Analysis Services
خبيرات القهوة العربية
الحقوني مشكلتي قهوتي يطلع فيها طعم مر عجزت اشيلة ماقدرت لدرجة اني مااسوي قهوة بسبتة وتطلع خفيفة شفافة
بعلمكم بطريقتي وقولوا وشهو العيب
ا1 // اجيب ترمس القهوة واعبية ماء مقياس وبعدها اصبة في براد القهوة واولع النار
2// اجيب فنجال قهوة حمراء واحطها في البراد واتركها تغلي على نار هادية 15 دقيقة
3// اطحن هيل واحط ملعقة صغيرة منة واحط ملعقة صغيرة زعفران
واطفي على القهوة واستنا دقيقة ثم اصبها في الترمس
والمفاجئة قهوة مرة ولونها فاتح
تعبت وش هو السبب
اللي عندها اسم محل معين يبيع قهوة حلوة او خلطة الله يفرج عليها تلحقني
ابغى قهوتي لونها برتقالي وطعمها حلو
لاتقولون القهوة قديمة الاجديدة ومن محلات فخمة بس نفس العلة
اخاف عندي عين هههههههههههههه
15-03-1429 هـ, 04:59 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ايشري بسعدك

بعض انواع القهوه يجي مر وثانيا لون القهوة يعتمد على الحمس

واحسن انواع القهوه ( بر يه )
انا طريقتي في القهوه سهله وجربيها وبإذن الله تضبط معك وعلميني اذا سويتيها

حطي مقدار الماء حق ترمسك بس لازم حار يعني محميته في بريق الماء

ثم حطي 2/م قهوة وزعفران شوي وهيل ومسمار وزنجبيل ربع م من كل نوع واتركيها تغلى 10 د لأن طبخها كثير يسبب المراره ثم ضعي عليها 1م ك حليب ابو قوس وخليها تقلب مره وحده ثم شليها من النار وخليها تركد ثم زليها بالترمس وتقهوي لين يصفى راسك وبالعافيه
15-03-1429 هـ, 05:57 مساءً
 
ينقل من المقبلات لاطباق عالم حواء
15-03-1429 هـ, 06:00 مساءً
 
على نوع القهوه والزعفران


بقولك على طريقة امي بالقهوه والله العظيم مافي احد يشربها الا وينهبل عليها


اول شي تحط القهوه

تخليها تغلي 20 دقيقه<<<<على خبرة امي تقول كل ماغلت اكثر كل ماصارت احلى


بعدها تحط عليها حليب اي نوع من الحليب تبين امي تستخدم السعوديه الين يتغير لونها وتفتح شوي<<<وابعدي عن الكوفي ميت تراه مو زين ويسمن بعد

بعدها تكون مجهزه الترامس او الدلال ويكون فيها الهيل والزعفران<<<لاتكثرين زعفران بس شوي اذا كان اصلي

وتصبها في الترامس وبس


وسألت امي عن نوع القهوه اللي تستخدمها تقول (( بن الخير اللي كتبها اخضر))

وخلي الحمسه فاتحه<<<بحاول اصور لك قهوتنا وهي مطحونه ومحموسه اذا تبين

والزعفران ابو شيبه الأصلي
15-03-1429 هـ, 06:12 مساءً
 
ما قصرن الاخوات الله يعطيهن العافيه
15-03-1429 هـ, 07:11 مساءً
 


الساعة الآن 05:10 .