Analysis Services
  • «
  • <
  • 1
  • 2
  • 3
  • 4
  • >
  • »
اقتباس مشاركة  (** أخيراً **)
معيش انتي ادخلي الموضوع وحطي اسألتك هناك واكيد البنات مايقصرون معاك لان اغلب الي يدخلونه صاحبات مشاغل,, اتمنى لك التوفيق في مشروعك..
شكرا لمرورك وراح احط اسئلتي هناك ان شاء الله
اقتباس مشاركة  (حبر الوريد)
قولي لية اي مدينة افيدك انا مجربه
انا من الرياض , والله يسعدك دنيا وآخرة انصحيني باي شي بما انك عندك خبرة ماشاء الله
13-03-1429 هـ, 08:57 مساءً
 
بالتوفيق
13-03-1429 هـ, 11:52 مساءً
 
انا ماعندي خبره بهالامور بس حبيت اقترح عليك لعل وعسى ينفع ربي بها

اهتمي في الاعلان عن المحل

اهتمي بالاضاءة ففيه اضاءات تخلي البشره بيضاء وبراقه واضاءات مهما زينتي الزبونه ماتطلع منوره والسبب الاضاءة

ممكن تتعاملين مع واحده تحب تسوي نقش حنا تجي تسوي في محلك ولك نسبه من شغلها وفي نفس الوقت الزبونات يلقونها عندك لو احتاجوا

النظافة اهم شي

اشرفي على شغلك بنفسك حتى مايسرقونك العاملات

اذا ربي وفقك وتحرك المحل فممكن تعطين العاملات نسبه زيادة في الايام اللي ينضغطون فيها حتى تتحسن نفسياتهم وشغلهم ولا يطمعون في سرقتك

ممكن توفير خدمه ارسال الكوفيرة للبيوت للي تخاف تجي المشاغل او ترسلينها للعروس في قاعة افراحها لان ماعندها وقت وطبعا كل شي بالحجز

سوي برشور حطي فيه خدماتك واسعارها

واكبي الموضه من ناحيه الوان الصبغات والقصات والمكياج واشتري سيديات كل ماطلع شي جديد حتى تعلمين العاملات وتطورينهن

اي شي تسوينه في المحل اكتبيه في الاعلان اللي انتي حاطته

مثلا اكتبي لدينا احدث الصبغات الالوان كذا وكذا ........ <<< مثل كذا

وبدايتك راح تكون صعبه علشان كذا فعلي خدمة ارسال الكوفيرة للمنازل ووزعي الاعلان على المدرسات و حتى تحت ابواب البيوت مثل مايفعل مع جريدة الوسيله والمبوبه

ايه صح اعلني في الوسيلة والمبوبه بعد والاعلان فيهم ببلاش

حطي لك جوال خاص بالمشغل حتى مايزعجوك الناس على جوالك الاساسي فبحيث لو صارت مشكله تقدرين تغيرينه

مو مثل الجوال الاساسي اللي رقمه مع اقاربك كلهم

كل شي تفكرين فيه سجليه في ورقه حتى تقدرين ترتبين افكارك

سوي شي متميز عن باقي المشاغل حتى يكون عندك شي يدفعهم لك

مثلا هدية لكل زبونه

والهديه تكون اما عطر او دهن عود او علبه مكياج او مقلمه لادوات المكياج ..... فكري وراح تطلع لك افكار

لما تفتحين المحل حطي عنوان في الخارج ...... ( تخفيضات بمناسبة الافتتاح ) وخفضي من جد لان المصداقية اهم شي

والناس تبي تستغل التخفيض ويجربونك وان شاء الله باذن الله موفقه اهم شي راعي الله في كل شغلك واحذريه

لاتسوين نمص او اي شي يغضب الجبار سبحانه لانه بيده توفيقك ومضرتك

والشي الثاني احرصي على المصداقية اكثر ماكرهنا في المشاغل عدم المصداقية يقولون لنا الساعه الفلانه تجيكم الكوفيره واخرتها ماتجي

او ندخل نقول فيه زحمه يقولون لا قبلكم شوي ونرص رصه محترمه وحنا ورانا مناسبه

فلما تجيك الزبونه وانت عندك زحمه قولي لها فيه فلانه وعليها ثلاث زبونات اما فلانه فعليها اربع زبونات

هذا افضل من تقولين لها كلها ساعه ويجي دورك لانك ماتدرين بالضبط متى يجي دورها فعلميها كم واحده قدامها

وحتى لو شافت ان اللي قبلها كثير وطلعت لكنها تبي تطلع وفي داخلها ثقه من ناحيتك وهذا الشي يرجعها لك وممكن تسوي لك دعايه بسبب مصداقيتك


واهمممممممممم شي اهمممممممم شي طبعا بعد تقوى الله

هي الابستامه

ابتسمي واطلبي من عاملاتك يبتسمون في وجه الزبونات

ترى الوجيه المكشره تنفررررررررر

والله يوفقك ويسعدك ويفتحها في وجهك
14-03-1429 هـ, 01:55 صباحاً
 
بواري المدرسة
ماشاء الله تبارك الله كل هالمعلومات القيمة وتقولين ماعندك خبرة , والله استفدت من معلوماتك كثيييييييييييييييييييير اسأل الله العلي القدير ان يجعله في ميزان حسناتك ... الف الف شكر لك ماقصرتي والله
14-03-1429 هـ, 08:43 مساءً
 
الأبتسامه والتعامل الراقي مع مختلف الأجناس والأنواع بغض النظر عن مستواها ومظهرها

هالشي فهميه العاملات حتى تكسبين زباين كثير

و الزباين الدائمين عامليهم كويس لكن مايمنع لما يكون في زبونه جديده تلقى نفس التعامل الحلو حتى تحب المكان

سوي عروض مثلاُ

الزبونه اللي تجي كل اسبوع تحف اذا وصلت لعشر زيارات يكون لها تخفيض معين انتي تحددينه

او اللي تجي تسوي حمام زيت او تنظيف بشره

الشغلات اللي فيها استمراريه سوي عليها عروض بحيث الوحده تحب المكان

غير كذا اهم شي التعامل الحلو وبس

والله الأبتسامه والروح الحلوه والترحيب تحبب الناس في المكان حتى لو ماكان شغلهم ممتاز جداً

لأن الوحده تحب ترتاح في مثل هالأماكن ماتكون مجبوره علشان شغله معينه وتشيل هم وهي رايحه

ممكن في مناسبات معينه يكون في ضيافه حلا او شوكلاته عند الأستقبال

والله يوفقك
15-03-1429 هـ, 01:20 صباحاً
 


الساعة الآن 07:56 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏