معلش على تدخلي شو حياتي فتاة سورية

لما اتغطي الحليب بعد ما تعمليه اتأكدي انه مغطى بحرام و اتركيه 4ساعات بالزبط بيطلع لا هو حلو و لا هو حامض بين و بين(فهمتي عليّ كيف؟) و اذا بدك يكون اللبن حامض شوي زيدي بمدة التغطاية يعني 6 ساعات متلا

و اذا بدك يكون اللبن حلو شوي في نوع من اللبن بيكون حلو بنباع بالمحلات و بيسموه القشطة الحامضة بيكون احلى من اللبن العادي بأمكانك اتضيفي شوي منه مع اللبن العادي الي بتستعمليه بالروبة

و على فكرة فيكي تعملي من اللبن الي من صنع ايدك لبنة و كمان لبنة المكورة ب زيت الزيتون رووووووعة

صدقيني انا شخصيا بعمل اللبن و البنة عندي بالبيت لان عمل البيت ازكى اكتير


و الف صحة على قلب الكل

سؤال
سؤال
سؤال
سؤال



الخل الابيض للجبنة لازم يكون مخفف (يعني الخل الي بيستعمل للسلطة احيانا بدل اليمون؟؟؟)
او الخل المركز الي بيستعمل للمخللات؟؟؟؟؟


بليز جاوبوني؟؟؟؟؟؟؟؟؟
أهلا وسهلا اخت butysky نورتي

اختي شكرا جزيلا لك انا لما عملت اللبن تركته 6 ساعات والحمد لله طلع طيب

بس كان قصدي بالسؤال كم من المدة ممكن يضل بالبراد بدون ما يحمض زيادة وتنتزع طعمته
وما جاوبتيني بما انك بتعملي اللبن بالبيت ممكن هذا لبن البيت استخدمه بالطبخ اذا بدي اعمل شاكرية مثلا؟؟؟

واذا ممكن تكتبي لي طريقة اللبنة المكورة بزيت الزيتون لان شهيتيني عليها وانا حامل يلا الحقيني قبل لا تطلع بالولد

اما بالنسبة لسؤالك عن الخل فو الله ما بعرف انا جربتها اول مرة بخل التفاح بس ما زبطت منيح اما بسبب الخل
او لان ما تركتها فترة كنت عم اتوحم فاكلتها رأسا تاني يوم وما صحلي اعملها مرة تاني

ان شاء الله ترد عليك اخت طوق الياسمين
حبيبة قلبي

شوفي حياتي

بالنسبة للبن طول ما هو في البراد ما تخافيش عليه بيظل امنيح و ما بيحمضش

و بامكانك تعملي فيه شاكرية ما تخافيش لبن عادي و طبيعي اعملي الي بدك اياه فيه

و بنسبة للبنة المكورة

اللبن الي عملتيه حطي عليه شوووووية ملح مش اكتير ديري بالك و حطيه بكيس امخدي ما بدك اياه او كيس شاش ازا عندك و بعدين اعصري اللبن الي في الكيس تا اتشوفي المي بدأت اتزل منه و حطيه في مصفاية و بلبراد حييييييك تا ينزل المي منها مزبوط و بعدين بتكوري اللبنة على شكل دوائر مقبولة الحجم و بتحطيها بيصينية و اتركيها بالثلاجة و ظلك قلبيها الى ان تلاحظي انها تماما نشفت من المي الي فيها و بعدين بتحطيها بمطربين (اطرميز) و بتحطي عليها الزيت الى ان يغطيها و الف صحة و عافية يارب


و الله يقومك بالسلامة و خليه يطلع شبهي اوكي؟؟؟؟

و اي سؤال انا حاضرة
الغالية butysky

عذراً على التأخير اختي

بالنسبة للطريقة أنا نقلتها من كتاب خليجي لدي ولم تحدد الكاتبة نوعية الخل المستخدم

مكتوب فقط خل وأنا من نفسي جربتها بخل السلطة وممكن لو بتحبي تجربي بكميات قليلة

بالنوعين وتشوفي مين ألذ..

وبالتوفيق
كل عسير إذا استعنت بالله فهو يسير ، وكل يسير إذا اعتمدت فيه على نفسك أو أحد من خلق الله فهو عسير.


اخواتي جميعا جزاكم الله الف خير

كل ما عملت اللبن بدعيلكم كتير بس لسا عندي سؤال .......... معلش استحملوني

هلا انا لما بعمل اللبن عم اتركه بالطنجرة وبحط الطنجرة كلها بالبراد بس هلا بدي اسألكم

انقل اللبن بعد ما بصير عادي لاي علبة ما بيخرب ؟؟؟؟ او في طريقة خاصة لنقله؟؟؟؟؟؟؟

شكرا لكم


الساعة الآن 11:46 .