اهلين صهليل كيفك كيف صحتك مبروك الحمل والله يتم عليك بالصحه والعافيه وربي فرحت لك
بالنسبه لعزيمتك
سلطة الزهرة متعبه كم بيلك وحده تقطعيها وبعدين تقليها ومهما كثرة بعد القلي راح تكون نصف الكميه لانها تذبل
عندي لك سلطه سهله وطعمه جدا(اذا حريم ورجال دبلي الكميه)
جيبي لك حمص حب معلب وذره معلب وفاصوليا حمراء معلبه هذا الجاهز والمريح فيها
اقلي باذنجان مقلي الكميه العاديه 2كبيره وبطاطس مقليه 1كبيره او 2صغيره
ملفوف ابيض مقطع شرايح خفيفه اذا حبيتي خيار جزر مبشور علشان تعطيك كميه والوان متعدده
الصوص
واحد زبادي +3م ك طحينه + 1م مايونيز+خل +ملح +ليمون

المقالي العصر اقليها وحطيها في الثلاجه
الخضار قطعيها من العصر او الظهر وفي الثلاجه
الصوص اخلطيه قبل مايجون وحطيه في الثلاجه
وربي تبيض وجهك

وبالنسبه لصينيه الخضار موب لازم مقليه كشني للبصل ثم الدجاج قلبيه شوي ثم الطماطم المطحون
والمعجون والملح والبهار وكبيها بالصينيه ثم كبي الخضار الي ودك فيها دخليها الفرن على حراره وسط او حتى
هاديه حتى تتسبك اذا طلعتيها ذري شوي سكر بين الصابع وقلبيها حتى يكسر حدة حموضة الطماطم

جهزي اغراضك من بدري قطعي خبزك جهزي ملاعقك صحونك
الله يعينك احتسبيها لرضى ربي ثم رضى زوجك 00

اي سؤال انا بالخدمه
18-03-1429 هـ, 09:01 مساءً
 
الله يعينك عاد الحموله لهم خبه >>>>كلمه قصيميه
وتعني اهتمام زايد ههههه
18-03-1429 هـ, 10:40 مساءً
 
هلا اختي صهيل الخيل طيب ليش ماتسوين سلطة مكرونه حلوه وسهله اسهل من الزهره اتوقع

ولو تسوين بدال الجريش قرصان سهل مره ومايبي له شي

و خلاص بكره افتحي الباب على المغرب بيجيك الجريش اللي يحبه قلبك ولو تبين مثلوثه ماعندي مانع

الله يعيتنك شكلك من اليوم باديه في الحوسه تبين مساعده جينا ترى عادي نتعاون

الله يوفقك وييسر لك امرك ولاتنسين عطينا اخبارك بعد العزيمه
19-03-1429 هـ, 12:23 صباحاً
 
انا قصدي قشطة طازجة وصوص هيرشي الله لايخلينا والله ضاق صدري يوم قلتي ان ماتقدرين على الاكلة الشعبية ويالبى قلبها حجابي عفافي بتسوية لك بس قولي مووووووووووووافقة ابلشيها خخخ لاتزعل حجوبة 000000000
19-03-1429 هـ, 01:02 صباحاً
 
هلا حبيبتي الله يعينك
اش رايك في نوعين او ثلاثة سلطة ممكن تكون سلطة بيضاء (بصوص) وسلطة خضراء ( عشان الرز)
ممكن تجيبي ورق العنب وكبة من برا وترتبيهم في صحون
واذا صعبة عليك الجريش والقرصان اعملي لك خضار من دون قلي ( قطعي الخضار كلها مع بعض... وبكذا ترضي الصغار والكبار)
19-03-1429 هـ, 01:06 صباحاً
 


الساعة الآن 12:43 .