المكرونه افضل نوع هو قودي ما تعجن ابد حتى لو ماحطيتي زيت
اما البرجر
برجر لحم عندك امريكانا بالبهارات العربيه
برجر دجاج هو برجر النخبه من الثلاجه العالميه
البهارات عندك بهارات الخليج انا القيها فيجيان اذا انتي من الشرقيه خلطاتها حلوه
الدجاج الصدور عنك رضوى يجي مغلف وبكرتون ما ترمين منه شي
الطحين المطابخ الكويتيه
وحب الهري بعد المطابخ بس نادر تلقينه
القشطه احنا نستخدم كيدي دي
العصير انتي وذوقج بس احنا نستخدم العلب راني وبعد من ندى الليمون والكيوي ومن الربيع حوح وبرتقال ومن نادك التوت والفراوله
الكاكو البودره نسله العلبه المعدن البني
والسايل نوتلا
والجامد جالكسي بس الكوالب الكبيره هذا اذا بالحليب اما اذا نبغاه مر القوالب الكبيره بس ما اعرف اسمها
الجبن السايل كرفت الالشيدر العلب نادك الكريمي كيري او فيلادلفيا للتشيزكيك
قشطة الخفق نادك طويل الاجل تتم حول 3 شهور موحسافه فلوسها خاصه اذا كان استخدامك لها قليل
الفواكه والخضره من السوق بس اذا بناخذ من بقاله عنج ماركة uniti او شي زي كذا المهم اول حرف منها يو وتجي الفاكهه والخضره مغلفه ببلاستك وباكياس احنا اغلب شي ناخذ منها خاصة الجزر جزرهم حالي ولذيذ طبعا البرتقال ياحلوه اكيد المصري تبع ابوالهول والافندي المغربي ابو نمره سودا مكتوب عليه بالاصفر ماروكو بدون حب وطعمه لذيذ
الزبده المراعي
الزيت عافيه ولاتغيرينه ما يشربه الاكل ثير وهو احسن نوع بالسوق
البريد هرفي الذ واحسن من المطرودي الازرق
غسيل الملابس اللي بالغساله اريل
وشامبو العبايات للملابس اللي ماتستحمل الصابون لانه قوي على الملابس اومينو الوردي
غسيل حمامات الله يعزج تايد العدي او داك العادي الريحه الصليه
عسيل المواعين فيري او لوكس خذي الريحه الاصليه اوفر من الروايح الثانيه ياخذون عليه زياده موتحسبون حاطين الريحه ببلاش
التغليف البلاستك سانيتا الحجم الاقتصادي الكبير تشد معاج 4 الى 5 شهور حسب استخدامج
الاكياس تبع اللحم سانيتا الزباله الله يعزج بعد نفس الماركه ابو ربطه وكل شي بلاستيط في الغالب سانيتا ملاعق صحون كاسات
مطهر الحمامات داك افضل شي
هذا اللي جا في بالي الحين ومن حسن حظج ان قائمة البيت جالسه اكتبها الحين
ان شالله بس هذا اللي انتي قاصدته بالموضوع مو انتي تبين شي ثاني
أجعل للخيال مساحة في يومك لتبدع

ادعولي بالتوفيق


الساعة الآن 11:58 .