السلام عليكم .

ابدخل في الموضوع مباشره واتمنى انكم تفيدونا ......

اي وحده تستخدم المشد ياليت تفيدنا ماهي احسن ماركه للمشد والذي يجعل الجسم

قطعه وحده .....ماشاء الله اعرف وحده جسمها عادي مره بس في المناسبات تكون

عارضه ازياء ..البطن يروح وكلش يروح ...الله لايضرها لاتقولون

يمكن مسويه ريجيم لاني شفتها قبل المناسبه ب3ايام وكانت عاديه ..

(وش رايكم هل الافضل المشد الكامل او الشورت مع اني افضل المشد الكامل لانه

باعتقادي يجعل الجسم قطعه وحده ومتناسق )ماهي افضل نوعيه ممتازه للمشد الكامل

ومن وين القاه ....انا من الرياض ...

شكرا معطر باريج الورد والياسمين لاحلى بنات حواء .
سبحانك اللهم وبحمدك أشهد أن لاإله إلا أنت أستغفرك وأتوب إليك ،،،
انصحك بمشد ماركة " نعومي " تلاقينه في محلات نعومي وانا اشتريته من محل

نعومي اللي في سوق الأندلس اول ما تطلعين الدور الثاني من السلم الكهربائي بيجيكي

على اليمين ...

بصراحه راااااااااائع حتى للنحيفات ويخلي الجسم مانيكاااااااااااان ....

وانا بصراحه افضّل المشد الكامل احسن من الشورت وعموماً كل واحده وطبيعة جسمها

يعني اذا عندك زوائد في منطقة الأرداف فطبعاً الشورت افضل ....
" يا اكرم من أمّله المؤمّلون يا رجاء الخائفين يا أمل المذنبين ان طردتني فإلى من اذهب يارحيماً بمن عصاه يا حليماً على من تناساه يامن شيمته الصفح عصيتك جاهلاً يا ذا المعالي ففرّج ماترى من سوء حالي إلى من يهرب المخلوق إلا الى مولاه يا مولى الموالي "

شوفى حبيبتى

المشد او الكورسيه انواع

كامل

بس من الصدر لحد الخصر

من الخصر لنص الفخذ

من الخصر لاعلى الفخذ

وفيه من تحت الصدر لاعلى الفخذ

ومن تحت الصدر لنص الفخذ

وحسب ما اشوف

انتى تحددينه حسب جسمك

ولو انى اكره اللي يجيك لحد الخصر

لانه يضغط الجسم ويشوهه

يا كامل

او من تحت الصدر

واحسن محل مدرى والله بس اتوقع تحصلينهم في كل اللانجرى

ان شالله البنات يفيدونك
اعذرونى يالغاليات ترى اليوزر نيم هاليومين

قطيه بينى و ...

وبين اختى ...

واخت رجلى ...

فلاتشرهون عليناااااا
الله يعافيكم والله ..دقه قلب انا مشكلتي البطن بارز شوي ودي يطلع مسح ....وش رايك تهقين المشد الكامل اللي من

فوق سنتيان الى نصف الفخذ يفي بالغرض ..وهل ماركة نعومي تشد زين وماهي نوعيه القماش المصنوعه منه

وسعره كيف ..انا شريت مره من الريس بس ماعجبني يمكن لانه مو كامل لانه من اعلى الصدر الى نصف الفخذ ..

يابعد عمري مادري وش صار احس انك طيبه من اسمك ...كفيتي ووفيتي ماشاء الله قلتي كل اشكال المشدات

الله يعطيك العافيه .

يابنات الرياض ..وينكم افيدونا بنصايحكم يالحبايب .:24: :24: :24:
اقول همس السكون توكلي على الله ولا تترددين في مشد ماركة نعومي خصوصاً ان مشكلتك في البطن ..
واتوقع ان المشد الكامل اللي قلتيه بينفع وزياده ..
وبصراحه انا جربت ماركة نعومي واحسها افضل ماركة مشدات وبالنسبه للسعر فهو حوالي ثلاثمية ريال ..
وبالنسبه للقماش فمدري والله وشلون اوصفه .. من جهة الصدر والبطن على شكل ستان مقوى ومبطن ..
ومن جهة الخصر جاي على شكل مخرم تخريمات صغيره مره .. ومن جهة الظهر حفر كله عشان ما يبين انك
لابسه مشد وممكن تحطين سيور الستيان وممكن تشيلينها على حسب موديل فستانك وفيه منها لون المشد والثاني
المائي اللي ما يبين سيور الستيان ..

اتمنى اني افدتك واي استفسار انا في الخدمه ...


الساعة الآن 02:09 .