاء الله
1- سمج تحته: اللومي الاسود بكباره وللا مطحون؟
2- معكرونه بالبشاميل: ياريت مقادير البشاميل
3- خبز النان: أشغل الفرن من فوق وتحت وللا بس من تحت؟؟ وشكلج في الصوره حاطه جبن وللا هذي زبده بس؟
واسمحيلي ثقلت عليج



لا شكر على واجب أختي الغالية وأنا اللي لازم أشكرج انج شرفتيني بموضوعي المتواضع.. ومشكورة الغالية عالدعاوي الطيبة منج.. ولج مثلها ان شالله.. وبجاوب على أسئلتج..
1- اللومي الأسود شوية بس عادي اذا محطون أو مقطع قطع صغيرة.. بس لا تكثرين.. شوية بس..
2- الباشميل.. تحمسين 3 ملاعق طحين لين يحمر شوي وبعدين حطي قالب زبدة صغير وحركيها لين تذوب بعدين تحطين كاسين حليب بارد وتستمرين لين مايغلظ الخليط.. ضيفي شوية ملح وفلفل أسود وسكري النار وابعديها وألحين ضيفيلها علبة قشطة وهناااااا السرررررر وخلاص اخلطيها واستخدميها لذيذة تطلع.. ممكن تحطين المقادير كلها بالخلاط مرة وحدة بس بدون القشطة وبعدين حطيهم على النار لين مايغلظ الخليط وكملي الباقي نفس الشي هو انج تبعدينه عن الضو وتضيفين القشطة.. وبسسسسسس يطلعلج باشميل لذييييييذ.. جربيه وخبريني..
3- بالنسبة للنان ماقد جربته.. بس بالفرن شغلي من تحت أول يعني مثل الفطاير وبعدين من فوق.. واللي بالصورة هذي الزبدة سايحة ومافيها جبن.. واذا جربتي شي خبريني.. والله يعطيج العافية..





الساعة الآن 01:41 .