الله يعينك ياقلبي ..


بس بصراحه مفروض من السبت وانتي مقضيه عشان تبدين تشتغلين ..


وتفرزني ..عشان متتعبين ..


ياعمري وش رايك بالطبق الرئيسي ..


يكون رز بالخلطه جوناااااااان ..


وتسوين دجاج بالفرن ..يعني بس تتبيل من الليل .زوقبل العشاء بساعتين حطيه بالفرن ..


ومعجنات ..يعني كم نوع ..


لفائف ..باذنجان ..سهله مرررررره وطعمها خياااااااال ..وورق عنب هذاشي أساسي ..

جيبيه جاهز أو اللي بالعلب يمدحونه..

ومكرونه محشيه ..أو بشميل ..


والحلى ..ممكن أم علي اذاكان عندك سخان ..كريم كرمل ..تراميسيو


وصوري عزيمتك عشان نشوفها هههههههههه..



الله يوفقك ويساعدك..
الحمدلله حتى يبلغ الحمد منتهاه
للرفع
لا اله الا انت سبحانك اني كنت من الظالمين
رجعنا

بسم الله الرحمن الرحيم


((المكرونه بالخضاااار))

المقادير

كيس مكرونه (او حسب حاجتك)
بطاطس وباذنجان (الكميه حسب رغبتك)
حبه وحده فلفل رومي(فلفل أخضر)
2 حبة بصل
مشروم
2ماجي(مكعبين) وممكن اذا تحبينه مالح شوي حطي زود عادي او قللي على راحتك
3فصوص ثوم

الطريقه
اول شي تقصصين البصل جوانح وبعدين تحمسينه بشوي زيت بعدين تحطين المشروم وتحمسينه لين يبدأ يستوي المشروم شوي
ثم حطي الماجي بعدين تحطين الثوم بعد ماتقصصينه صغار وتحمسين شوي ثم تحطين الفلفل الرومي وتحمسين لين يذبل تقريبا
بعدين البطاط والباذنجان تكونين مقطعتهم مكعبات وتقلينهم بالزيت ..وبعدها حطيهم على الحمسه اللي سويتيها وسكري على الحمسه لان خلاص مايحتاجون حمس مستوين >>>احلفي
امممممم
سوي المكرونه عادي ثم حطي الحمسه عليها واخلطيهم مع بعض ..وحطيهم بالصحن اللي تبينه بس يكون يدخل للفرن يعني بايركس تقريبا ..

بعدين حطي عليهم هذي الخلطه هي تشبه البشميل تقريبا :
ابعطيك مقادير تصلح اذا سويتي كيس مكرونه كامل .واذا بتسوين اقل حطي نص الكميه تقريبا..

1 قشطه
4ملاعق حليب بودره
1 كاس مويه دافيه
5 ملاعق طحين او لين تثقل الخلطه شوي(انتي حطي بالبدايه 3 ملاعق ثم زودي)
ملعقتين اكل جبن كرافت السائل
وحبة ماجي (بتعطيها نكهه حلوه)
حطيهم كلهم بالخلاط عشان الطحين مايتكتل ..ثم حطيهم على النار لين تثقل الخلطه وتصير زي الباشميل
وترا ممكن اذا شفتيها ثقيله زودي مويه شوي
بعدين صبيها على المكرونه ودخليها من تحت شوي تقريبا 10 دقايق
ومن فوق لين تتشقر ...وصحه وعافيه ..
وترا ممكن تحطين للحمسه صدور دجاج هم تطلع حلوه لكن بالنسبه لي بدون احلا ..
ترا المكرونه عاديه ومعروفه لكن والله طعمها يهبل ماشاء الله خصوصا اذا ضبطت الخلطه اللي فوق..

اممممممم باقي التشيز كيك ..بكره ان شاء الله العصر واذا احنا من الحيين بكتبه لك وهذا وعد مني ..
لان بصراحه كنت كاتبه المقادير بجوالي ومالقيتها شكلها انمسحت
بس بكره باخذها من امي وبدخل اكتبها لك ان شاء الله
وترها مره سهله وماتحتاج فرن مثل ماقلت لك وطريقة تحضيرها ماتاخذ 10 دقايق ..يعني ان شاء الله يمديك تسوينها حتى لو يوم الاربعاء الصبح
بس انا بعطيك اياها بكره بأذن واحد أحد
الحمد لله على كل حال
هذي طريقة التشيز كيك
المقادير:

1 كيك امريكانا (باوند كيك)
8 حبات جبن كيري
1 قشطه
1 جلي ليمون
2 ظرف دريم ويب
3ارباع كأس حليب
1 علبة صغيره عصير فواكه مشكله
1 ظرف جيلاتين (بدون لون)مذوب بنص بيالة مويه
علبة باي فيلينق النكهه اللي تبينها

الطريقه:
تقطعين الكيك شرايح بس مو سميكه ولا رفيعه..وسط..وترصي نه بصينية التشيز كيك
بعدين شربي الكيك بالعصير بس لاتحطين كثير بس مجرد رش خفيف عشان يصير الكيك شوي لين..
بعدين أخلطي باقي المقادير بالخلاط بعدين صبينها على الكيكه..ودخليها الثلاجه ويفضل ليلة كامله
واذا جمد حطي عليه الباي فيلنق وعليكم بألف صحه وعافيه
الحمد لله على كل حال
UP شكلك ماخذيتي طريقة المكرونه والحلى اللي طلبتيها مني
لو رجعتي للموضوع بشرينا عن البوفيه ان شاء الله ماتعبتي
الحمد لله على كل حال


الساعة الآن 11:48 .