أنا أكلت شي يشبه لهذا بس مثل ما قلتي بدون نقانق
و شكلها زي الكوره

أكلتها في المطعم الصيني ،
التنور الصيني أعتقد

كان فيها طعم روبيان و كانت خياااااااال تهبل
ودي ألحين فيها

يا ليت اللي يعرف هذيك بعد
13-03-1429 هـ, 04:17 صباحاً
 
انا ذقت بالمطعم الصيني اللي على كورنيشالخبر
زيها بالبوفيه بس على شكل كوووور مو على نقانق وكااااان طعمها يهوووووس
نفسي نسافر للدمام علشان اكلها >>>>>>>> ياهولاتكن يالحريم خخخخخخخ
ياليت اللي تعرفها تخبرنا
الكور مو النقانق >>>ماحب النقانق
13-03-1429 هـ, 05:22 صباحاً
 
السلام عليكم



هذي سلمكم الله اكله كوريه مو صينيه

و مشهوره كثير في مدينة سيئول

وهي عباره عن مقانق مقليه مع البطاطا

كيف الطريقه

خذو يا حلوين

تحضرين المقانق

و البطاطس

و البيض

و نشاء ذره

و فلفل ابيض

و ملح

و ربيان ناشف مطحون

واعواد خشب

زي اعواد الساتي

الطريقه

نجيب الاعواد ونغرسها في قلب المقانق

بعدين نقلي المقانق بس لا تحرقيها

و نقطع حبتين او ثلاثه من البطاطس على شكل مكعبات صغيره بعدين نقليها حتى تصير ذهبيه

بعد كذا نكون سالقين كمان كم حبة بطاطس

سوي الكميه اللي تبغيها وتحسي انها راح تكفي

المهم بعد ماتسلقي البطاطس

اهرسيها و حطي عليها الفلفل و الملح و الروبيان البودره و النشاء

ولكل حبة بطاطس ملعقه صغيره نشاء

بعد ماتخلطي كل هذي المكونات

تجيبي المقانق المقليه و تغلفيها بالبطاطس المهروسه

لحد ماتغطيها تماااااام خليها طبقه شويه سميكه

اخفقي البيض الكميه برضه اللي تكفي المقانق

بعدين غطسيها في مخفوق البيض

و غطسيها تمااااااام

بعدين ايش راح تسوي

تغطي المقانق بالبطاطس المقليه المكعبات

و تضغطيها تمام علشان البطاطس المقليه تنغرس في المهروسه

وبعدين رصيهم في طبق وهوب حطيهم بالفريزر علشان تتجمد الطبقه المهروسه والبيض

بعد ما تحسي انها جمدت

حضري طاسة قلي عميقه

وحطي فيها زيت كميه تكفي انها تغطي المقانق كلها

لانك راح تقليها قلي عمييييييق

بعد مايغلي الزيت في المقلاه

ويصير حار انتبهي لايكون بارد او نص ونص

علشان لا تتفكك الطبقه

المهم تحطي المقانق بسرعه في الزيت الحار

و تخليها لحد ما تقلي تمام وتتماسك

لاتقعدي تطلعي فيها كل شويه

علشان ماتتفكك

وبس تشوفيها صارت ذهبيه مرره و متماسكه

طلعيها من الزيت و حطيها على طبق فيه ورق لامتصاص الزيت الفائض

وخليها لحد ماتبرد شويه

وهم المم كوليها

وعليكم بالعافيه

بعد ماتسوينها صوريها

وهاتي الصورة و اسدحيها لنا

عشان نشوف شغلك يابطه
13-03-1429 هـ, 09:33 صباحاً
 
والله حركه حلوة بانتظار الطريقه
13-03-1429 هـ, 10:24 صباحاً
 
برووئه

حرام عليكي والله طريقه صعبه ماقدر اسويها كذا
فشيله كل اليوم وانا في المطبخ واخرتها اطلع ببطاطس مقلي ونقانق خخخخخخخخ

يعطيكي العافيه ع المجهود



يعطيكم العافية كلكم وحده وحده ع الردود


ياليت اللي تحس انها بتعرفها تذوقها عند مطعم ايكيا وتستنتج الطريقه
طبعا اللي في ايكيا مو نقانق لا بطاطس مكعبات وملصقينها في بعض على شكل مثلث تجنن الصراحه



تكفون داخله على الله ثم عليكم تكفوووووووووووووووووووووووووون انا معاهده نفسي اسويها مهما كانت الصعاب
13-03-1429 هـ, 07:44 مساءً
 


الساعة الآن 12:46 .